JEREMÍAS 21:4 - Dios Rimashca Shimicunami

⁴ Israelcunata Mandaj Diosca cashnami nin: Ñucaca cancunapaj maquipi charicun macanacunacunataca imapaj mana valijtami rurani. Chai Babilonia llajtata jatun mandajtaca pirca huashamanta ama yaicuchun, ña mana ch'imbapura macanacushpa jarcai tucunguichijchu. Jatun pirca huasha muyundijta shayashpa cancunata chapacuj chai caldeo soldadocunataca tucuicunatami cai puebloman yaicuchisha.

JEREMÍAS 21:4 Iomraidhean Croise

ISAÍAS 10:4

Ñuca illajlla cashpaca, prezucunahuanmi cumuringuichij. Huañuchijcunapaj maquipimi urmanguichij. Chashna llaquichishpapish pai p'iñarishcaca manataj pararingachu. Paicunata llaquichingapajca maquita chutashcarajmi.

ISAÍAS 13:4

Achcacuna urcupi bullacujmi uyarin. Achca gentecuna caparinacushcami uyarin. Llajtacuna yallitaj bullashcami uyarin. Tandanacushca llajtacuna caparinacushcami uyarin. Macanacunapaj caj soldadocunataca tucuita Mandaj Diosmi yupashpa ricucun.

ISAÍAS 5:5

Cunanca ñuca uva chagrata imata ruragrishcatami ricuchigrini. Muyundij pircatami anchuchigrini. Tucui tucuchishcami canga. Tucui pircata anchuchishca cajpica, pipish sarushcami canga.

JEREMÍAS 20:4

Pai Mandaj Diostajmi cashna nin: Cantaca canllatajpish, canhuan alli apanacujcunapish mancharinatami ruragrini. Canhuan apanacujcunatapish, cambaj ñahui ricucuitami p'iñajcunaca espadahuan huañuchingacuna. Tucui Judá runacunatapish, Babilonia llajtata jatun mandajpaj maquipimi churagrini. Paimi Babilonia llajtaman prezu apashpa espadahuan huañuchinga.

JEREMÍAS 21:3

Jeremiasca paicunamanca cashnami nirca: “Sedequiasman cashna huillagrichij:

JEREMÍAS 32:24

Cunanca caldeocunaca mishashpa japingapajmari, cai pueblo tucui muyundijta caspicunahuan arietecunata rurancuna. Jatun macanacuipi huañushpa tucurishcamantapish, yaricaimantapish cai puebloca chai caldeocunapaj maquipi urmagrinca. Mandaj Dioslla, can huillashca ña pajtacujtaca canllataj ricunguimi.

JEREMÍAS 32:3

Paitaca Judá llajtata jatun mandaj Sedequiasmi, cashna nishpa prezushca carca: “¿Ima nishpataj canca cashna nishpa huillanguiyari?: Mandaj Diosca cashnami nin: Ñucatajmi cai pueblotaca Babilonia llajtata jatun mandajpaj maquipi churani. Paica macanacushpa mishangami.

JEREMÍAS 32:5

Sedequiastaca Babilonia llajtamanmi apachinga. Ñucallataj cutin ricugringacamami chaipi canga. Chai caldeo soldadocunahuan macanacushpapish, ashtahuan llaqui tucunguichijmi ninmi Mandaj Diosca ninguimari” nircami.

JEREMÍAS 33:5

Caipi causajcunallatajmi, caldeo soldadocunahuan macanacunaman espadacunahuan llujshincuna. Chaimantami cai huasicunapica, huañushcacunata jundachincuna. Paicunallataj yallitaj millaita rurashpa causashcamanta yallitaj p'iñarishpami, cai pueblopi causajcunamantaca ñuca ñahuita shujman churarcani. Chashna yallitaj p'iñarishpami, cai jatun llaqui tucuchun saquircani.

JEREMÍAS 35:17

Cancuna chashna cashcamantaca tucuita Mandaj, israelcunapaj Diosca cashnami nin: “Ñuca rimashcataca cai Judá llajtapi causajcunapish, Jerusalenpi causajcunapish manataj uyancunachu, cayajpipish manataj cutichincunachu. Chaimanta paicunapajca, ñuca imalla llaquicunata apamusha nishcatami apamugrini” ninmi.

JEREMÍAS 39:3

Chashna t'unishpami, Babilonia llajtata jatun mandaj cachashca mandajcunaca, tucuicuna Jerusalenman yaicurcacuna. Chaimantaca chaupipi caj pungu pambapimi, carpa huasicunata shayachishpa tiyarircacuna. Chai mandajcunaca: Nergal-sarezer, Samgar-nebo, Rabsaris nishca Sarsequim, Rabmag nishca Nergal-sarezer shuti mandajcunapish, shujtaj mandajcunapishmi carcacuna.

JEREMÍAS 52:18

Shinallataj Diospajta ruranapaj tiyashcacunataca, jatun mangacunatapish, palacunatapish, rupashca mechacunata anchuchinacunatapish, jatun tazacunatapish, cucharacunatapish, broncemanta rurashca ima shujtaj charinacunatapishmi aparcacuna.

LAMENTACIONES 2:3

Pai jatunta p'iñarishpaca israelcuna jatun cashcataca tucuitami urmachirca. P'iñajcunahuan macanacuipica paipaj alli maquitaca ña mana mañachircachu. Ninata japichishpamari Jacobpaj tucui muyundijta rupachirca.

LAMENTACIONES 2:5

Jatun Diosca israelcunata p'iñajmi tucurca. Chaimantami tucuita tucuchirca. Paicunapaj tucui mandana huasicunata, tucui jatun torrecunatami urmachirca. Chashna rurashpami Judapi causajcunataca jahuapi jahuapi llaquichishpa huacachirca.

LAMENTACIONES 2:7

Jatun Diosca paipaj altartapish shitarcami, paipaj huasipi tiyanatapish millarcani. Chaimantamari pai mandashpa tiyana huasi muyundij jatun pircata urmachichun, p'iñajcunapaj maquipi churarca. Mandaj Diospaj huasiman paicuna yaicushpaca, fiesta punllapi shinami caparirircacuna.

EZEQUIEL 39:3

Cambaj lluqui maquipi charicun arcotaca quichushpami, alli maquipi charicun puntajlla caspicunatapish p'aquisha.

OSEAS 9:12

Paicunapaj huahuacuna jatunyajpipish, paicunapuramantaca anchuchishami. Paicunamanta ñuca anchurijpica, ¡aij imachari tucungacuna!

ZACARÍAS 14:2

Jerusalenpi causajcunahuan macanacushpa mishangapajca, ñucami tucui llajtacunamanta tandachisha. Paicunami cai pueblotaca quichungacuna. Cancunapaj huasicunamantapish ima tiyajtami apangacuna. Cancunapaj huarmicunatapish llaquichingacunami. Cai pueblopi causajcunamanta chaupica, prezumi ringacuna. Chaupica, cai pueblollapitajmi saquiringacuna.

Mateo 22:7

Chaita jatun mandaj uyashpaca p'iñarishpami, chai huañuchijcunata huañuchichun, paicunapaj pueblotapish rupachichun, paipaj soldadocunata cacharca.