JEREMÍAS 21:14 - Dios Rimashca Shimicunami

¹⁴ Ñucamari cancuna millaita rurashcamanta llaquichina shinataj llaquichigrini. Ñucamari paipaj jatun sachacunataca tucui rupachichisha. Tucui muyundijpi ima tiyajcunatapishmi rupachichisha ninmi Mandaj Diosca ningui” nircami.

JEREMÍAS 21:14 Iomraidhean Croise

2 CRÓNICAS 36:19

Shinallataj Diospaj huasitapish rupachircacunami, Jerusalén muyundij jatun pircatapish urmachircacunami. Mandashpa tiyana huasicunatapish ninata japichishpa tucui rupachircacunami. Chai huasicunapi imalla ashtahuan alli tiyashcataca, tucuimi tucuchircacuna.

PROVERBIOS 1:31

Paicunapaj causaipi imatami tarpurcacuna, chaillatatajmi micungacuna. Paicuna munashca shina rurashcallamantatajmi amijta micungacuna.

PROVERBIOS 12:14

Maijanpish allita rimashpaca allillatatajmi japin, imata rurashpapish, rurashca shinallatajmi tandanga.

ISAÍAS 10:12

Ashtahuanpish Jatun Dios pai rurana cashcata Sión urcupi, Jerusalenpi tucuchishca q'uipaca, Asiriata jatun mandajca pai quiquinllataj c'ari c'ari cashcamanta chashna rurashcata yuyashpa, pai jatun tucushcamanta p'ucushca grano shinataca jatunta llaquichishcatami japinga.

ISAÍAS 10:16

Chashna cashcamantami tucuita Mandaj Jatun Diosca, c'ari c'aricunapajmanca irquiyachinata cachanga. Paicuna sumaj cashcataca cuerpo ucupi ninata japichishpami rupachinga.

ISAÍAS 24:21

Chai punllaca Mandaj Diosca jahua huairapi mandajcunatapish llaquichingami. Cai pachapipish llajtacunata jatun mandajcunatami llaquichinga.

ISAÍAS 37:24

Cambajta rurajcunata cachashpami, Jatun Diostaca cashna c'amichircangui: Ñuca achca carrocunahuanca jatun urcucunamanmi huichiyasha. Mana huichiyaipaj Líbano urcumanpish huichiyashami. Chaipi caj jatun cedro yuracunatapish p'itishami. Ashtahuan alli cipres yuracunatapish p'itishami. Ashtahuan jahuaman caj lomacunamanmi chayasha. Tucui laya q'uihuacuna tiyan yuracuna junda pambacunamanmi chayasha niringuimi.

JEREMÍAS 11:16

Mandaj Dios ñucaca sarun huatacunaca cantaca: “Sumaj granocunata aparishca, p'angasapa jatun olivo yura nijmi carcani. Ashtahuanpish cunanca sinchita culun nishcahuan ninata japichishpami tucui p'angacunata rupachishpa, tucui ramacunata p'aquigrini.

JEREMÍAS 11:22

Tucuita Mandaj Diosca cashnami nirca: “Ñucami paicunataca llaquichigrini. Chairaj runacunaca espadapimi huañungacuna. Huambraraj churicunahuan, ushushicunahuanca yaricaihuanmi huañungacuna.

JEREMÍAS 17:10

Mandaj Dios ñucami tucuicunapaj shunguta, yuyaita callarishpa ricuni, yachani. Tucuicunamanmi imallata rurashcamantapish, ima shina causashcamantapish chasquina cashcatataj cusha” ninmi.

JEREMÍAS 17:27

Ashtahuanpish samana punlla huaquichichun ñuca mandashcata mana cazushpa, chai punllapi ima cargatapish apamushpa, cai Jerusalén puebloman yaicuchijpica, jatun ninahuanmi cai pungucunataca rupachisha. Chai ninaca, Jerusalén pueblopi caj mandana huasicunandijmi tucui rupachinga, pi mana huañuchi tucungachu” ninmi.

JEREMÍAS 22:1

Mandaj Diosca ñucataca cashnami nirca: “Judá llajtata jatun mandajpaj huasiman uriyashpa,

JEREMÍAS 22:7

Canta urmachichunca, alli macanacunayuj runacunatami apamusha. Paicunami cambaj ashtahuan sumaj cedro caspicunataca, p'itishpa tucui rupachingacuna.

JEREMÍAS 32:19

Canca jatun ruranacunata yuyarijmi cangui, sumajcunata rurajmi cangui. Tucui runacuna huahua huahua ima shinalla causajtaca, tucuitami cambaj ñahuihuan ricucungui. Chaimantami tucuicunaman ima shinalla causashcamanta, imallata rurashcamantaca chai shinallataj cungui.

JEREMÍAS 46:23

Mandaj Diosca cashnapishmi nin: Huañuchinaman shamujcunaca, langosta c'urucuna shina mana yupaipaj, yallitaj achcacunami canga. Paicunami mana pi yaicui tucuipaj jatun sachaman yaicushpa, tucui yuracunata urmachingacuna.

JEREMÍAS 50:32

Jatun tucushpa tiyacushca runaca tsagnarishpa urmangami, paitaca pi mana jatarichingachu. Paipaj tucui pueblocunatapish ushpallatami saquisha. Tucui muyundij llajtacunatapishmi rupachisha” ninmi.

JEREMÍAS 52:13

Jerusalenman pai shamushpaca, Mandaj Diospaj huasitapish, jatun mandajpaj huasitapish, shujtaj huasicunatapishmi rupachirca. Jatun huasicunataca tucuitami ninahuan tucuchirca.

JEREMÍAS 6:19

Tucui cai pachapi causajcunapish uyaichij: Cai runacunapajca jatun llaquitami apamugrini. Paicunallataj ñuca rimashcata mana uyashun nishpa, ñuca mandashcacunata p'iñashpa millaita rurashcamantami, paicuna japina cashcata cugrini.

JEREMÍAS 6:29

Nina yallitaj rupashcamantaca, ninata p'ucuchinapish rupashcami. Plomo fierropish tucui yacuyashcami. Shina cashpapish cullquimanta tucui plomo fierrota anchuchingapaj rupachij runaca yangallamari chashna rurashca. Yacuyajta rupachijpipish, chai mapaca manataj anchurishcachu.

JEREMÍAS 9:25

Mandaj Diosca cashnapishmi nin: “Charishca aicha mirga carata p'itichishca c'aricunatapish, mana chaita rurachishcacunatapish ñuca llaquichina punllacunami chayamucun”.

LAMENTACIONES 2:3

Pai jatunta p'iñarishpaca israelcuna jatun cashcataca tucuitami urmachirca. P'iñajcunahuan macanacuipica paipaj alli maquitaca ña mana mañachircachu. Ninata japichishpamari Jacobpaj tucui muyundijta rupachirca.

EZEQUIEL 21:3

Israel llajtamanca cashna ningui: Mandaj Jatun Diosca cashnami nin: Riqui, ñucaca canhuanca p'iñami cani. Ñuca espadata huaquichinamanta llujshichishpaca cashcata rurajtapish, ñucata mana manchajtapish huañuchishami.

MIQUEAS 7:13

Llajtacunapi causajcuna millaita rurashcamantami, tucui llajta llaquinayaj saquiringa.

ZACARÍAS 11:1

Líbano urculla, cedro yuracunata ninahuan rupachishpa tucuchingapaj cambaj pungucunata pascayari.