JEREMÍAS 21:13 - Dios Rimashca Shimicunami

¹³ Mandaj Diosca cashnapishmi nin: Pugru pamba chaupipi caj jatun rumi jahuapi causajcunalla, ñucatajmi cancunata llaquichingapaj shayarini. Cancunaca: ¿Pitaj ñucanchijhuan macanacungapaj huichiyai tucungari? Ñucanchij causacunmanca ¿pitaj yaicui tucungari? ninguichijmi.

JEREMÍAS 21:13 Iomraidhean Croise

SALMOS 125:2

Jerusalenca achca urcucunahuan muyunchishcami. Mandaj Diosca chai shinallatajmi paipaj cajcunataca cunanpish huiñaitapish muyundijta cuidacun.

ÉXODO 13:20

Israelcunaca Sucotmanta rishpaca, Etam shitashca pambaman chayanllapimi, carpa huasicunata shayachishpa saquirircacuna.

ÉXODO 13:8

Pascua micuita ruracui punllapica cancunapaj huahuacunamanca: Mandaj Dios ñucanchijta Egiptomanta llujshichimushpa ñucanchijpaj imallata rurashpa llujshichishcata yuyarishpami chashna ruracunchij nishpa parlanguichij.

ISAÍAS 22:1

Muscuipi shina ricuna pugru pamba imalla tucunata huillachishcami: Cunanca ¿ima tucushpataj tucui cancunaca huasi jahuacunaman huichiyarcanguichij?

JEREMÍAS 21:5

Ñucaca cancunahuanca yallitaj p'iñarishca, llaquirishcami cani. Chaimanta ñucatajmi cancunahuanca, tucuita rurai tucuj ñuca sinchi maquihuan macanacugrini.

JEREMÍAS 49:16

Jatun rumi c'aca jutcucunapi, jatun urcu lomacunapi causajcunalla, cancunapaj shungupi jatun tucushpa, c'ari tucushpamari umarircanguichij. Aguilacuna tazinta rurashca shina jahuacunaman causajpipish, chaimanta uriyachishallami” ninmi Mandaj Diosca nichunmi cachashca.

JEREMÍAS 50:31

Tucuita Mandaj, Jatun Diosca cashnapishmi nin: “Jatun tucushca llajtalla, cantaca japinamari tiyacuni. Ñuca canta llaquichina punlla, ñacachina huata chayamungami.

JEREMÍAS 51:25

Mandaj Diosca cashnapishmi nin: “Tucui llajtacunata tucuchij urculla, cantaca japinamari tiyacuni. Ñuca maquihuan huajtashpami, cantaca rumi c'aca urita singuchisha. Rupachishpa, yana urcullatami saquisha.

JEREMÍAS 7:4

Caica Mandaj Diospaj huasimari, caica Mandaj Diospaj huasimari, caica Mandaj Diospaj huasimari nishpa cancunata inquitajcunapica, ama shunguta churaichijchu.

LAMENTACIONES 4:12

P'iñashpa mana ricunachijcunamari Jerusalén pungucunata yaicurcacuna. Chashna tucunataca tucui cai pacha jatun mandajcunapish, tucui cai pachapi causajcunapish manataj yuyarcacunachu.

EZEQUIEL 13:8

Chaimantami Mandaj Jatun Diostaj cashna nini: Cancunallataj yangata rimarishcamanta, llullacunata ricushcamantaca ñucami cancunataca llaquichigrini. Mandaj jatun Diostajmi chashna nini.

EZEQUIEL 21:3

Israel llajtamanca cashna ningui: Mandaj Jatun Diosca cashnami nin: Riqui, ñucaca canhuanca p'iñami cani. Ñuca espadata huaquichinamanta llujshichishpaca cashcata rurajtapish, ñucata mana manchajtapish huañuchishami.

EZEQUIEL 34:10

Mandaj Jatun Diosca cashnami nin: Michijcunalla, cancunahuanca p'iñarishcami cani. Ñuca ovejacuna imalla tucushcataca ñucami tapusha. Cancunataca ovejacuna illajllatami saquisha. Chai michijcunaca, ña mana quiquinllatatajpish ashtahuan michiringacunachu. Ashtahuanpish ñuca ovejacunataca, paicunapaj shimimanta quishpichishami. Paicuna micushpa catichunca, ña mana ashtahuan saquishachu ninmi.

EZEQUIEL 5:8

Chaimantami Mandaj Jatun Diostaj cashna nini: Riqui, cancunataca llaquichigrinimi. Tucui llajtacunapi causajcuna ricucunpimi cancunataca llaquichisha.

MIQUEAS 3:11

Paicunata mandajcunaca camarita japishpallami, millaita rurajcunataca mana imata nincuna. Curacunapish cullquiraicullami imatapish yachachincuna. Dios ima nishcata huillajcunapish cullquiraicullami huillancuna. Chai jahuamari paicunaca: “Mandaj Diosca ñucanchijhuanmari. Ima llaquipish mana tiyangachu” nishpa, Mandaj Diospi shunguta churancuna.

NAHUM 2:13

Tucuita Mandaj Diosca cashnami nin: “Riqui Nínive, cantaca llaquichigrinimi. Cambaj carretacunataca rupachishpami, ushpallata rurasha. Malta leoncunataca espadami tucuchinga. Cai llajtaman shuhuashpa apamushcacunatapish chingachishami. Cambaj huillajcuna huillashcapish, ña mana ashtahuan uyaringachu” ninmi.