JEREMÍAS 20:8 - Dios Rimashca Shimicunami

⁸ Punllantamari can Mandaj Dios huillachun nishca shina, jatun llaquipish, huañuipish shamunallata huillani. Chaimantamari ñucataca c'amishpa, asishpa pingachincuna.

JEREMÍAS 20:8 Iomraidhean Croise

2 REYES 2:23

Chai q'uipaca Eliseoca Bet-elmanmi rirca. Pai ñanta huichiyacujpimi, chai pueblomanta huambracuna llujshishpaca: “¡Lluchu umamari huichiyacun, lluchu umamari huichiyacun!” nishpa, chanzata rurarcacuna.

2 CRÓNICAS 36:16

Chashna huillajpipish paicunaca, Dios cachashca huillajcunataca asircacunami. Paipaj shimicunata p'iñashpami, pai ima nishcata huillajcunataca chanzata rurashpa asircacuna. Mandaj Diosca, pai agllashcacuna chashna rurashpa yallitaj p'iñachijpimi, mana jarcai tucuipajta p'iñarishpa llaquichirca.

ISAÍAS 57:4

¿Pitataj chanzata rurashcata yuyanguichij? Shimita pascashpa, c'alluta cacharishpa c'amishpaca ¿pitataj chashna rurashcata yuyanguichij? ¿Manachu cancunaca ñucata mana cazuj huahuacuna canguichij? ¿Manachu llullacunapaj huahua huahuacuna canguichij?

JEREMÍAS 15:10

¡Aij, ñucalla! Ñuca mamitalla, ¿imataj tucushari? Ñucataca tucuicunahuan p'iñanacuchun, rimanacuchunllamari huachashcangui. Ñucaca mana piman ima cullquita mañachishcanichu, mana piman mañashcanipishchu. Shina cajpipish ñucataca tucuicunamari ima llaquipish tucushca alli canman nincuna.

JEREMÍAS 15:15

Mandaj Dioslla, ñucaca canta c'uyashcamanta, c'amishca causacujtaca canllataj yachanguimi, yuyarishpa ricuj shamuyari. Ñucata p'iñajcunataca llaquichiyari. Ama ashtahuan ashtahuan p'iñashpa shitahuaichu.

JEREMÍAS 17:27

Ashtahuanpish samana punlla huaquichichun ñuca mandashcata mana cazushpa, chai punllapi ima cargatapish apamushpa, cai Jerusalén puebloman yaicuchijpica, jatun ninahuanmi cai pungucunataca rupachisha. Chai ninaca, Jerusalén pueblopi caj mandana huasicunandijmi tucui rupachinga, pi mana huañuchi tucungachu” ninmi.

JEREMÍAS 20:7

Mandaj Dioslla, ñucataca inquitashcanguimari. Ñucaca can inquitashcamari causani. Ñucata yalli sinchi cashpamari mishahuashcangui. Punllantamari ñucataca tucuicuna chanzata rurashpa asincuna.

JEREMÍAS 28:8

Ñaupa huatacunaca, canpish, ñucapish manaraj huacharijpimi, shujtaj huillajcunapish tiyashca. Paicunaca jatun llajtacunapi, achca llajtacunapi jatun macanacuicunapish, llaquicunapish, ungüicunapish tiyanatami huillashcacuna.

JEREMÍAS 5:1

“Shuj runallapish cashcata ruraj, ima millaita ruranata mana munaj tiyangapishchari. Tucui Jerusalén pueblo callecunapi, tandanacuna pambacunapi callarishpa mashcashpa ricuichigari. Shuj runallapish chashna tiyajpica, Jerusalentaca mana llaquichishachu.

JEREMÍAS 5:6

Chashna cashcamantaca, sachamanta león llujshishpa huañuchingatajmi. Shitashca pambapi causaj atuj shamushpa tucuchingatajmi. Leopardomari paicunapaj pueblo muyundijta chapanga. Maijanpish pueblomanta llujshijpica, japishcahuan micungallami. Paicunallataj Diosta yallitaj mana cazushpa, paimanta ashtahuan ashtahuan caruyashcamantamari chai llaquica japinga.

JEREMÍAS 6:10

“Cai runacunaca rinrin huichcashcamari, mana uyashun nincunaca. ¿Pitataj rimashpa cunashari? Can Mandaj Diospaj shimitaca, ima pinganayaj shimicunata shina mana munancunachu” nircani.

JEREMÍAS 7:9

Chaimantami shuhuashpa, huañuchishpa, huainayashpa, llullangapaj ñuca shutita rimashpa, Baalmanpish inciensota cushpa rupachinguichij. Cancuna mana rijsishca, shujtajcunapaj dioscunatapishmi catinguichij.

HABACUC 1:3

¿Ima nishpataj ñuca mana ricunachishca millaita ruranacunataca ricuchihuanguiyari? Ñuca ñahuipica chingachijcunapish, llaquichijcunapish, rimajcunapish, c'amijcunapishmi ricurin.

Lucas 11:45

Chaipica Mandashcacuna ima nisha nishcata yachachijcunapuramanta shujca: –Yachachij, can chashna nishpaca, ñucanchijtapishmari jatun llaquirinata rimangui– nirca.

Hebreos 11:26

Cristomanta mana alli nishpa rimashca canaca, Egiptopi achcata charij canatapish ashtahuan yalli alli cajpimi, chaitaca agllarca. Dios paiman cuna cashcataca ña ricuracuj shina cashpami, chaitaca agllarca.

Hebreos 13:13

Ñucanchijpish pueblomanta llujshishpa Jesuspajman jacuchij. Mana alli nishpa rimashcata pai apashca shinallataj apashunchijlla.

1 Pedro 4:14

Cristopaj shutimanta c'amishca cashpaca cushichishcami canguichij. Cancunapica Diospaj sumaj Espiritumari causacun. Paicunaca paitami c'amin. Ashtahuanpish cancunaca paitaca jatunyachinguichijmi.