JEREMÍAS 20:5 - Dios Rimashca Shimicunami

⁵ Shinallataj cai pueblopi causajcuna tucui imalla charishcatapish, ima sumaj charinacunata rurashca tiyacujcunatapish, Judá llajtata jatun mandajcuna charishcacunatapishmi paicunata p'iñajcunaman cusha. Paicunami quichushpa Babilonia llajtaman apangacuna.

JEREMÍAS 20:5 Iomraidhean Croise

2 CRÓNICAS 36:10

Babilonia llajtata jatun mandaj Nabucodonosorca, ña huata tucucujpica, Mandaj Diospaj huasipi tiyaj ashtahuan sumaj charinacunandijmi, Joaquintaca Babilonia llajtaman apachun apajcunata cacharca. Paita apashpaca, Joaquinpaj huauqui Sedequiastami Judá llajtatapish, Jerusalén pueblotapish jatun mandaj cachun churarcacuna.

ISAÍAS 39:6

Cambaj huasipi tucui imalla tiyajcunata, cambaj ñaupa yayacuna cunancama tucui imallata huaquichishcacunata Babiloniaman apana punllacunami chayamucun. Imata mana saquishpami apangacuna ninmi Mandaj Diosca.

JEREMÍAS 12:12

Shitashca pamba tucui lomacunatamari cai llajtata tucuchingapajca, millai runacuna shamuncuna. Ñuca, Mandaj Diostajmi cai llajta runacunataca shuj lado urimanta callarishpaca, caishuj lado uricama ñuca espadahuan tucuchigrini. Chaipica pipaj mana sumaj causai tiyangachu.

JEREMÍAS 15:13

Cancunapaj juchacunamantaca cancunapaj tucui llajtapi imalla tiyajtami shuhuacuna japishcahuan apachun paicunaman cusha. Ima sumaj charinacunatapish imata mana pagashpa apangacunallami.

JEREMÍAS 3:24

Ñucanchijllataj pandarishcamantamari, ñucanchij huambraraj cajpi ñucanchij yayacuna trabajashpa charishcacunataca tucui chingachishcanchij. Ovejacuna, huagracunapish illaj, churicuna, ushushicunapish illajllamari saquirinchij.

JEREMÍAS 32:24

Cunanca caldeocunaca mishashpa japingapajmari, cai pueblo tucui muyundijta caspicunahuan arietecunata rurancuna. Jatun macanacuipi huañushpa tucurishcamantapish, yaricaimantapish cai puebloca chai caldeocunapaj maquipi urmagrinca. Mandaj Dioslla, can huillashca ña pajtacujtaca canllataj ricunguimi.

JEREMÍAS 39:2

Chai macanacui punllacunami Sedequías mandanaca, chunga shuj huata tucurca. Chai huatapaj chuscu quilla iscun punllapimi, Jerusalén pueblo muyundij jatun pircataca shuj mirgata t'unircacuna.

JEREMÍAS 39:8

Caldeo soldadocunaca mandana huasitapish, tucui Jerusalén pueblo huasicunatapishmi rupachircacuna. Muyundij jatun pircacunatapish urmachircacunami.

JEREMÍAS 4:20

Jahuanpi jahuanpi jatun llaquicuna shamunatamari huillancuna. Tucui llajtamari ima illaj llaquinayaj saquiricun. Ñucanchij carpa huasicunataca, shamushcahuan linsocunata lliquishpami urmachicuncuna.

LAMENTACIONES 1:10

Paita p'iñajca ima sumaj charinacunatacatucuitamariquichushpa aparca. Pai ricucujpimari Diospaj huasimanca shujtaj llajta runacuna yaicurca. Can Diosca chaicunataca cambajllacuna tandanacushcapica, ama yaicuchun nishcamari carcangui.

LAMENTACIONES 1:7

Jerusalenpi causajcunaca paicunata p'iñajpaj maquipimari japi tucurca. Chaipica pi mana ayudanaman shamurcachu. P'iñajcuna chaita ricushpaca, cushicushpami asircacuna. Chaimantami paica ñaupa huatacuna achcata charij cashcamanta sumaj cashca cajpipish, paillataj mana cazuj cashcamanta Dios llaquichishcata yuyarirca.

LAMENTACIONES 4:12

P'iñashpa mana ricunachijcunamari Jerusalén pungucunata yaicurcacuna. Chashna tucunataca tucui cai pacha jatun mandajcunapish, tucui cai pachapi causajcunapish manataj yuyarcacunachu.

EZEQUIEL 22:25

Ñuca ima nishcata huillajcunapish shuj yuyailla tucushpami, p'iña león aichata japij shina runacunataca huañuchircacuna. Haciendacunatapish, imalla charishcacunatapishmi quichurcacuna. Cai llajtapica, achcacunami viuda saquirircacuna.

DANIEL 1:2

Jatun Diosmi Judá llajtata jatun mandaj Joacimtapish, Diospaj huasipi Diospajta ruranapaj caj imalla charinacunatapish, Nabucodonosorpaj maquipi churarca. Chaicunataca Nabucodonosorca, Sinar llajtaman apamushpami, achca valijcunata huaquichina paipaj diospaj huasipi churarca.

OSEAS 13:15

Huauquicunapurapica pai miraricujpipish inti llujshin ladomanta huaira shamushpa, shitashca pambamanta Mandaj Diospaj huaira jatarishpami pajchashpa llujshicuj yacutaca chaquichinga. Pajchashpa llujshicuj jatun yacucunaca chaquiringami. Paicunapaj achca valij sumaj charinacunatapish quichushpami apanga.