JEREMÍAS 20:4 - Dios Rimashca Shimicunami

⁴ Pai Mandaj Diostajmi cashna nin: Cantaca canllatajpish, canhuan alli apanacujcunapish mancharinatami ruragrini. Canhuan apanacujcunatapish, cambaj ñahui ricucuitami p'iñajcunaca espadahuan huañuchingacuna. Tucui Judá runacunatapish, Babilonia llajtata jatun mandajpaj maquipimi churagrini. Paimi Babilonia llajtaman prezu apashpa espadahuan huañuchinga.

JEREMÍAS 20:4 Iomraidhean Croise

2 REYES 25:7

Sedequiaspaj churicunataca, Sedequías ricucujpimi cungata p'itichircacuna. Sedequiastaca ñahuicunata surcushpa, cadenacunahuan huatashpami Babiloniaman aparcacuna.

SALMOS 73:19

Paicunataca cungaillapimi chingachinga. Jatun manchaihuanmi ñapish tucuchinga.

JEREMÍAS 13:10

Cai runacunaca ñuca yachachishcata mana uyashun nij millai runcunami. Paicunapaj shungu yuyashcatami rurashpa causancuna. Shujtajcunapaj dioscunata mashcashpami, chaicunata servincuna, chaicunatami cungurincuna. Chashna rurashcamantaca, cai ismushca chumbi shina imapaj mana valijcunami.

JEREMÍAS 13:19

Neguev pamba pueblocunamantapish, ama pi llujshichun muyundijtamari chapacuncuna. Tucui Judá llajtamantamari prezu apangacuna. Shujllatapish mana saquingacunachu.

JEREMÍAS 19:15

“Tucuita Mandaj, can israelcunapaj Diosca cashnami nin: Ñucaca cai pueblopajpish, tucui caishuj pueblocunapajpish jatun llaquitami apamusha nircanimi. Ñami chai llaquitaca apamugrini. Chai pueblocunapi causajcuna rumi shungu tucushpa, ñuca imata rimajpipish manataj uyashcamantami, chashna llaquichigrini ninmi” nircami.

JEREMÍAS 20:6

Can Pasurpish, tucui cambaj huasipi cajcunandijmi, Babilonia llajtaman prezu ringui. Chaipimi canpish, can llullashpa huillashcata uyaj canhuan alli apanacujcunapish huañushpa pambashca canguichij ninmi” nircami.

JEREMÍAS 25:9

Chaimanta cunanca tucui janaj lado llajtacunapi causaj ch'ican ch'ican aillucunatapish, Babilonia llajtata jatun mandaj ñucata servij Nabucodonosortapishmi caiman pushamugrini. Paitami cai llajtapi causajcunatapish, cai muyundij tucui llajtacunatapish llaquichishpa tucuchichun churagrini. Chashna huiñaipaj shitashcata saquishpami, chanzata rurashpa asinata rurasha. Ñuca Mandaj Diostajmi chashna nini.

JEREMÍAS 29:21

Tucuita Mandaj, israelcunapaj Diosca Colaiaspaj churi Acabmantapish, Maasiaspaj churi Sedequiasmantapish cashnami nin: Paicunaca llullashpallamari cancunamanca ñuca shutipi huillancuna. Paicunataca Babilonia llajtata jatun mandaj Nabucodonosorpaj maquipimi churagrini. Paica cancunapaj ñahui ricucuillapitajmi paicunataca huañuchinga.

JEREMÍAS 46:5

Mandaj Diosca cashnami nin: ¿Imatataj ricunichu imamí? Mancharishpamari huashaman tigrancuna. C'ari c'aricuna cashca jahuamari, tigrashpallapish mana ricushpa miticunaman callpancuna. Tucui ladomantamari yallitaj manchachincuna.

JEREMÍAS 52:24

Cuidaj soldadocunata mandajca, curacunata mandaj Seraías curatapish, paipaj q'uipa tucui imapipish ricuj Sofonías curatapish, Diospaj huasi pungupi caj quimsa cuidaj soldadocunapuramanta quimsatapishmi japirca.

JEREMÍAS 52:27

Hamat llajtapi caj Ribla puebloman chayachijpimi, Babilonia llajtata jatun mandajca, espadahuan huañuchichirca. Chashnami Judá runacunaca, paicunapaj llajtamanta prezu rircacuna.

JEREMÍAS 6:25

Chagracunamanpish ama llujshichijchu, ñancunapipish ama ricurichijchu. P'iñajcunaca manchanana espadahuanmari maipipish chapacuncuna.

1 SAMUEL 2:33

Cambaj huasi ucupuraca ñuca altarpi rurajca ñuca mana anchuchishca runallami saquiringa. Paica, paipaj shungupi yallitaj llaquirishpa huacashpa ñahui ungüi tucungapajllami saquiringa. Cambaj huasipi huacharishcacunaca tucuicunami chairajcuna cashpa huañungacuna.