JEREMÍAS 20:3 - Dios Rimashca Shimicunami

³ Chaimantaca cayandij punllami Pasurca, Jeremiastaca chai jutcu tablapi chaquicunata canichishcamantaca llujshichirca. Chaimanta llujshichijpimi Jeremiasca, Pasurtaca cashna nirca: “Mandaj Diosca cantaca ña mana Pasur shutipi cayagrinchu. Cunanca Magor-misabib nigrinmi.

JEREMÍAS 20:3 Iomraidhean Croise

GÉNESIS 17:15

Taita Diosca Abrahamtaca cashnapishmi nirca: –Cambaj huarmitaca ña ama Sarai ningui. Ashtahuanpish cunamanta paipaj shutica Sarami canga.

GÉNESIS 17:5

Cunanca ña mana Abramchu cangui. Ashtahuanpish cantaca achcacunapaj yaya tucuchun churashcamanta Abrahammi cangui.

GÉNESIS 32:28

Chaipimi chai runaca: –Canca cunanca ña mana Jacob shutichu cangui. Taita Dioshuanpish, runacunahuanpish macanacushpa mishashcamanta, Israel shutimi cangui– nirca.

SALMOS 31:13

Achcacuna llullashpa ñucata llaquichisha nicujtami uyani. Maipi ñuca cajpipish manchaimi japin. Ñucata llaquichingapajmi tandanacushpa parlanacuncuna. Huañuchinatapishmi yuyancuna.

ISAÍAS 8:3

Chai q'uipaca profeta caj ñuca huarmipi ñuca chayarijpica, paica chichushpami shuj c'ari huahuata huacharca. Chaimi Mandaj Diosca ñucataca: “Cai huahuataca Maher-salal-hasbazta shutichi.

JEREMÍAS 19:2

Chaimantaca inti llujshin ladopi caj pungu uranijman, Hinompaj churipaj pugru pambaman pushangui. Paicunamanca chaipi ñuca imata huillachun nishcata huillangui.

JEREMÍAS 19:6

Chaimantami cai pambataca Tofet shuti pugru pamba, mana cashpaca Hinom runapaj churipaj pugru pamba ninapaj randica, jatun Huañui Pamba nina punlla chayamugrin.

JEREMÍAS 20:10

Maipipish ñucamantaca achcacunami huashalla parlanacuncuna. “Maipipish manchachishpamari puricun, jacuchij mandajcunaman huillashunchij” ninacushpami, ñucahuan apanacujcunallataj imapi pandarijta chapancuna. “Ima shina umajta saquingapishchari. Chaipitajca japishcahuan huañuchishpa, ñucanchijmi mishashun” ninacuncunami.

JEREMÍAS 29:29

Semaías chashna quillcashpa cachashcataca Sofonías curaca, Dios ima nishcata huillaj Jeremías uyacujllapitajmi rezashca carca.

JEREMÍAS 46:5

Mandaj Diosca cashnami nin: ¿Imatataj ricunichu imamí? Mancharishpamari huashaman tigrancuna. C'ari c'aricuna cashca jahuamari, tigrashpallapish mana ricushpa miticunaman callpancuna. Tucui ladomantamari yallitaj manchachincuna.

JEREMÍAS 6:25

Chagracunamanpish ama llujshichijchu, ñancunapipish ama ricurichijchu. P'iñajcunaca manchanana espadahuanmari maipipish chapacuncuna.

JEREMÍAS 7:32

Paicuna chaita rurashcamantaca, ñuca Mandaj Diostajmi cashna nini: Shuj jatun llaqui punllami chayamugrin. Chai punllapica, chai pambaca ña mana Tofet nishca cangachu. Hinompaj churipaj pugru pamba nishcapish mana cangachu. Ashtahuanpish jatun Huañui Pamba nishcami canga. Huañushcacunatapish maipi pambana illajpimi, chai Tofetllapitaj shitangacuna.

LAMENTACIONES 2:22

Mandaj Dioslla, tucui ladomanta llaquichijcunata pushamushpamari, ñucataca jatun manchaipi churahuarcangui. Chaicunataca ima jatun tandanacuiman shinamari tandachimurcangui. Can jatunta p'iñari punllapica, ñuca cuidashpa huiñachishca huahuacunaca pi mana quishpiri tucurcachu, pi mana causaihuan saquirircachu. Ñucata p'iñajcunaca tucuicunatamari huañuchirca.

EZEQUIEL 13:9

Imatapish manapish ricushpa llullashpalla huillajcunatapish, adivinajcunatapish ñuca maquihuanmi llaquichigrini. Paicunaca ñuca agllashca israelcunapurapica, mana tandanacungachu. Israelcunapaj shuticunata quillcana libropipish mana quillcashca cangacunachu. Israel llajtamanpish mana tigrangacunachu. Chashna rurajpimi ñucataca, Mandaj Jatun Diostaj cashcataca yachanguichij.

Hechos 16:30

Chaimanta paicunata canllaman llujshichishpaca: –Riqui, amocuna. Ñuca quishpiringapajca ¿imatataj rurana cani?– nijpimi,