JEREMÍAS 20:2 - Dios Rimashca Shimicunami

² Chaita uyashpami Pasurca, Dios ima nishcata huillaj Jeremiastaca anguhuan macachirca. Chashna macachishpaca Benjamín llajta ladoman llujshina janaj lado pungupimi shuj jutcu tablapi chaquicunata canichishpa prezu churarca. Chai pungutami Mandaj Diospaj huasimanpish yaicuna carca.

JEREMÍAS 20:2 Iomraidhean Croise

1 REYES 13:4

Jatun mandaj Jeroboamca Taita Diospaj runa Bet-elpi caj altarta p'iñashpa caparishcata uyashpami, chai altarmanta maquita chutashpaca: “¡Chai runata japichij!” nirca. Chutashca maquica chaquishca saquirijpimi, ña mana tandai tucurca.

1 REYES 22:27

cashna ninguichij: Cai runataca carcelpi churashpa macanacuita mishashpa ñuca tigramungacama, ashitajllata carashpa, yacutapish p'ichijllata cushpa huanachicuichij ninmi jatun mandajca nigrichij– nircami.

2 CRÓNICAS 16:10

Chashna nijpica yallitaj p'iñarishpami, Asaca Dios ricuchishcata huillajtaca carcelpi churarca. Asaca chai huatacunaca, Judapi causajcunataca taucacunatami llaquichirca.

2 CRÓNICAS 18:23

Chaimi Quenaanapaj churi Sedequiasca, Micaiasta quijaduspi huajtashpaca: –Mandaj Diospaj Espirituca ñucamanta anchurishpaca ¿maitataj cambajman rishpaca chashnaca huillachingari?– nirca.

2 CRÓNICAS 24:21

Chashna huillajpica, ashtahuanpish paicunaca tucuicunami paita llaquichinata yuyarinacurcacuna. Chashna yuyarinacushpaca, jatun mandaj huañuchichun nijpimi, Mandaj Diospaj huasi canllapi Zacariastaca rumicunahuan shitarcacuna.

JOB 13:27

Chai jahuamari ñuca chaquicunataca, jutcushca caspipi canichingui. Chashna rurashpamari, ñuca causaitaca callarishpa ricungui. Ñuca chaquicuna sarunatapish jarcashcanguimi.

JOB 33:11

Ñuca chaquicunatapish jutcu caspipimi canichirca. Ñuca imallata rurajta chaparacurcami nircanguimari.

JEREMÍAS 1:19

Quiquinhuan macanacungapaj shayarishpapish, quiquintaca manataj mishangacunachu. Ñucami quiquinhuan casha, ñucami quiquintaca imamantapish quishpichisha” nircami Mandaj Diosca.

JEREMÍAS 26:10

Judá llajtata mandajcuna chaita uyashpaca, jatun mandaj mandashpa tiyana huasimantami, Mandaj Diospaj huasiman huichiyarcacuna. Chaiman huichiyashpaca, chai huasiman yaicuna mushuj pungupimi tiyarircacuna.

JEREMÍAS 26:8

Mandaj Dios tucui chaipi cajcunaman imallata huillachun cachashcataca, Jeremías huillajpica, curacunapish, huillajcunapish, tucui chaipi cajcunapishmi paita japircacuna. Chaimantaca tucuicuna huaicashpami, cashna nircacuna: “Huañunami cangui.

JEREMÍAS 29:26

Mandaj Diosmi cantaca Joiada curapaj randi, paipaj huasipi tucuita ricuj cura cachun churarca. Maijan loco runa, Dios ima nishcata huillaj tucushpa, imata huillai callarijpica japishcahuanmi jutcu tablapi chaquicunata canichishpa prezu churana cangui.

JEREMÍAS 36:26

Shinallataj quillcaj Baructapish, Dios ima nishcata huillaj Jeremiastapish japichunmi, jatun mandajca Hamelecpaj churi Jerameelhuan, Azrielpaj churi Seraiashuan, Abdeelpaj churi Selemiashuan cacharca. Jeremiastapish, Baructapish Mandaj Dios pacashcamantami mana japircacuna.

JEREMÍAS 37:13

Paica Benjamín shuti pungutami llujshigrirca. Chai pungupica soldadocunata mandaj Irías shuti soldadomi cuidacurca. Paimi Jeremías llujshigrijpica: –Canca caldeocunapajmanmi ricungui– nishpa japirca. Iriaspaj yayaca Selemiasmi carca. Selemiaspaj yayaca Hananiasmi carca.

JEREMÍAS 37:21

Shina nijpimi jatun mandaj Sedequiasca, Jeremiastaca prezuna huasi canllapi churachirca. Paimanca tandata rurajcunapaj callemanta punllanta shuj tandallata apashpami carajcuna carca. Chashnami Jeremiasca, prezuna huasi canllapi saquirirca.

ZACARÍAS 14:10

Geba pueblomantaca, Jerusalén pueblo uranijman caj Rimón pueblocamami tucui llajta pambajlla tucunga. Jerusalenca jahuamanmi saquiringa. Chaipica Benjaminpaj pungumantaca, punta pungucama, esquinapi tiyaj pungucamami causangacuna. Shinallataj Hananeelpaj jatun torremantaca, jatun mandajpaj uvata capinacamami causangacuna.

Mateo 21:35

Ashtahuanpish chagrajcunaca amopajta rurajcuna chayajpica, shujtaca macashpa, caishujtaca huañuchishpa, shujtajtaca rumicunahuanmi shitarcacuna.

Hechos 4:3

Chaimi paicunata japishpaca ña chishi cashcamanta cayandij punllacama carcelpi churarcacuna.

Hechos 5:18

apostolcunata japishpa tucuicunata churana carcelpi churarcacuna.

Hechos 5:40

Gamaliel chashna nishcaca paicunapaj yuyaipica alli yuyachijpimi tucuicuna alli nircacuna. Chaimi apostolcunata cutin cayashpa macashpaca: –Chai Jesusmantaca cutinca ña amataj huillanguichijchu– nishpa mandashpaca cacharishpa cacharcallacunami.

Hechos 7:52

Cancunapaj ñaupa yayacunaca profetacunataca tucuicunatami llaquichircacuna. Cashcata ruraj shamungami nishpa huillashcamantami paicunataca huañuchircacuna. Pai ña shamujpica cancunapish paitaca millai runacunaman cushpami huañuchichircanguichij.

Apocalipsis 17:6

Chai huarmitaca, Diospajlla cajcunata huañuchishca yahuarhuan, Jesusmanta huillacushcamanta huañuchishcacunapaj yahuarhuanpish machashcatami ricurcani. Chaita ricushpaca, ñucaca achcatami mancharircani.

Apocalipsis 2:10

Llaquita apanataca ama manchaichu. Diabloca maijacunataca, crijtaj cashcata yachachun, carcelpimi churachinga. Chaipica chunga punllacunatami llaquita apanguichij. ¡Chashna cashpapish huañungacama catijmanca ñucaca causaita ricuchij coronatami cusha!