JEREMÍAS 2:9 - Dios Rimashca Shimicunami

⁹ Mandaj Diosca cashnapishmi nin: Chaimantami cancunataca p'iñarishpa llaquichigrini. Cancunapaj huahuacunapaj huahuacunatapish caita yuyachishpa llaquichishallatajmi.

JEREMÍAS 2:9 Iomraidhean Croise

SALMOS 50:4

Jahuamantami jahua pachatapish, cai pachatapish pai agllashcacuna imalla rurashcata ricuchingapaj cashna cayanga:

ÉXODO 20:5

Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

ISAÍAS 3:13

Mandaj Diosca imalla rurashcata tapungapajmi ña shayacun. Pai agllashcacuna ima shinalla cashcata ricuchishpami llaquichigrin.

ISAÍAS 43:26

Ñucata imata nishun nishpaca nichijlla. Ishquindij ch'imbapura ima cajpipish ricushunllami. ¡Ima juchachina illajlla cashpaca canraj rimailla!

JEREMÍAS 2:29

Tucui cancuna ñucata mana cazushpa, p'iñachishca jahuaca ¿maitataj ñucataca caita chaita nishpa juchachinguichigari? Mandaj Diostajmi chashna nini.

JEREMÍAS 2:35

Ñucaca ima millaita mana rurashcanichu. Diosca ñucahuanca mana p'iñarishcachu ninguimi. Mana ima juchata rurarcanichu nicujpipish, ñucatajmi canmanca can imalla rurashcata ricuchigrini.

OSEAS 12:3

Mamapaj huijsamantaca paipaj huauquipaj chaqui talonpi charirashcami huacharirca. Angeltapish paipaj fuerzahuanmi misharca.

OSEAS 2:2

¡Cancunapaj mamataca p'iñashpa rimaichigari, rimaichigari. Paica ña mana ñuca huarmichu, ñucapish ña mana paipaj cusachu cani! Huainayaj cajta ricuchij ñahuitaca anchuchi nichigari. Huainayaj cajta ricuchij sumajcunatapish pecho urimanta anchuchi nichigari.

OSEAS 4:1

Israelcuna, Mandaj Dios rimashcata uyaichij. Mandaj Diosca cai llajtapi causajcunataca p'iñarishpami rimacun. Cai llajtapica cashcata rurajcunapish, llaquijcunapish, Diosta rijsijcunapish mana tiyanchu.

LEVÍTICO 20:5

ñucaca chai runahuan paipaj familiahuanpish p'iñarishpami israelcunapuramanta anchuchisha. Chai runa shinallataj Moloc nishca Diosta catishpa huainayajcunandijmi israelcunapuramanta anchuchisha.

MIQUEAS 6:2

Cai pachapi tiyaj, pipish mana cuyuchipaj urcucuna, Mandaj Dios p'iñarishpa rimashcata uyahuaichigari. Mandaj Diosca pai agllashca israelcunahuan p'iñarishcamantami, paicunataca rimacun.