JEREMÍAS 2:8 - Dios Rimashca Shimicunami

⁸ Curacunapish: ¿Mandaj Diosca maipitagari? ninallatapish mana yuyarircacunachu. Ñuca mandashcacunata charijcunallatajmi ñucataca mana rijsircacuna. Michijcunapish ñucata c'ariyancunami, ñucamanta huillajcunapish Baalpaj shutipimi imatapish huillancuna. Chashna rurashpami imata mana rurai tucuj, yanga dioscunata catincuna” ninmi.

JEREMÍAS 2:8 Iomraidhean Croise

1 REYES 18:22

Eliasca cutinllatajmi tucui chaipi cajcunataca: –Mandaj Diospaj profetacunamantaca ñucallami saquirishcani. Ashtahuanpish Baalpaj profetacunaca, 450tami tiyan.

1 REYES 18:29

Ña chaupi punlla q'uipapish, sacrificiota cuna horascamami paicunaca ashtahuan caparishpa catircacuna. Chashna caparicujpipish, pi mana uyarcachu. Pi imata mana cutichircachu. Ima rimashcapish mana uyarircachu.

1 REYES 18:40

Chaipimi Eliasca: –¡Baalpaj profetacunataca shujllapish ama miticushpa richun tucuicunata japichij!– nijpi paicunataca japircacuna. Ña japijpica Eliasca, Cisón shuti yacu huaicuman apashpami, chai profetacunataca cungata p'itirca.

JOB 35:10

Llaquita apacujcunaca, shujllapish mana cashna ninchu: ¿Ñucata Ruraj Diosca maipitagari? Paica tutacunapish cantachun cushicuita cujmari.

ISAÍAS 28:7

Ashtahuanpish paicunapish vinota ubyashpami musparircacuna. Sidrata ubyashpami yuyai illaj tucurcacuna. Curapish, profetapish sidrata ubyashpami pandarircacuna. Vinota ubyashpami musparircacuna. Sidrata ubyashpami yuyaita chingachircacuna. Machashpa musparishpallami muscuipimi ricunchij nishpa huillarcacuna. Mandanapipish pandami mandarcacuna.

ISAÍAS 29:10

Mandaj Diosllatajmi cancunapaj jahuapica dorminaita cuj espirituta tallirca. Chaimi cancunapaj profetacunapaj ñahuicunatapish huichcarca. Chaimi Dios huillachishcata cancunaman huillajcunatapish linsohuan umata pilluchirca.

ISAÍAS 30:5

tucui paicunami imapajpish mana vali llajtapi shunguta churashcamantaca umashca pingaichishca cangacuna. Chai llajtaca paicunataca mana ayudangachu, ima allitapish mana rurangachu. Ashtahuanpish pingaipi churangapaj, mana alli nishcapi churangapajllami canga ninmi.

JEREMÍAS 10:21

Paicunata michijcunamari ch'ahuan shungu tucushpa, Mandaj Diostaca mana mashcarcacuna. Chaimantamari llaqui tucuncuna. Cunanca paicunapaj tucui oveja canllamari caita chaita rincuna.

JEREMÍAS 12:10

Achca michijcuna shamushpami, ñuca c'uyashca uva chagrataca saruchishpa tucuchincuna. Sumaj chagracunatamari tucui chingachishpa, shitashca pambata saquishcacuna.

JEREMÍAS 16:19

Mandaj Dioslla, canmari ñucata pacajpish, ñucaman fuerzata cujpish cangui. Llaquihuan cajpipish, canmari huaquichihuangui. Tucui cai pacha llajtacunapi causajcuna cambajman shamushpamari, cashna ningacuna: “Ñucanchij yayacunaca imata mana rurai tucuj, yanga dioscunallatamari charishcacuna. Chaicunaca imata mana cui tucuncunachu.

JEREMÍAS 18:18

Jeremías huillashcata uyashpaca, cashnami ninacurcacuna: “Shamuichij, Jeremiasta huañuchinata yuyarinacushunchij. Mandashcacunata ñucanchijman yachachichunpish curacunaca mana illanchu. Alli yuyaita cungapajpish, yachajcuna mana illanchu. Dios ima nishcata huillajcunapish mana illangachu. Juchachishpa huañuipi churashunchij. Pai huillashcataca imata mana uyashunchijchu” nircacunami.

JEREMÍAS 2:11

Shujtaj runacunapaj dioscunaca mana dioscunatajchu. ¿Shina cajpipish paicunapaj dioscunata shitashpa, shujtaj dioscunata catijta maipi ricushcanguichijchu? Ashtahuanpish ñuca agllashcacunaca paicunata sumajyachij Diosta saquishpamari, imata mana cuj dioscunata catincuna.

JEREMÍAS 2:6

Paicunaca ña mana ñucata mashcanata yuyarircacunachu. Ñucanchijta Egipto llajtamanta llujshichishpa, shitashca, chaquishca pambacunata pushamuj, ñanllapish mana tiyaj, pi mana purishca, pi mana causashca huañunalla llajtata pushamuj Mandaj Diosca ¿maipitagari? ninataca mana yuyarircacunachu.

JEREMÍAS 4:22

Ñuca runacunaca alli yuyaihuan canapaj randica, imatapish mana uyashun nij rumi shungucunamari. Allitaca imata mana yachancunachu, millaita ruranapajtajcarinpish jatun yachajcunamari.

JEREMÍAS 5:31

Huillajcunapish, llullashpallami huillancuna. Curacunapish, paicuna munashca shinami yachachincuna. Ñuca agllashcacunapish chaitamari munancuna. Chashna cashcamantaca, llaqui chayamui punllaca ¿imatataj ruranguichigari?” ninmi.

JEREMÍAS 7:8

Cancunaca manapish alli causaita cuipaj, llulla shimicunahuan inquitashcallamari causacunguichij.

JEREMÍAS 9:14

Ashtahuanpish paicunapaj shungu yuyashcatami rurarcacuna. Paicunapaj yayacuna yachachishca shinallataj, Baalcunatamari catircacuna” ninmi.

EZEQUIEL 22:26

Curacunapish ñuca mandashcacunata p'aquircacunami, ñucapajlla altarcunatapish mapayachircacunami. Imalla ñucapajlla ch'icanchishca cashcatapish, imalla mana ñucapaj ch'icanchishca cashcatapish, imalla mapa cashcatapish, imalla mana mapa cashcatapish manamari ch'icanpi charircacunachu. Ñuca samana punllacunatapish mana yuyarircacunachu. Chaimantami ñucataca yangapi charircacuna.

EZEQUIEL 34:2

“Huañujlla aichayuj runalla, israelcunata michijcunata llaquichina cashcata huillai. Paicunataca cashna ningui: Mandaj Jatun Diosca cashnami nin: Israelcunata michijcunalla, cancunaca quiquinllatamari michiringuichij ¡aij imachari tucunguichij! Michijcunaca ovejacunataca cuidancunami.

OSEAS 4:6

Ñuca agllashcacunaca yachai illaj cashcamantami chingachishca carcacuna. Ashtahuanpish cantaca yachaita yanganchishcamantami ñucapajta ruraj cura canamantaca anchuchisha. Cambaj Taita Dios mandashcatamari cungarircangui. Ñucapish cambaj huahuacunataca cungarishami.

HABACUC 2:18

Runa sumajta trabajashpa rurashca diosca ¿imapajtaj valingari? Yacuyachishpalla rurashca diosca llullanallatami yachachin. Chai runaca paillataj rurashca mana rimaj dioscunallapimi shunguta churan.

Mateo 16:26

Runaca cai pachapi tucui tiyajcunata japishpapish, paipaj almata chingachishpaca ¿ima allitaj cangari? Paipaj almata quishpichingapajca ¿imatashi cunga?

Lucas 11:52

Mandashcacuna ima nisha nishcata yachachijcuna ¡aij cancunalla! Taita Diosmanta yachana yuyaitaca huichcashpami cancunaca mana yachashun nircanguichij. Cancunallataj mana yachashun nij cashpami, shujtajcuna yachashun nijpipish mana saquinguichij– nircami.

Juan 16:3

Ñuca Yayatapish, ñucatapish mana rijsishcamantami chashna rurangacuna.

Juan 8:55

Chashna nishpapish cancunaca paitaca mana rijsinguichijchu. Ñucaca paitaca rijsinimi. Rijsishca jahuallataj mana rijsinichu nishpaca, cancuna shinallataj llullami caiman. Ñucaca paita rijsishcamantami, paipaj Shimi nishcata pajtachini.

2 Corintios 4:2

Ashtahuanpish tucui ima pacalla pinganayaj ruranataca saquircanchijmi. Mana umashpa purishpami, Diospaj Shimitaca mana chagrushpa ashtahuanpish tucuita mana llullashpa huillarcanchij. Diospaj ñaupajpi ñucanchij ima shina cashcata, cancunapaj yuyaillapitaj ricuchunmi mingarinchij.

DEUTERONOMIO 33:10

Paicunami Jacobpaj huahua israelcunamanca, quiquin mandashcacunataca yachachingacuna. Paicunami quiquinpaj ñaupajpica inciensota rupachingacuna. Paicunami quiquinpaj altar jahuapipish tucuita cushpa tucui rupachingacuna.

1 SAMUEL 12:21

Mandaj Diosmanta anchurishpa manapish ima caj yangallataca ama catinguichijchu. Chaicunaca yangalla cashcamantaca ima allitapish mana cungachu, mana quishpichi tucungachu.

1 SAMUEL 2:12

Elipaj churicunaca millaita rurajcuna, Mandaj Diostapish mana rijsijcunami carca.