JEREMÍAS 2:6 - Dios Rimashca Shimicunami

⁶ Paicunaca ña mana ñucata mashcanata yuyarircacunachu. Ñucanchijta Egipto llajtamanta llujshichishpa, shitashca, chaquishca pambacunata pushamuj, ñanllapish mana tiyaj, pi mana purishca, pi mana causashca huañunalla llajtata pushamuj Mandaj Diosca ¿maipitagari? ninataca mana yuyarircacunachu.

JEREMÍAS 2:6 Iomraidhean Croise

2 REYES 2:14

Chaipimi, Eliasmanta urmashca churanata japishpa yacupi huajtashpaca: “Eliaspaj Taita Dios, Mandaj Dios ¿maipitaj canguiyari?” nishpa chai churanahuan yacuta cutin huajtajpi, chai yacuca ura ladoman janaj ladoman chaupirijpi, Eliseoca ch'imbarca.

JOB 3:5

Huañuna amsa tucushpa, mana alli punlla cajpichari. Llandulla punllapi shina yana p'uyu tapashpa, manchanana amsata rurajpichari.

JOB 35:10

Llaquita apacujcunaca, shujllapish mana cashna ninchu: ¿Ñucata Ruraj Diosca maipitagari? Paica tutacunapish cantachun cushicuita cujmari.

SALMOS 23:4

Quiquinca ñucahuanmi cangui. Chaimanta huañunalla amsa pugru pambacunata puricushpapish ima llaqui japinata mana manchashachu. Quiquinpaj varahuan, quiquinpaj taunahuanca mana shaicushachu.

SALMOS 77:5

Callari punllacunatami yuyarircani. Ñaupa huatacunatami yuyarircani.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ISAÍAS 63:9

Paicunapaj tucui llaquicunapica, chai llaquicunataca paimi aparca. Paipaj ñaupajpi caj angelhuanmi quishpichirca. Pai c'uyashpa, pai llaquishpami quishpichirca. Ñaupa punllacunapi apamuj cashca shinallatajmi jatarichishpa paipaj rigrapi apamurca.

ISAÍAS 64:7

¡Quiquinta mañajcunaca pi mana tiyanchu. Quiquinpi shunguta churashpa quiquinllata yuyarijcunaca pi mana tiyanchu! Chaimantami quiquinpaj ñahuita ñucanchijmanta anchuchircangui. Ñucanchij juchacunallataj ñacachichunmi saquishcangui.

JEREMÍAS 13:16

Cancunata Mandaj Diosca punllata amsayachigrinca, jatun urcucunahuanmari tsagmarigrinchij. Achijman llujshichichunmi cancunaca shuyacurcanguichij. Chaita ruranapaj randica, huañuna jatun amsa llaquipimari churanga. Amaraj chashna rurajpi, paitaca jatunyachichigari.

JEREMÍAS 2:2

“Ri, Jerusalenpi causajcuna uyajta cashna caparigri: Mandaj Diosca cashnami nin: Can huambraraj cashpaca, ñucata allimi cazuj carcangui. Ñucahuan cunanlla cazarashca cashpaca, ñucata c'uyarcanguimi. Chaimantami ima tarpushca mana tiyaj, shitashca pambata pushamujpipish, ñucata catishpa shamurcanguilla. Chaitaca allimi yuyarini.

JEREMÍAS 2:8

Curacunapish: ¿Mandaj Diosca maipitagari? ninallatapish mana yuyarircacunachu. Ñuca mandashcacunata charijcunallatajmi ñucataca mana rijsircacuna. Michijcunapish ñucata c'ariyancunami, ñucamanta huillajcunapish Baalpaj shutipimi imatapish huillancuna. Chashna rurashpami imata mana rurai tucuj, yanga dioscunata catincuna” ninmi.

JEREMÍAS 5:12

Mandaj Diosca mana tiyanchu nishpami cashna nincuna: “Mandaj Diosca mana tiyanchu. Ñucanchijtaca ima llaqui mana japingachu. Pi mana espadahuan huañuchingapaj shamungachu, yaricaipish mana tiyangachu.

JEREMÍAS 5:2

Maijancuna: Mandaj Dios ricucunmi nishpapish, yangallami chashna nincuna” ninmi.

JEREMÍAS 51:43

Tucui chai llajta pueblocunamari shitashca saquirishca. Imapish illaj, chaquishca allpallamari. Chai shitashca allpapica, pi mana causangachu. Chaitaca pi mana puringallapishchu.

OSEAS 12:13

Mandaj Diosca, paipaj profetahuanmi israelcunataca Egiptomanta llujshichirca. Paipaj profetahuanmi punllanta pushamurca.

OSEAS 13:4

Ashtahuanpish ñucaca: “Egiptomanta llujshichimui pachamanta Mandaj cancunapaj Taita Diosmi cani. Manapish dioscunataca caimi dios ama” ninguichij. Shujtajtaca caimi quishpichij ama ninguichij. Ashtahuanpish ñucallata: “Quishpichijmi cangui” ninguichij.

AMÓS 2:10

Ashtahuanpish cancunataca ñucamari Egipto llajtamanta llujshichircani. Ñucamari shitashca pambataca, chuscu chunga huatacunata pusharcani. Amorreocuna causacun llajtata japichunmi, chashna pusharcani.

Mateo 4:16

Amsapi churashca puebloca, jatun luztami ricurca. Huañunalla amsapi churashca llajtacunataca luzmi lamyachinga” nishcami carca.

DEUTERONOMIO 1:19

Horeb urcumanta llujshishpaca cancuna ricushca shinallataj manchanana shitashca jatun pambatami shamurcanchij. Mandaj Dios, ñucanchij Taita Dios mandashca shinallataj amorreocunapaj urcu chaqui ñanta shamushpami Cades-barneaman chayarcanchij.

DEUTERONOMIO 32:10

Paicunataca shitashca pambapimi japimurca. Imapish mana tiyan llajtapimi japimurca. Paipaj quiquin ñahuita shinami ugllashpa cuidarca. Paipaj quiquin ñahuita shinami huaquichirca. Chashnami cuidashpa yachachirca.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.

JUECES 6:13

Chaimi Gedeonca: –Aij, ñuca amito. Mandaj Dios ñucanchijhuan cajpica ¿ima nishpataj tucui caicunaca jahuanpi jahuanpi shamun? Ñaupa ñucanchij yayacunaca: Mandaj Diosca pi mana rurai tucushca mancharinacunata rurashpami Egiptomantaca llujshichimurca nishpami parlarcacuna. Cunanca ¿ima nishpashi mana chashna ruran? Ashtahuanpish cunanca madianitacunapaj maquipi churashpamari Mandaj Diosca ñucanchijmanta anchurishca– nircami.