JEREMÍAS 2:34 - Dios Rimashca Shimicunami

³⁴ Cambaj changa uri churanacunapish, ima millaita mana ruraj huajchacunata huañuchishca yahuarhuan c'ahuirishcami. Paicunataca ima juchachinallatapish mana charishca jahuami huañuchircangui. Chashna rurashca jahuami cashna ningui:

JEREMÍAS 2:34 Iomraidhean Croise

2 REYES 21:16

Chai jahuami Manasesca ima mana allita manapish ruraj runacunata huañuchishpa, Jerusalenpica yallitaj yahuarta jundachirca. Chai jahuapishmi judacunataca Mandaj Diospaj ñaupajpi millai ricurichun pai juchallishca shinallataj juchallichirca.

2 REYES 24:4

Ashtahuancarin manapish ima mana allita rurajcunapaj yahuarta jichachishpa Jerusalenpi yahuarta jundachishcamantapishmi, Mandaj Diosca judacunataca mana perdonashpa chashna llaquitaca cacharca.

ÉXODO 22:1

Maijanpish shuj huagrata cashpa, shuj ovejata cashpa, shuhuashpa huañuchishca cajpi, mana cashpaca c'atushca cajpica, huagramantaca pichca huagrata pagachun. Ovejamantaca chuscu ovejata pagachun.

ÉXODO 22:2

Shuj shuhuata huasiman yaicucujta japishpa huañuchijpica, chai huañuchijca mana juchachishca cangachu.

ISAÍAS 57:5

Cancunaca encina yura ucucunapi, ima yura cashpapish p'angasapa yura ucucunapi cushicushpa huainayajcunami canguichij. Pugru pambacunapi, rumi c'aca machiyashcacunapi cancunapaj huahuacunata cushpa rupachijcunami canguichij.

ISAÍAS 59:3

Cancunapaj maquicunaca, yahuarhuan mapamari. Cancunapaj dedocunaca millaihuan jundamari. Cancunapaj shimicunaca llullallatami rimancuna. Cancunapaj c'alluca millaillatami riman.

ISAÍAS 59:7

Paicunapaj chaquicunaca millaita ruranallamanmi callpan. Ima juchachina illajlla runacunata huañuchingapajmi callpancuna. Paicunapaj yuyaicunaca millaita ruranallatami yuyancuna. Paicunapaj ñancunapica, chingachina llaquichinallami tiyan.

JEREMÍAS 19:4

Judá runacunamari ñucamanta anchurishpa, cai llajtatapish shujtajpaj maquipi churarcacuna. Paicunapish, paicunapaj ñaupa yayacunapish, Judá llajtata jatun mandajcunapish shujtajcunapaj dioscunamanmi inciensota cushpa rupachincuna. Shinallataj alli shungu runacunata huañuchishpapishmi, caipica yahuarta jichancuna.

JEREMÍAS 2:33

C'uyajta mashcagringapajca, sumajtamari cambaj ñantaca allichingui. Canca millaita ruranataca, millai huarmicunatapish ashtahuan yachachijmi cangui.

JEREMÍAS 6:15

Millananacunata rurashcamantaca ¿pingarincunachu imatagari? Mana yangamanta nicunichu, paicunaca manataj pingancunachu. Ima shina pingarinatapish mana yachancunachu. Chaimantami ñuca llaquichijpica, caishujcuna shinallataj llaquipi urmangacuna” ninmi Mandaj Diosca.

JEREMÍAS 7:31

Hinompaj churipaj pugru pambapi caj Tofet huaicucunapipish altarcunata rurashpami, paicunapaj churicunata, ushushicunata rupachincuna. Chaitaca manamari mandarcanichu. Chaita rurachun ninataca, mana yuyashcanillapishchu.

JEREMÍAS 7:6

Mana cancunapura cajcunatapish, yaya mama illaj huahuacunatapish, viudatapish ama imatapish quichushpa llaquichichijchu. Cai llajtapica manapish ima millaita ruracujcunataca, ña ama japishcahuan huañuchishpa yahuarta jichaichijchu. Shujtajcunapaj dioscunatapish ña ama catichijchu. Cancunapaj llaquipajllatajmari chaicunataca ruracunguichij.

JEREMÍAS 8:12

Millaicunata rurashcamantaca ¿pingarincunachu imatagari? Mana yangamanta nicunichu, paicunaca manataj pingarincunachu. Ashallatapish mana pingarincunachu. Pingarina ima cashcatapish mana yachancunachu. Chaimanta ñuca llaquichi punllapica, caishujcuna shinallatajmi urmangacuna” ninmi Mandaj Diosca.

LAMENTACIONES 1:9

Millaita rurashpami paipaj churanatapish mapayachirca. Cai jatun llaqui japinataca mana yuyarcallapishchu. Chaimantamari cashna jatun mancharina tucushca. Cunanca pi mana cushichinaman shamunchu. Mandaj Dioslla, jatun llaquipimari cani, ricuhuayari. P'iñajcunaca jatun tucuncunamari.

LAMENTACIONES 4:14

Callecunapica, ñahui mana ricujcuna shinami purircacuna. Yahuarhuanmi c'ahuirircacuna. Chaimantami paicunapaj churanacunapish, maita mana tuparipaj carca.

EZEQUIEL 20:31

Cancunaca imallata cuna cashcatapish cushpa, cancunapaj churicunatapish rurashcalla dioscunaman cushpa rupachishpami, yallitaj mapayashcanguichij. Israelcunalla, cancuna chashna mana allita ruracujpica ¿maitataj ñucaca imata cutichishari? Ñucaca causacunimi, manataj imata cutichishachu ninmi Mandaj Jatun Diosca ningui.

EZEQUIEL 22:25

Ñuca ima nishcata huillajcunapish shuj yuyailla tucushpami, p'iña león aichata japij shina runacunataca huañuchircacuna. Haciendacunatapish, imalla charishcacunatapishmi quichurcacuna. Cai llajtapica, achcacunami viuda saquirircacuna.

EZEQUIEL 23:45

Chai huarmicunataca cashcata ruraj runacunami huainayajcunata, huañuchijcunata imata ruranata mandashcapi nishca shina llaquichingacuna. Paicunaca huainayaj huarmicunami, yahuarlla maqui huarmicunami” nircami.

EZEQUIEL 24:7

Cai puebloca yahuarhuan jundamari. Chai yahuartaca lluchujlla rumipimari jichashcacuna. Chai yahuartaca ñutu allpa tapachunllapish, manamari allpa jahuapi jichashcachu.

EZEQUIEL 9:9

Shina nijpimi, cashna nirca: “Israelcunapish, Judá llajtapi causajcunapish yallitajmi millaita rurashcacuna. Chaimantami cai llajtaca yahuarhuan junda, cai pueblopi causajcunaca millaita rurana yuyaillahuan jundami. Paicunaca cashnami nincuna: Mandaj Diosca cai llajtataca cungarinmi, Mandaj Diosca mana ricucunchu nishcacunami.