JEREMÍAS 2:3 - Dios Rimashca Shimicunami

³ Israelcunaca ñucapajlla ch'icanchishcami carca. Chagrapi punta p'ucushca granocunata tandashca shinami carca. Maijanpish paicunata llaquichishpaca, quiquinllatajmi llaquipi yaicurcacuna. Ñucami mitsashpa llaquichij carcani ninmi Mandaj Diosca nigri” nircami.

JEREMÍAS 2:3 Iomraidhean Croise

ÉXODO 22:29

Cancunapaj chagrata punta cozichashcacunata, punta capishca vinotapish ama uniyashpa apamunguichij. Cancunapaj punta churitapish ñucaman cunguichij.

ÉXODO 23:16

Cancuna tarpushca chagracunapi punta p'ucushcata cozichana jatun fiestata ruranatapish ama saquinguichijchu. Cambaj tarpushca chagrata ña tucui cozichashca chai huata cozicha tucuri jatun fiestatapish ruranguichijtaj.

ISAÍAS 41:11

Riqui, tucui canta p'iñajcunaca pingachishcami cangacuna, muspachishcami cangacuna. Canhuan macanacushun nicujcunaca mana tiyashca shinami tucungacuna. Chingaringacunami.

ISAÍAS 47:6

Ñuca agllashcacunahuanmi p'iñarircani. Paicunatami yangata rurarcani. Chaimi cambaj maquipi churarcani. Canca manataj llaquishpami llaquichircangui. Yuyajcunamanpish cambaj yallitaj llashaj yugotami apachircangui.

JEREMÍAS 12:14

Ñuca agllashca israelcunaman ñuca cushca llajta muyundijpi causaj, ñucata p'iñaj millai runacunami llaquichincuna. Chaimantami Mandaj Diostaj paicunataca cashna nini: Paicunatapish quiquin llajtamanta llujshichishpa cachashami. Shinallataj Judá runacunatapish, paicunapaj chaupimanta llujshichishami.

JEREMÍAS 2:4

Yaya Jacobopaj huahua huahua tucui israelcuna, Mandaj Dios rimashcata uyaichigari.

JEREMÍAS 30:16

Canta p'iñashpa tucuchijcunataca tucuicunallatatajmi tucuchingacuna. Tucui paicunami prezu ringacuna. Canta sarujcunaca sarushcallatajmi cangacuna. Tucui can charishcata quichujcunataca paicuna charishcatapish, shujtajcuna quichuchun cushami.

JEREMÍAS 50:7

Ñuca ovejacunataca maipi puricujta japishpapish huañuchircacunallami. Paicunata p'iñajcuna chashna huañuchishpaca: Caicunata huañuchishcamanta mana juchachishca cashunchu. Paicunallatajmari paicunata cuidashpa pushashpa causaj Mandaj Diosta mana cazurcacuna. Paicunapaj ñaupa yayacuna shunguta churashca Mandaj Diostamari p'iñachircacuna nircacunami.

JOEL 1:3

Cai llaquicunataca, cancunapaj huahuacunaman huillanguichij. Paicunaca paicunapaj huahuacunaman huillachuncuna. Chai huahuacunapish, paicunapaj huahua huahuacunamanmi huillangacuna.

AMÓS 6:1

Sión pueblopi cushicushpa causajcunapish, Samaria urcupi causajcunapish urcucunapi imata mana manchashpa causajcunami canguichij. ¡Aij imachari tucunguichij! Cancunaca llajtacunapipish alli nishca mandajcunami canguichij. Chaimantami tucui israelcuna cancunapajllaman shamuncuna.

HABACUC 1:11

Chai q'uipaca, acapana shinami yaicungacuna. Paicunaca rurashcalla diostami, fuerzata cuchunpish mañangacuna” nircami.

ZACARÍAS 1:15

Chaimantami ricuj llajtacunahuanca yallitaj p'iñarishca cani. Ñuca ashallata p'iñarishca cajpica, ashtahuanpish paicunaca yallitaj millaita rurashpami p'iñachircacuna ninmi.

ZACARÍAS 2:8

Tucuita Mandaj Diosca cashnami nin: “Ñucataca jatunyachishca q'uipami, cancuna imalla charishcacunata quichujcunapaj llajtacunamanca cachanga. Maijanpish cancunata llaquichishpaca, paipaj ñahuita ricucujta tujsicuj shinami llaquichicun.

NÚMEROS 18:12

Israelcunapaj chagracunapi punta p'ucushca ashtahuan allicunata Mandaj Diosman cushcacunamantaca aceitetapish, llullu vinotapish, trigotapish canmanmi cuni.

Romanos 11:16

Masamanta punta tandata Diospajraj ch'icanchijpica, tucui masami Diospajlla. Shinallataj sapi Diospajlla cajpica, ramacunapish Diospajllami.

Romanos 16:5

Paicunapaj huasipi tandanacuj crijcunatapish alli cashca cachun nipaichij. Ñuca c'uyashca Epenetotapish alli cashca cachun nipaichij. Paica Acayapi Cristota punta crijmi.

Efesios 1:4

Cai pachata manaraj rurashpami, Cristohuan shujlla tucushpa, paipaj ñaupajpi jucha illaj, mapa illajcuna cachun ñucanchijtaca ña agllarca.

DEUTERONOMIO 14:2

Cancunaca Mandaj Dios cancunapaj Taita Diospaj jucha illajcunami canguichij. Paica tucui cai pachapi causajcunamantaca cancunalla Mandaj Diospajlla agllashcacuna cachunmi cancunataca agllarca.

DEUTERONOMIO 26:19

Tucui pai rurashca llajtacunamantaca cancuna jatun llajta nishca, c'ari c'aricuna alli nishcacuna cachunmi chashna nirca. Mandaj Dios cancunapaj Taita Diosca pai nishca shina paipajlla ch'icanchishcacuna cachunmi chashna nirca” nircami.

DEUTERONOMIO 7:6

Cancunaca Mandaj Dios cancunapaj Taita Diospaj jucha illaj llajtami canguichij. Mandaj Dios cancunapaj Taita Diosmi cai pachapi tiyaj pueblocunamanta yalli ashtahuan alli pueblo cachun cancunataca agllarca.

Santiago 1:18

Pai munashcamantami mana llulla shimimanta pai rurashcacunapaj punta p'ucushca grano shina cachun, ñucanchijtaca mushujyachirca.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.