JEREMÍAS 2:25 - Dios Rimashca Shimicunami

²⁵ Ñucaca: Ama lluchu chaquilla maita purigrichu, ama yacunaihuan shimi chaquishpa maita purigrichu nircanimi. Ashtahuanpish canca: Manataj saqui tucunichu, ñucaca shujtajcunatami c'uyani. Paicunataca catishpa rishatajmi nircanguimi.

JEREMÍAS 2:25 Iomraidhean Croise

2 CRÓNICAS 28:22

Jatun mandaj Acazca, chashna llaquipi cashpapish ashtahuan millaita rurashpami, Mandaj Diostaca ashtahuan p'iñachirca.

2 CRÓNICAS 28:23

Paica llaquipi cashpaca, Damasco pueblopi causajcunapaj dioscunamanmi animalcunata cushpa huañuchirca. Chai diosllatajmi paita llaquipi churarca. Paica: “Chai dioscunaca chai llajtata jatun mandajcunataca ayudarcami. Ñucapish animalta cushpa huañuchisha, ñucatapish ayudahuangami” yuyashpami chashna rurarca. Ashtahuanpish chai dioscunata cungurishcamantami paillatajpish, tucui israelcunapish jatun llaqui tucurcacuna.

ISAÍAS 2:6

Mandaj Dioslla, can agllashcacunataca saquishcanguimari. Jacobpaj huahua huahuacunataca saquishcanguimari. Paicunallatajmi inti llujshin llajtapi causajcuna apamushca ruranacunahuan junda. Filisteocuna shinamari brujocuna tucuncuna. Shujtaj llajtacunahuanmi imatapish rurashpa pajtachinacungapaj ari ninacuncuna.

ISAÍAS 57:10

Cambaj achca ñancunapimi shaicurcangui. Ashtahuanpish: “Mana allitamari ruracuni” ninallatapish mana nircanguichu. Chaipaj randica, ashtahuan fuerzata japishpami, mana rurashachu ninapaj randica ashtahuan rurashpa catircangui.

JEREMÍAS 13:21

Jerusalén, canhuan unita alli apanacushcacunata canta mandachun Dios churajpica ¿imatataj yuyanguiman? ¿Manachu cambaj shungutaca huachana nanai japishca huarmita shina nananga imashi?

JEREMÍAS 13:22

Cambaj shungupica: ¿Imamantataj ñucataca cai tucui llaquicuna japinchu imamí? yuyanguichari. Cai tucui millaita rurashcamantamari cambaj changacuna llatanarirca. Sanpi mucucunacamami lluchulla puringui.

JEREMÍAS 14:10

Mandaj Diosca Judá runacunamantaca cashnami nirca: “Cai runacunaca caiman, chaiman yanga puricunallatami munan. Chaimantami ñucaca p'iñani. Cunanca paicunapaj tucui juchacunata yuyarishpami, tucuimanta llaquichigrini” nircami.

JEREMÍAS 18:12

Chaita huillajpica paicunaca: “Yangamari chashna rimaringui. Ñucanchijca rurashcalla dioscunatamari catishun. Tucuicunallataj ñucanchij millai shungu yuyachishcatami rurashun” nircacunami.

JEREMÍAS 2:31

Cunan punlla causacuj israelcunalla, caita uyaichij. Mandaj Diostajmi cashna nini: Can israelcunaca ñuca agllashcacunamari canguichij. ¿Ñucaca cancunapajca shitashca pamba shina, mana cashpaca amsa llajta shinachu carcani imatagari? ¿Imamantataj cancunaca: Cunantajca cacharirinchijtajmi, manataj cutinca cambajman tigrashunchu ninguichigari?

JEREMÍAS 22:20

“Cambaj tucui c'uyashcacunamari tucurishca. Cunanca Líbano urcuman huichiyashpa, Basán urcuman llujshishpa tucui ladota ricushpa caparirishpa huacajpipish, pi mana uyaringachu.

JEREMÍAS 22:21

Ñucaca cancuna manaraj ima llaqui tucujpimi rimarcani. Ashtahuanpish huambramantapachami ñuca imata nijpipish: Manataj uyashachu nishpa manataj uyaj carcanguichij.

JEREMÍAS 3:13

Mandaj Diosca cashnapishmi nin: Canta Mandaj ñucatamari mana cazushpa p'iñachircangui. Chai juchata rijsiriyari. Tucui p'angasapa yura ucucunapimari shujtajcunahuan huainayarcangui. Ñuca cayajpica manamari uyarcanguichu ninmi” nircami.

JEREMÍAS 44:17

Ashtahuanpish ñucanchij shimihuan imatami rimanchij, chaitatajmi rurashpa causashun. Ñucanchij ñaupa yayacunapish, ñucanchijta jatun mandajcunapish, ñucanchijta mandajcunapish Judá llajta pueblocunapi, Jerusalén plaza pambacunapica, jahua pachata jatun mandaj huarmi dioshuanmi inciensota cushpa rupachij carcanchij. Vinotapish cushpami, tallij carcanchij. Chai shinallatajmi rurashpa catishun. Chashna rurashpami ñucanchijca achca granocunayuj causarcanchij. Ima llaquita mana apashpa, cushicushpami causarcanchij.

LAMENTACIONES 1:2

Tutacunaca jatunta caparirishpamari huacan. Quijados uritaca huiqui manataj chaquinchu. Paita c'uyajcunaca pi mana cushichinaman shamunchu. Paihuan apanacunata saquishpamari, cunanca paita p'iñajcuna tucushca.

LAMENTACIONES 4:4

Chuchucuj huahuacunaca yacunaihuan c'allu chaquishpami, jahua lado shimi ucupi llutarirca. Uchilla huahuacuna micunata mañajpipish, imata pi mana cui tucurcacunachu.

EZEQUIEL 20:32

Cancuna yuyashca shinaca manataj cangachu. Cancunaca: Caspita, rumita adoraj shujtaj llajtacuna shina cashunchij ninguichijmi.

OSEAS 2:3

Mana chashna rurajpica, ñucaca tucuitami quichusha. Lluchullatami saquisha. Huachari punllapi ima shina cashca shinatami saquisha. Shitashca pambata shinami rurasha. Chaquishca allpata shinami saquisha. Yacunaihuan huañuchunmi saquisha.

OSEAS 2:5

Cambaj mamaca huainayashcahuan causaj huarmimi tucurca. Canta huachajca pingai illajmi. Chashna cashpami paica: Micunata, yacuta, millmata, linota, aceiteta, ima ubyanacunatapish ñucaman cujcunata catishpa rishalla nishpa catishpa ricujlla tucurca.

MALAQUÍAS 3:14

Cashnapishmi nishcanguichij: Yallitajmi Diostaca servishpa causanchij. Pai mandashcata pajtachishpapish, tucuita Mandaj Diospaj ñaupajpi llaquijlla purishpapish manamari imata japinchijchu.

Lucas 15:22

yayaca paipajta rurajcunataca cashnami nirca: “Tucuimanta yalli alli churanata llujshichimushpa churachichij. Maqui dedopica sortijasta, chaquipica pargateta churachichij.

Lucas 16:24

Chaimi sinchita caparishpa: “Yaya Abraham, ñucata llaquihuayari. Lazarota cachapai yacupi paipaj dedota satishpa, ñuca c'allullatapish chiriyachichun, ñucaca caitaj ninapica jatun llaqui nanaitamari apacuni” nirca.

Romanos 8:24

Chashna shuyana yuyailla cachunmi, quishpichishca canchij. Ashtahuanpish shuyacushcata ña ricushpaca, mana ashtahuan shuyanachu. Ña shuyacushcata ricushpaca ¿imapajtaj ashtahuan shuyanga?

DEUTERONOMIO 28:48

Ashtahuanpish cancunata p'iñajcunata, Mandaj Dios cancunapajman cachajpimi cancunaca yaricaihuan, yacunaihuan, churana illajlla, tucui imapish illajlla paicunapajta ruranguichij. Mandaj Diosca, cancunapaj cungapi shuj fierro yugota churashpami chingachingacama cancunataca llaquichinga.

DEUTERONOMIO 32:16

Paicunaca shujtaj dioscunapajman rishpami yallitaj p'iñachircacuna. Millananacunata rurashpami p'iñachircacuna.