JEREMÍAS 2:22 - Dios Rimashca Shimicunami

²² Cancuna lejiahuan c'acurishpa maillarijpipish, mashna jaboncuna tucurijta armajpipish, cancunapaj jucha mapaca manataj ñuca ñaupajmanta anchuringachu. Ñuca ñahuipi ricuringallami. Mandaj Jatun Diostajmi chashna nini.

JEREMÍAS 2:22 Iomraidhean Croise

2 SAMUEL 11:12

Chaimi Davidca Uriastaca: –Cunanhuan caipi saquiri, cayaca cachashallami– nijpi Uriasca cayandij punllacama Jerusalenpi saquirirca.

JOB 14:17

Ñuca canta mana cazushcataca costalpimi sellashpa charicungui. Ñuca millaita rurashcataca sirashpami charicungui.

SALMOS 130:3

Jatun Dioslla, ñucanchij juchacunata quiquin ricuracujllapica, ¿pitaj quiquinpaj ñaupajpica shayari tucungari?

SALMOS 90:8

Ñucanchij millaita rurashcataca, quiquinpaj ñaupajpimi charicungui. Ñucanchij pacalla juchallishcacunapish quiquinpaj ñaupajpica ricunallami.

JEREMÍAS 16:17

Ñucaca paicuna imallata rurajtaca, tucuitami ricucuni. Paicunapaj juchacunapish ñuca ñahuimantaca ima mana pacallachu, ricunallami tiyacun.

JEREMÍAS 17:1

Judá runacunalla, cancunapaj shungupica fierropi churashca diamante puntahuan rumipi quillcashca shinami juchaca tiyacun. Cancuna shayachishca altar gachucunapipishmi chashna quillcashca tiyacun.

JEREMÍAS 4:14

Jerusalenpi causajcunalla, ¿maicamataj millaita rurana yuyailla canguichigari? Cancunata quishpichichun nishpaca, shungumanta tucui millai yuyaita maillarichigari.

EZEQUIEL 24:6

Mandaj Jatun Diosca cashnapishmi nin: Huañuchijcuna causan pueblolla, ¡aij imachari tucungui! Cai puebloca fierro ishpashca manga shinamari tucushca, chaitaca mana anchuchi tucuipajmari. Ama suerteta rurashpa, mirga mirga aichacunata chai mangamantaca llujshichilla.

OSEAS 13:12

Efraín millaita rurashcaca huatashcami tiyacun. Paipaj juchacunaca huaquichishcami tiyacun.

AMÓS 8:7

Jacobpaj huahua huahuacunata sumajyachij ñucatajmi cashna nini: “Paicunata llaquichinataca manataj cungarishachu” ninmi Mandaj Diosca.

DEUTERONOMIO 32:34

¿Manachu sumaj charinacunata huaquichinapi huaquichishpa sellashcata charicuni?