JEREMÍAS 2:21 - Dios Rimashca Shimicunami

²¹ Ñucaca cancunataca alli uva muyumanta huiñashca yuracunatamari tarpurcani. Ima sacha yurahuan chagruta mana tarpurcanichu. ¿Imamantataj sacha uva shina tucurcanguichigari?

JEREMÍAS 2:21 Iomraidhean Croise

GÉNESIS 18:19

Abrahamtaca paipaj huahua huahuacunatapish, chaicunapaj huahua huahuacunatapish Mandaj Dios mandashcacunataca cashcata rurashpa causanata, pai nishca shinataj rurashpa pajtachina cashcata yachachinataca yachanimi. Abrahamca Mandaj Dios paiman cusha nishcacunata pajtachichunmi chashna rurana can” nircami.

GÉNESIS 32:28

Chaipimi chai runaca: –Canca cunanca ña mana Jacob shutichu cangui. Taita Dioshuanpish, runacunahuanpish macanacushpa mishashcamanta, Israel shutimi cangui– nirca.

SALMOS 105:6

Cancunaca paipajta ruraj Abrahampaj huahua huahuacunamari canguichij. Jacobpaj huahua huahuacunamari canguichij. Pai agllashcacunamari canguichij.

SALMOS 44:2

Llajtacunataca quiquinpaj maquihuanmi carcushpa cachashcangui. Gentecunataca llaquichishpami llujshichishpa cachashcangui. Chashna rurashpaca ñucanchij yayacunatami tarpuj shina cai llajtapi churashcangui.

SALMOS 80:8

Egiptomantami uva yurata apamurcangui. Cai llajta runacunata llujshichishpa cachashpami chaitaca tarpurcangui.

SALMOS 80:9

Chai yurata churangapajmi allpataca chuyayachircangui. Sapicunatapish ucujtami sapiyachircangui. Tucui allpapimi jundachircangui.

ÉXODO 15:17

Mandaj Dios cambaj urcumanmi yaicuchingui. Cambaj urcupimi tarpungui. Mandaj Dios can causanapaj maipi allichishcamanmi pushangui. Cambaj maquihuan rurashca cambajlla ucumanmi pushangui.

ISAÍAS 1:21

Imatapish chaitataj pajtachij pueblolla, cunanca huainayaj huarmi canamanmari tigrarishcangui. Canpica cashcata rurajcunami junda carca. Canpica allita rurajcunallami causarca. Ashtahuanpish cunanca huañuchijcunallami causacuncuna.

ISAÍAS 27:2

Chai punllapica: “Pucajlla vinota rurana uva chagrata cantaichij” ningami.

ISAÍAS 41:8

“Israelcunalla cancunaca ñucapajta rurajcunamari canguichij. Jacob cantaca ñucahuan alli apanacuj Abrahampaj huahua huahuapuramantamari agllarcani.

ISAÍAS 5:4

Ñuca uva chagrataca ¿imatataj ashtahuan rurana carcari? ¿Imata ruranatataj mana rurashcani? Ñucaca alli uva p'ucujtamari shuyacurcani. ¿Ima nishpataj sacha uvata p'ucurcari?

ISAÍAS 60:21

Tucui canpi causajcunami tucui paicunami cashcata rurajcuna canga. Paicunaca huiñaipajmi paicuna japina cashca allpataca japingacuna. Paicunataca ñuca cutin mushujta tarpushcacunami canga. Ñuca jatun cashcata ricuchingapaj, ñuca maquihuan rurashca chagrami.

ISAÍAS 61:3

Llaquijlla caj Sionmanca ushpahuan shitarishca canapaj randica achijyachijta cuchun. Llaquijlla canapaj randica, cushijlla cana aceiteta cuchun. Llaquijlla shungu canapaj randica, cushijlla cashcata ricuchij churanata churachichunmi cacharca. Paicunaca: “Cashcata ruraj yuracuna nishcami cangacuna. Mandaj Dios pai jatun cashcata ricuchingapaj tarpushca yuracuna” nishcami cangacuna.

JEREMÍAS 11:16

Mandaj Dios ñucaca sarun huatacunaca cantaca: “Sumaj granocunata aparishca, p'angasapa jatun olivo yura nijmi carcani. Ashtahuanpish cunanca sinchita culun nishcahuan ninata japichishpami tucui p'angacunata rupachishpa, tucui ramacunata p'aquigrini.

JEREMÍAS 11:17

Canta tarpuj, tucuita Mandaj Diostajmari cantaca llaquichishami nini. Israelcunapish, can Judá runacunapish Baalman inciensota cushpa rupachishpa, millaita rurashpa ñucata p'iñachishcamantami chashna ruragrini” nircami.

JEREMÍAS 5:10

Cai pueblo muyundij pircacunaman huichiyashpa t'unichij. Chai pircacunaca mana ñucapajchu, jahua umamanta callarishpa urmachichijlla. Shina cashpapish ama tucui chingachichijchu.

LAMENTACIONES 4:1

¡Aij, curilla, yanayashcamari! ¡Aij, sumaj curica ña mana achij nicunca! Diospaj huasi rumicunapish tucui ñan esquinacunapimari shitashca siricun.

EZEQUIEL 15:2

“Huañujlla aichayuj runa, ¿uva yura caspichu shujtaj caspicunamanta yalli alli imatagari? ¿Uva yura rama caspichu shujtaj caspicunata yalli alli imatagari?

Mateo 21:33

Shujtaj yuyachij parlotapish uyaichij: Shuj runami tiyarca. Chai runaca paipaj allpapi uvascunata tarpushpami, chaitaca muyundijta pircashpa, uvascunata capingapaj shuj jutcuta, chapangapaj shuj torretapish rurarca. Chaimantaca shujtaj chagrajcunaman arrendachishpami caru llajtaman rirca.

Marcos 12:1

Jesusca, yuyachij parlocunahuan yachachi callarishpaca: Shuj runaca paipaj allpapi uvacunata tarpushpami, chaitaca muyundijta pircashpa, uvacunata capingapaj shuj jutcuta, chapangapaj shuj torretapish rurarca. Chaimantaca shujtaj chagrajcunaman arrendachishpami, caru llajtaman rirca.

Lucas 20:9

Chai q'uipa yachachi callarishpaca Jesusca cai yuyachij parlotami cashna parlarca: “Shuj runami uvas chagrata tarpushpaca, chagrajcunaman arrendachishpa, achca huatacunapaj chaimanta rirca.

Juan 15:1

Ñucaca uva yuratajmi cani, ñuca Yayaca chagrayujmi.

DEUTERONOMIO 32:32

Paicunaca Sodoma, Gomorra uva chagracunami. Paicunaca huañuchij jayaj uvacunami.

DEUTERONOMIO 4:37

Paica cancunapaj ñaupa yayacunata c'uyashcamantami paicunapaj q'uipa huahua huahuacunataca agllarca. Paimi Egiptomantaca, pai quiquintaj tucuita rurai tucuj cashcahuan llujshichimurca.

JOSUÉ 24:31

Josué causacui punllacunapica, israelcunaca Mandaj Diospajllata rurashpami causarcacuna. Josué huañushca q'uipaca Mandaj Dios israelcunapaj imallata rurashcata ricuj Josuehuan huiñaillataj caj caishuj yuyajcuna causai punllacunacamallami Mandaj Diospajta rurashpa causarcacuna.