JEREMÍAS 2:2 - Dios Rimashca Shimicunami

² “Ri, Jerusalenpi causajcuna uyajta cashna caparigri: Mandaj Diosca cashnami nin: Can huambraraj cashpaca, ñucata allimi cazuj carcangui. Ñucahuan cunanlla cazarashca cashpaca, ñucata c'uyarcanguimi. Chaimantami ima tarpushca mana tiyaj, shitashca pambata pushamujpipish, ñucata catishpa shamurcanguilla. Chaitaca allimi yuyarini.

JEREMÍAS 2:2 Iomraidhean Croise

SALMOS 129:1

Ñucataca chairaj cashcamantapachami yallitaj llaquichincuna. Cunanca israelcuna, cashna nichigari:

ÉXODO 14:31

Mandaj Dios chai Egipto llajta soldadocunata jatun mancharinata rurajta ricushpami, israelcunaca Mandaj Diostaca mancharcacuna. Mandaj Diospipish, paipajta ruraj Moisespipishmi shunguta churarcacuna.

ÉXODO 16:8

Moisesca cashnapishmi nirca: –Mandaj Diosca chishicunataca, aichatami cancuna micuchun cugrin. Tutamantacunataca, mana nijta micuchunmi tandata cugrin. Mandaj Diosca cancuna paita juchachishpa rimashcatami uyashca. Cancunaca mana ñucanchijtachu juchachishpa rimashcanguichij. Ashtahuanpish Mandaj Diostamari juchachishpa rimashcanguichij. Shina cajpica ñucanchijca ¿imapish mana canchijchu?– nircami.

PROVERBIOS 1:20

Alli yachaica ñancunapi purijcunata caparicunmi. Plaza pambacunapi tandanacujcunatapish cayacunmi.

CANTARES 3:11

Siónpi causaj solteracunalla, jatun mandaj Salomonta ricunaman llujshichigari. Paipaj shungu cushicuna punllapi, pai casarai punllapi, paipaj mama churachishca coronata churashcamari shamucun.

CANTARES 3:6

¿Shitashca pambataca pi huarmitajshimari, tucui layaman ashnacuj cutahuanpish, inciensohuanpish, mirrahuanpish churarishpa mishquijllata ashnacuj, cushni shina huichiyacun?

ISAÍAS 58:1

¡Jacobpaj huahua huahuacuna juchallishcamanta, ñuca agllashcacuna ñucata c'ariyashcamantaca ama pararishpa cunga pajtashcata capariyari! ¡Trompetapi tocaj shina sinchita caparishpa huillayari!

JEREMÍAS 11:6

Chashna nijpica, Mandaj Diosca cashnami nirca: “Cai shimicunataca Judá llajtapi tucui causajcunamanpish, Jerusalenpi causajcunamanpish callecunapi cashna huillagri: Dioshuan ari ninacushca cai shimicunata uyashpa, chai shina causaichij.

JEREMÍAS 19:2

Chaimantaca inti llujshin ladopi caj pungu uranijman, Hinompaj churipaj pugru pambaman pushangui. Paicunamanca chaipi ñuca imata huillachun nishcata huillangui.

JEREMÍAS 2:1

Mandaj Diosca ñucataca cashnami nirca:

JEREMÍAS 2:6

Paicunaca ña mana ñucata mashcanata yuyarircacunachu. Ñucanchijta Egipto llajtamanta llujshichishpa, shitashca, chaquishca pambacunata pushamuj, ñanllapish mana tiyaj, pi mana purishca, pi mana causashca huañunalla llajtata pushamuj Mandaj Diosca ¿maipitagari? ninataca mana yuyarircacunachu.

JEREMÍAS 3:4

¿Manachu cunanmantapachallapish cutintaj ñucataca: Ñuca Yayitu, huambraraj cajpica canmari ñucata pushashpa purij carcangui nisha ningui?

JEREMÍAS 7:2

“Ñuca Mandaj Diospaj huasi pungupi shayarishpa, cashna nishpa cai shimicunata huillagri: Judá llajtapi causajcuna, cancunaca tucuicunami cai punguta yaicushpa, Mandaj Diostaca adoranguichij. Cunanca pai Mandaj Dios ima nishcata uyaichigari.

EZEQUIEL 16:22

Tucui laya millaita rurana, huainayana yuyaicunallahuan yallitaj junda cashpami, llullu huahuaraj cashpa churana illaj lluchulla cashcatapish, yahuarpi singuricushcatapish mana yuyarircangui.

EZEQUIEL 16:60

Ashtahuanpish can solteraraj cajpi ari ninacushcataca yuyaricushallami. Canhuanca huiñaipajmi ari ninacurcanchij.

EZEQUIEL 16:8

Cutinllataj cambaj c'uchuta pasashpami, ña casaranalla soltera tucushcata ricurcani. Chaimantaca can lluchullataj cajta ricushpami, ñuca churanahuan c'atachircani. Chashnami canhuanca ari ninacurcani. Chaimantamari ñucapajlla tucurcangui. Mandaj Jatun Diostajmi chashna nini.

EZEQUIEL 23:19

Chairaj cashpa Egipto llajta runacunahuan huainayashcata manataj cungarishpami, ashtahuan huainayarca.

EZEQUIEL 23:3

Chai huarmicunaca huambramantapachami Egipto runacunahuan huainayashpa causarcacuna. Chai runacunamanmi manaraj pi chayarishcapi ugllachishpa, chuchucunatapish lutsachircacuna.

EZEQUIEL 23:8

Egipto llajtapi causajcunahuan huainayanataca manataj saquircachu. Chairaj huambra cashcamantapachami, Ahola huarmica paihuanca siririrca. Paicunami pipish manaraj lutsashca chuchucunatapish lutsarcacuna. Chashnami paihuanca yallitaj huainayarcacuna.

OSEAS 11:1

Israelcunataca huahuaraj cajpimi c'uyarcani. Egiptomantami ñuca churitaca cayarcani.

OSEAS 2:15

Chaimantapachami uva chagracunataca paillamantaj cutin cusha. Acor pugru pambatapish, allicunata japina pungu canamanmi tigrachisha. Chaipimi paica, solteraraj cashpa cantashca shina cantanga. Egiptomanta huichiyacui punllapi cantashca shina cantanga.

OSEAS 2:17

Baal dioscunapaj shuticunata rimanataca paipaj shimimanta anchuchishami. Chaimi chai dioscunapaj shuticunataca, ña nunca manataj rimangacuna.

OSEAS 2:7

Paita c'uyajcunata catishpa rishpapish mana cati japingachu. Mashcashpapish mana japingachu. Chaimi paica: Ñuca punta cusapajllamantaj tigrashalla. Paihuanca cunantapish yalli ima mana illajmari causacurcani ningami.

OSEAS 8:1

Ñucahuan ari ninacushcata p'aquishcamanta, ñuca mandashcacunata mana cazushpa c'ariyashcamantami Mandaj Diospaj huasi jahuamanca shuj águila shamucun. Chaitaca trompetapi tocashpa huillayari.

OSEAS 9:10

Shitashca pambapi uvata japij shinami israelcunataca japircani. Callaripica cancunapaj ñaupa yayacunaca ñucapajca punta p'ucushca higo shina ricunanquimi carca. Chashna cashpapish Baal-peor diospajmanmi rircacuna. Pingaichishca cangapajmi ñucamantaca anchurircacuna. Chashna tucushpaca, paicunapaj c'uyashca diosta ñuca millanachishca shinallatajmi, paicunapish ñucapajca millanana tucurcacuna.

JONÁS 1:2

“Jatari, Nínive puebloman ri. Chai jatun pueblopi causajcuna yallitaj millaita rurashpa causashcaca ñami ñuca ñaupajman chayamushca. Chaimanta ñuca llaquichina cashcata paicunaman huillagri” nircami.

Mateo 11:15

Maijanpish uyanapaj rinrinta charijca uyaichigari.

Lucas 12:13

Chaipi cajcunamanta shujmi Jesustaca: –Yachachij, ñuca huauquillata ñuca yayamanta herenciata ñucamanpish chaupichun nipai– nirca.

DEUTERONOMIO 2:7

Mandaj Dios, cancunapaj Taita Diosca cancuna imata ruranapipish allimi nishcami. Shitashca jatun pambapi cancuna puricujtaca paica yachanmi. Cai tucui chuscu chunga huatatami Mandaj Dios cancunapaj Taita Diosca cancunahuan cashca. Paica cancunataca ima mana illajtami pushamushca.

DEUTERONOMIO 33:3

Paipajlla cajcunataca c'uyanmi. Paipajlla cachun tucui ch'icanyachishcacunaca paipaj maquipimi. Chaimi paicunaca can purishcata catircacuna. Quiquin yachachishcata catishpami chashna purircacuna.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.

Apocalipsis 2:4

Chashna cajpipish canpica, shuj mana allitami ricuni. Canca punta c'uyaitami saquishcangui.