JEREMÍAS 2:19 - Dios Rimashca Shimicunami

¹⁹ Cancunapaj juchallatajmi llaquichinga. Ñucata mana cazushca juchallatajmari cancunataca llaquipi churanga. Chaipimi cancunaca ñuca cancunata Mandaj Diosmanta anchurinapish, ñucata mana cazunapish, yallitaj mana alli cashcata, llaqui tucuna cashcata yachanguichij. Tucuita Mandaj Jatun Diostajmi chashna nini.

JEREMÍAS 2:19 Iomraidhean Croise

1 REYES 18:18

Shina nijpi Eliasca: –Mana ñucachu israelcunataca muspachircani. Ashtahuanpish canhuan, cambaj yayapaj huasi familiahuanmi Mandaj Dios mandashcacunata saquishpa, Baalcunata catishpa israelcunataca muspachircanguichij.

2 CRÓNICAS 12:5

Chaimi profeta Semaiasca, Roboampajman rirca. Jatun mandaj Sisac macanacunaman shamushcamantami, Judá llajtapi causajcunata tucui mandajcunapish, Jerusalenpi Roboamhuan tandanacushcacuna carca. Tucui paicunatapish, Roboamtapishmi Semaiasca cashna nirca: –Mandaj Diosca cashnami nin: Cancunami ñucamanta anchurircanguichij. Chaimantami cunanca ñucapish cancunataca, Sisacpaj maquipi churagrini ninmi– nircami.

2 CRÓNICAS 21:10

Shina cajpipish, edomitacunaca, Judá llajtata jatun mandajpaj maquimanta cacharichishpami cunancama chashna causacuncuna. Chai huatallapitajmi Libna pueblopi causajcunapish, pai mandacunmanta cacharirircacuna. Paipaj ñaupa yayacunata Mandaj Diosta cungarishcamantami, chashna tucurca.

2 CRÓNICAS 25:16

Profeta chashna nijpica, jatun mandajca: –¿Cantaca jatun mandajta cunaj cachunchu churarcacuna imatagari? Canca imata mana ninachu cangui. ¿Ima nishpataj canllataj huañuita mashcangui?– nircami. Chashna nijpica, profetaca caillatami nirca: –Ñuca cunashcata mana cazushpa, cashna millaita rurashcamantaca Diosca cantaca chingachishatajmi nircami. Chaitaca yachanimi– nircami.

SALMOS 36:1

Diosta mana rijsij millaita rurajta ricushpami ñuca shungupica: “Paipica Diosta manchanaca mana tiyanchu” nini.

ÉXODO 33:6

Chaimi israelcunaca Horeb urcumanta ri callari pachamanta chai sumaj churanacunataca ña mana churarircacuna.

PROVERBIOS 1:31

Paicunapaj causaipi imatami tarpurcacuna, chaillatatajmi micungacuna. Paicuna munashca shina rurashcallamantatajmi amijta micungacuna.

PROVERBIOS 1:32

Upacunataca paicunapaj panda causaillatajmi huañuiman chayachin. Rumi shungucuna cushicushpa causashcaca, chingarinaman apanllami.

PROVERBIOS 5:22

Diosta mana manchaj runataca, pai millaita rurashcallatajmi llaquipi urmachin. Quiquin juchacunallatajmi allita huatashpa charicun.

ISAÍAS 3:9

Paicunapaj ñahuillatajmi paicuna mana alli cashcataca ricuchin. Paicunaca Sodomacuna shinallatajmi juchallishcatapish mana pingashpa huillanllacuna. ¡Aij paicunapaj causailla! Paicunapaj llaquipajllatajmi montonacuncuna.

ISAÍAS 5:5

Cunanca ñuca uva chagrata imata ruragrishcatami ricuchigrini. Muyundij pircatami anchuchigrini. Tucui tucuchishcami canga. Tucui pircata anchuchishca cajpica, pipish sarushcami canga.

ISAÍAS 50:1

Mandaj Diosca cashnami nirca: “Cancunapaj mama Israelta ñuca shitashca cajpica shitashca cashcata ricuchij quillcaca ¿maipitagari? ¿Pimantaj ñucaca divishcaniyari? Chai divimantaca c'atushpa p'angangapajpish ñucaca ¿pimantaj diviyashcaniyari? Ashtahuanpish cancunataca millaicuna tucushcamantami c'aturcani. Cancunallataj c'ariyashcamantami cancunapaj mama Israeltaca shitarcani.

JEREMÍAS 1:16

Cai tucui pueblocunapi causajcunatami, paicunallataj ñucata saquishpa millaita rurashcamantaca, chashna llaquichigrini. Paicunaca quiquin maquillahuantaj rurashca dioscunatamari inciensota rupachishpa adorarcacuna.

JEREMÍAS 13:22

Cambaj shungupica: ¿Imamantataj ñucataca cai tucui llaquicuna japinchu imamí? yuyanguichari. Cai tucui millaita rurashcamantamari cambaj changacuna llatanarirca. Sanpi mucucunacamami lluchulla puringui.

JEREMÍAS 2:17

¿Manachu cancunata Mandaj Dios ñanta pushacujpi, cancuna paimanta anchurishcamanta, cashna llaqui tucunguichij imashi?

JEREMÍAS 3:22

Mana cazuj huahuacuna, ñucapajman tigrarichigari. Cancuna tigrarijpica ñucata mana cazushcamanta, llaqui tucushcataca alliyachishallami” ninmi. “Canca ñucanchijta Mandaj Diosmari cangui, chaimanta cunanca ñami cambajman tigramunchij.

JEREMÍAS 4:18

Cancuna millaita rurashpa causashcallatajmi cancunataca cai llaquipi churashca. Cancunapaj millai causaillatajmi shunguman chayajta jayajta ubyachinga” ninmi.

JEREMÍAS 5:22

Mandaj Diosca cashnami nin: Ñucataca manamari manchanguichijchu, manamari ñuca ñaupajpica chujchunguichijchu. Ñucamari mama cucha maicama canatapish churarcani. T'iyullatamari huiñaita yacu muyundijta tiyachun churarcani. Shina cajpipish, ñuca mandashcamantaca mana pasanchu. Jatun huairahuan yacu huajiashpa jatarishpapish, mana maitapish rinllachu. Mana chai t'iyumanta pasanchu.

JEREMÍAS 5:24

Cancunapaj shungupica: Cunanca ñucanchijta Mandaj Diosta manchashpa causashunchij. Paimari punta tamyatapish, q'uipa tamyatapish tamyana punllacunapitaj cachan. Chagracuna tandana tucuchunpish paimari usyachin ninallatapish mana yuyaringuichijchu.

JEREMÍAS 5:6

Chashna cashcamantaca, sachamanta león llujshishpa huañuchingatajmi. Shitashca pambapi causaj atuj shamushpa tucuchingatajmi. Leopardomari paicunapaj pueblo muyundijta chapanga. Maijanpish pueblomanta llujshijpica, japishcahuan micungallami. Paicunallataj Diosta yallitaj mana cazushpa, paimanta ashtahuan ashtahuan caruyashcamantamari chai llaquica japinga.

JEREMÍAS 7:19

Paicunamari ñucataca p'iñachincuna. Chashna rurashpaca, paicunallataj jatunta pingai tucungapajmari llaquipi yaicuncuna” ninmi Mandaj Diosca.

JEREMÍAS 8:5

Chashna cashcamantaca ¿imamantataj cai Jerusalenpi causajcunaca, huiñaita ñucahuan p'iñarishpa, manataj ñucapajman tigrancunachu imamí?

EZEQUIEL 23:30

Shujtaj llajtacunapi causajcunahuan huainayashcamantami, chashna llaquichishca cana cangui. Canca paicuna rurashca dioscunahuanpishmi mapayarcangui.

EZEQUIEL 39:24

Ñucata c'ariyashpa yallitaj millaita rurashcamantami, paicunataca llaquichircani. Chaimantami paicunamantaca ñuca ñahuitapish anchuchircani ninmi.

OSEAS 11:7

Ñuca agllashcacunaca ñucata c'ariyanapimi rumi shungu tucushcacuna. Ñucataca: “Jahua pacha Taita Dios” nishpapish, pi mana jatunyachinatatajca munancunachu.

OSEAS 13:9

Israel, canca chingarircanguimari. Canta ayudanaca ñucapimari.

OSEAS 14:1

¡Israel, Mandaj cambaj Taita Diospajman cutiriyari. Canca cambaj juchallamantatajmi urmashcangui!

OSEAS 4:16

Israelcunaca quita vaquilla shinami caruyarcacuna. Chashna cajpica ¿Mandaj Diosca paicunataca malta ovejacunata shina ancho pambapi michingachari?

OSEAS 5:5

Israelcuna jatun tucushcaca paicuna ima shina cashcatami ricuchinga. Israelcuna, Efraincunaca paicunapaj juchallapitajmi ñitcaringa. Judapish paicunahuanmi ñitcaringa.

OSEAS 7:2

Paicuna millaita rurashcacunata ñucaca yuyaipi charicuna cashcataca mana yuyancunachu. Ashtahuanpish paicuna millaita rurashcacunallatajmi ñuca ñaupajpica tucuita ricuchicunga.

OSEAS 9:1

Israelcuna ama cushicuichijchu. Shujtaj llajtacuna saltarishpa cushicuj shina saltarishpa ama cushicuichijchu. Cancunapaj Taita Diosmanta anchurishpami shujtaj dioscunahuan huainayashcanguichij. Trigota trillanacunapi huainayashcamanta japishca cullquihuanmi cushicunguichij.

AMÓS 8:10

Cancunapaj cushicuna fiesta punllaca huacanami tucunga. Chai punllapica, cancunata cushichishpa cantajcunapish yupashpa yupashpami huacangacuna. Cañamazutami churachisha, uma ajchatapish lluchutami rutuchichisha. Chaipica tucuicunami shujlla c'ari huahua huañushcamanta shina huacanguichij. Chai punllaca, mana jahualla mancharina jatun llaqui punllami canga” ninmi.

MIQUEAS 1:5

Israelcuna mana cazushpa millaita rurashcamantami, chashnaca tucunga. Jacobpaj huahuacunaca, ¿ima millaitataj rurashcari? Samaria pueblopimari chashna rurancuna. Judá llajtapi causajcuna, rurashcalla dioscunata adorana altarcunaca ¿maipitagari? ¡Jerusalenpimari!

ZACARÍAS 7:11

Chashna nijpipish, mana uyashun nircacunachu. Ashtahuanpish huashata ricuchishpami, mana uyanachishpa rinrinta taparircacuna.

Romanos 3:18

Paicunapaj causaipica, Diostaca manataj manchancunachu” ninmi.

JUECES 10:13

Chai jahuamari ñucamanta caruyashpa shujtajcunapaj dioscunapajta rurashcanguichij. Ñucapish cancunataca ña mana ashtahuan quishpichishachu.