JEREMÍAS 2:18 - Dios Rimashca Shimicunami

¹⁸ Riquichij, ¿cancunaca Egiptopica imata charishpataj chai ñanta rishpa, Nilo jatun yacuta ubyanguichigari? ¿Asiria llajtapipish imata charishpataj cancunaca chai llajta ñanta rishpa, Éufrates jatun yacuta ubyanguichigari?

JEREMÍAS 2:18 Iomraidhean Croise

2 CRÓNICAS 28:16

Chai punllacunallatajmi jatun mandaj Acazca, Asiria llajtata jatun mandajcunapajmanca: “Ayudahuai” nichun nishpa maijancunata cacharca.

ISAÍAS 23:3

Chaica Nilo yacu jundashpa chagracunapi regarishcahuan p'ucushca cozichana granocunamantami cancunapaj ima charinacunaca tiyaj carca. Chaimanmi shujtaj llajtacunamanta c'atujcuna randijcuna shamujcuna carca.

ISAÍAS 31:1

Egiptocuna ayudachun nishpa Egiptoman uriyajcunalla. Caballocunata, carrocunata charin nishpalla shunguta churajcunalla. Achcacuna cashcallamanta, caballocunapi tiyarijcuna cashcallamanta, c'ari c'aricuna cashcallamanta shunguta churajcunalla. ¡Aij, imachari tucungacuna! Ashtahuanpish Israelcunapaj jucha illaj Diospica shunguta mana churancunachu. Mandaj Diostaca mana mashcancunachu.

ISAÍAS 7:20

Chai punllapica Jatun Diosca, jatun yacumanta ch'imbanijman cajcunata alquilamushca navajahuanmi tucuicunata raspanga. Asiria llajtata jatun mandajhuanmi uma ajchatapish, chaqui millmatapish, barbastapish tucuita raspanga.

JEREMÍAS 2:36

Canta ayudachun pita mashcashpa, ama caiman chaiman callpaichu. Cantaca Asiria llajtata jatun mandaj umashpa pingachishca shinallatajmi, Egiptota jatun mandajpish pingachinga.

JEREMÍAS 31:22

Sinchi shungu huarmilla, ¿ima horascamachari chashna uri huichi puricunguilla? Mandaj Diosca cai llajtapica mushujtamari ruragrin. Huarmica cusapaj c'uchupimi canga” ninmi.

LAMENTACIONES 4:17

Ñucanchijta ayudanaman shamuchunca, yangallamari ñahuicuna shaicujta chaparcanchij. Manapish ayudai tucuipaj llajtallatamari shunguta churashpa yanga shuyashcanchij.

LAMENTACIONES 5:6

Ñucanchij huijsa micunapajpish, Egipto llajta, Asiria llajta runacunatami maquita chutashpa mañanchij.

EZEQUIEL 16:28

Shinallataj huainayanata mana shaicushpami, asiriocunahuanpish huainayarcangui. Paicunahuan huainayashpapish, mana amircanguichu.

EZEQUIEL 17:15

Ashtahuanpish ari nij runaca paita mana cazushpami, jatun mandajpaj randi shujtaj mandajcunataca Egipto llajtaman cachashpa caballocunatapish achca runacunatapish cuchun mañarca. ¿Chashna rurajca cushicushpachu causanga imashi? ¿Quishpiringachu imashi? Ari nishcata p'aquij runaca ¿quishpiringachu imashi?

EZEQUIEL 23:30

Shujtaj llajtacunapi causajcunahuan huainayashcamantami, chashna llaquichishca cana cangui. Canca paicuna rurashca dioscunahuanpishmi mapayarcangui.

OSEAS 5:13

Efrainca polilla ungüihuan cashcata ricushpa, Judaca carachahuan cashcata ricushpami Efrainca Asiriaman ringa. Chaipica chai llajtata jatun mandajtami ayudata mañanga. Ashtahuanpish chai jatun mandajca polilla ungüitaca mana alliyachingachu. Caracha ungüitaca mana jambingachu.

OSEAS 7:11

Efrainca yuyai illaj paloma shinami. Ima alli cashcata, ima mana alli cashcata mana yachanchu. Egiptota ayudata mañashca jahuapish, Asiriahuanmi tandanacun.

JOSUÉ 13:3

Egiptomanta inti llujshin ladoman caj Sihor jatun yacumanta janaj lado Ecrón puebloman tupanacuncamami japina tiyanraj. Chai llajtacunaca cananeocunapajrajmi. Chai llajtacunataca Gaza, Asdod, Ascalón, Gat, Ecrón llajtacunata pichca jatun mandaj filisteocunami mandacun. Ura ladoman caj Aveocunapaj llajtatapish japinarajmi.