JEREMÍAS 2:14 - Dios Rimashca Shimicunami

¹⁴ Israelcunaca mana pi shujtajcunata servijcunachu carca. Huatashca shina pipaj maquipipish mana causarcachu. ¿Shinashpaca imamantashi paicunataca cashna imatapish quichuncuna?

JEREMÍAS 2:14 Iomraidhean Croise

GÉNESIS 15:3

Abramca cashnapishmi nirca: –Quiquin, ñucaman mana huahuata cushcamantaca ñuca imalla charishcacunataca, ñuca huasipi huacharishca ñucapajta rurajllamari japinga– nircami.

ÉXODO 12:49

Chai mandashcallatajmi israelcunatapish, cancunapurapi causacuj mana israelcunatapish mandanga” nircami.

ÉXODO 4:22

Mana cacharisha nijpica faraontaca: Mandaj Diosca cashnami nin: Israelca ñuca punta churimi.

ECLESIASTÉS 2:7

Ñucapajta rurajcuna cachun c'aricunatapish, huarmicunatapishmi randircani. Ñuca huasillapitaj huacharishca servijcunatapishmi charircani. Shinallataj vacacunatapish, ovejacunatapish Jerusalenpi ñuca ñaupa causajcuna charishcata yallimi charircani.

ISAÍAS 50:1

Mandaj Diosca cashnami nirca: “Cancunapaj mama Israelta ñuca shitashca cajpica shitashca cashcata ricuchij quillcaca ¿maipitagari? ¿Pimantaj ñucaca divishcaniyari? Chai divimantaca c'atushpa p'angangapajpish ñucaca ¿pimantaj diviyashcaniyari? Ashtahuanpish cancunataca millaicuna tucushcamantami c'aturcani. Cancunallataj c'ariyashcamantami cancunapaj mama Israeltaca shitarcani.

JEREMÍAS 17:4

Ñuca cushca cai llajtatapish shitashpami, cancuna mana rijsishca llajtaman ringuichij. Chaipimi cancunata p'iñajcunata servichishpa huatashcata shina charisha. Cancuna ñucata p'iñachishcamantaca, lunyacuj nina shinami huiñaita p'iñarircani ninmi.

JEREMÍAS 5:19

Chai punllacunapica: Ñucanchijta Mandaj Diosca ¿imamantataj ñucanchijtaca cashna llaquichinchu imamí? ningacunami. Chashna nijpica cashna ningui: Cancunallatajmari Mandaj Diosta saquishpa, cancunaman pai cushca llajtapi shujtajcunapaj dioscunata adorarcanguichij. Chai shinallatajmari cancunaca mana rijsishca runacunata servishpa paicunapaj llajtapi causagringuichij ningui” ninmi.