JEREMÍAS 2:13 - Dios Rimashca Shimicunami

¹³ Ñuca agllashcacunaca, ishqui jatun millaitami rurancuna: Puntaca causaita cuj yacu llujshicuj pugyu caj ñucatamari saquincuna. Chaimantaca yacu chaquijlla jutcucunatamari yacupaj rurancuna.

JEREMÍAS 2:13 Iomraidhean Croise

2 REYES 22:17

Paicunallataj ñucata saquishpa shujtajcunapaj dioscunaman cushpa inciensota rupachishpa, paicunapaj maquihuan tucui imatapish rurashpa ñucata yallitaj p'iñachishcamantaca cai llajtapi causajcunahuanca, ñucaca nina sindirij shinami yallitaj p'iñarircani. Chai ninaca manataj huañungachu.

SALMOS 36:9

Causaita cuj pugyu yacuca quiquinpimi. Quiquinpaj luzpimi luzta ricui tucunchij.

ECLESIASTÉS 1:14

Tucui chaicunata callarishpa yachashpami, inti achijyachicun pachapi imata rurashcapish yuyaita yanga shaicuchinalla cashcata ricurcani.

ECLESIASTÉS 1:2

Chai huillajca cashnami nirca: Tucui imapish yangallami, ima cashpapish yangataj yangami.

ECLESIASTÉS 12:8

Huillaj ñucami cashna nini: Cunanca tucui imapish yangataj yangallami ninimi.

ECLESIASTÉS 2:11

Chashna cushicushca q'uipami achca shaicuihuan ñuca imalla rurashcacunaca imapaj cashcata alli yuyarircani. Chashna yuyarishpami tucui chaicunaca yangalla cashcata ricurcani, yuyaita yanga shaicuchinallami cashca carca. Chashna cashcamantaca inti achijyachicun pachapica imapish yangallami.

ECLESIASTÉS 2:21

Shujcunaca alli yuyaihuan, alli ricushpa, alli yachaihuanmi imatapish rurancuna. Chaitaca manapish imata ruraj shujtajcunallami japincuna. Chaimanta, tucui ima rurashcapish yangallami. Chaipish shuj jatun llaquimari.

ECLESIASTÉS 2:26

Diosca paipaj ñaupajpi alli caj runallamanmi yachaitapish, alli yuyaitapish, cushicuitapish cun. Ashtahuanpish juchata rurashpa causaj runataca, achcata charinacunata jahuanpi jahuanpi tandashpa huaquichichun saquinllami. Chai huaquichishca charinacunataca paipaj ñaupajpi alli caj runapaj cachunmi, Diosca chashna ruran. Chashna cashcamantaca tucui imata rurashpapish, yuyaita yanga shaicuchishpallami causan.

ECLESIASTÉS 4:4

Shinallataj achcata trabajashpa, tucui imatapish alli rurajpica, shujtajcuna shungupi munana yuyaita japishpa p'iñaj cashcatapishmi ricurcani. Chashna tucuipi alli canapish, yuyaita yanga shaicuchinallami.

ISAÍAS 1:3

Huagrapish paipaj dueñota rijsinmi, burropish paipaj dueño rurashca corralta rijsinmi. Ashtahuanpish israelcunaca ñucapaj cashcataca mana entendincunachu. Ñuca agllashca israelcunaca ñuca paicunapaj dueño cashcataca mana rijsincunachu” ninmi.

ISAÍAS 1:4

¡Aij, juchasapa gentecunalla. Yallitaj millaita aparishcacunalla. Millaicunapaj huahua huahuacuna. Yallitaj millaita rurana yuyailla cajcuna! Mandaj Diostamari saquircacuna. Huashamanmari tigrarishcacuna. Israelpaj jucha illaj Diostamari jatunta p'iñachishcanguichij.

ISAÍAS 12:3

Cancunaca cushicushpami quishpichij pugyucunamanta yacuta huishichinguichij.

ISAÍAS 5:13

Ñuca agllashcacunaca manataj entendishcamantami, prezu apashca tucungacuna. Alli nishcacuna cashca cashpapish yaricaihuanmi huañucungacuna. Achcacunami yacunaihuan chaquicungacuna.

ISAÍAS 55:2

¿Ima nishpataj manapish micuna cajta randishpa cullquitaca tucuchinguichij? Cancuna trabajashcamanta japishcatapish yangapimari tucuchinguichij. Alli uyaichigari: Alli micunata micuichigari. Sumaj micunata micushpamari cancunapaj almaca cushijlla canga.

ISAÍAS 63:8

Paica: “Ñuca agllashca huahuacunaca mana llullajcunami” nishpaca, paicunata quishpichijmi tucurca.

JEREMÍAS 1:16

Cai tucui pueblocunapi causajcunatami, paicunallataj ñucata saquishpa millaita rurashcamantaca, chashna llaquichigrini. Paicunaca quiquin maquillahuantaj rurashca dioscunatamari inciensota rupachishpa adorarcacuna.

JEREMÍAS 14:3

Charijcunaca, cullqui jahua paicunata servijcunatami yacuman cachancuna. Paicunaca pugyuman chayashpapish, yacuta mana japishpami, chushaj puñucunahuan tigrancuna. Chaimantami yallitaj pingai tucushpa, llaquirishpa umata taparincuna.

JEREMÍAS 15:6

Shinallataj Mandaj Diosca cashnami nin: “Cancunamari ñucata shitashpa, huashata ricuchircanguichij. Chaimantami cunanca ñuca maquihuan huajtashpa tucuchigrini. Ña manataj llaquishpa ashtahuan charicushalla ninichu.

JEREMÍAS 17:13

Mandaj Dioslla, canmari israelcuna shunguta churana Dios cangui. Canta saquijcunaca tucuicunami pingai tucungacuna. Can Mandaj Diosca causaita cuj yacu llujshicuj pugyumari cangui. Canmanta anchurijcunaca ñutu allpapi quillcashca shinallami chingaringacuna.

JEREMÍAS 18:14

Líbano urcu jatun rumicuna jahuamantaca, ¿rasu ima horas anchurishcachu? Urcucunamanta chirijlla shamucuj yacucunaca ¿ima horas chaquirishcachu?

JEREMÍAS 19:4

Judá runacunamari ñucamanta anchurishpa, cai llajtatapish shujtajpaj maquipi churarcacuna. Paicunapish, paicunapaj ñaupa yayacunapish, Judá llajtata jatun mandajcunapish shujtajcunapaj dioscunamanmi inciensota cushpa rupachincuna. Shinallataj alli shungu runacunata huañuchishpapishmi, caipica yahuarta jichancuna.

JEREMÍAS 2:11

Shujtaj runacunapaj dioscunaca mana dioscunatajchu. ¿Shina cajpipish paicunapaj dioscunata shitashpa, shujtaj dioscunata catijta maipi ricushcanguichijchu? Ashtahuanpish ñuca agllashcacunaca paicunata sumajyachij Diosta saquishpamari, imata mana cuj dioscunata catincuna.

JEREMÍAS 2:17

¿Manachu cancunata Mandaj Dios ñanta pushacujpi, cancuna paimanta anchurishcamanta, cashna llaqui tucunguichij imashi?

JEREMÍAS 2:26

Chai juchamantaca, israelcunaca shuhua japi tucushpa pingai tucuj shinami pingai tucunga. Paicunata jatun mandajcunandij, paicuna churashca mandajcunandij, curacunandij, huillajcunandijmi pingai tucungacuna.

JEREMÍAS 4:22

Ñuca runacunaca alli yuyaihuan canapaj randica, imatapish mana uyashun nij rumi shungucunamari. Allitaca imata mana yachancunachu, millaita ruranapajtajcarinpish jatun yachajcunamari.

JEREMÍAS 5:26

Ñuca agllashcacunapurapimari, ñucata mana manchajcuna tiyan. Linchita churaj shinamari caishujcunataca tucuchincuna. Ima shinapish chapashpami, pitapish urmachincuna.

JEREMÍAS 5:31

Huillajcunapish, llullashpallami huillancuna. Curacunapish, paicuna munashca shinami yachachincuna. Ñuca agllashcacunapish chaitamari munancuna. Chashna cashcamantaca, llaqui chayamui punllaca ¿imatataj ruranguichigari?” ninmi.

EZEQUIEL 14:5

Rurashcalla dioscunata adorashpa, ñucamanta anchurij israelcunapaj shungupica ñucami yuyachisha.

EZEQUIEL 47:1

Chai q'uipaca ñucataca, Diospaj huasi pungumanmi tigrachishpa pusharca. Chaimantaca chai pungu umbral ucumanta yacu llujshicujtami ricurcani. Chai yacuca inti llujshin ladomanmi callpacurca. Diospaj huasipish inti llujshin ladollamantajmi shayacurca. Chai yacuca, Diospaj huasi alli lado altar uranijtami callpacurca.

MIQUEAS 2:8

Sarunman ñuca agllashcacunallatajmi, cunanca ñucata p'iñashpa llaquichingapaj jatarishcacuna. Macanacuj soldadocuna shinami, p'iñarishpa ñanta rijcunatapish jahua churanata quichurcanguichij.

MIQUEAS 6:3

Ñuca agllashcacunalla, ¿imata rurashpataj p'iñachircaniyari? Cancunata llaquichishca cajpica, rimaichigari.

ZACARÍAS 13:1

Chai punllapica, chuyajlla yacumi llujshinga. Chai chuyajlla yacupimi, Davidpaj huahua huahuacunapish, Jerusalén pueblopi causajcunapish paicunapaj juchacunatapish, mapayashcacunatapish maillaringacuna nircami.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 4:11

chai huarmica: –Amito, imahuan huishinatapish mana charinguica, pugyupish ucujtamari. ¿Maimantataj causaita cuj yacutaca cunguiyari?

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Juan 7:37

Fiesta tucuri jatun punllapimi, Jesusca shayarishpa sinchita cashna nirca: –Maijanpish yacunaihuan cashpaca ñucapajman shamushpa ubyaichij.

DEUTERONOMIO 31:16

Chaipimi Mandaj Diosca Moisestaca: “Riqui, canca ñami cambaj yayacunahuan samarigringui. Cai israelcunaca paicuna causagricun llajtaman rishpa chai llajtapi tiyaj shujtaj dioscunata catishpami chai dioscunahuan huainayangacuna. Chaipica ñucata mana valichishpami ñucamanta anchurishpa, ñuca paicunahuan ari ninacushcatapish p'aquingacuna.

2 Pedro 2:17

Chai yachachijcunaca, manapish yacu llujshicuj pugyucuna shinami. P'uyuta acapana apashca shinami. Chaicunapajca tucuita yalli amsami huiñaipaj ch'icanchishca tiyacun.

Apocalipsis 21:6

Chai q'uipaca cashnapishmi nirca: “Ñami tucuita rurani. Ñucaca callari A, tucuri Z shina callarichijpish, tucurichijpishmi cani. Maijanpish yacunachijmanca, causaita cuj yacu llujshicujtami ubyachun convidashpalla cusha.

Apocalipsis 22:1

Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.

JUECES 10:13

Chai jahuamari ñucamanta caruyashpa shujtajcunapaj dioscunapajta rurashcanguichij. Ñucapish cancunataca ña mana ashtahuan quishpichishachu.

1 SAMUEL 12:10

Chaimi paicunaca Mandaj Diostaca: “Baal dioscunapajta, Astarot dioscunapajta rurashpamari Mandaj Diosta saquishpa juchallishcanchij. Mandaj Dioslla cunanca ñucanchijta p'iñajcunapaj maquimanta quishpichihuai. Quiquinpajtami rurashun ninchij” nishpa caparishpa mañarcacuna.