JEREMÍAS 2:11 - Dios Rimashca Shimicunami

¹¹ Shujtaj runacunapaj dioscunaca mana dioscunatajchu. ¿Shina cajpipish paicunapaj dioscunata shitashpa, shujtaj dioscunata catijta maipi ricushcanguichijchu? Ashtahuanpish ñuca agllashcacunaca paicunata sumajyachij Diosta saquishpamari, imata mana cuj dioscunata catincuna.

JEREMÍAS 2:11 Iomraidhean Croise

1 REYES 11:33

Salomonca sidoniocunapaj Astoret huarmi diosta, moabitacunapaj Quemos diosta, amonitacunapaj Moloc diosta adorashpami ñuca chaitataj pajtachichun nishcata mana pajtachishpa, pajtachinguitaj nishcatapish mana pajtachirca. Paipaj yaya David maiman mana anchurishpa, purishca shinaca mana ñuca ñanpi purishpami ñucamanta anchurirca.

2 REYES 1:3

Chaimi Mandaj Diospaj angelca tisbita Eliastaca: “Jatari, Samaria pueblota jatun mandaj cachashca huillashpa purijcunahuan tupanaman huichiyashpa paicunataca: ¿Israelpica Dios mana tiyajpichu, Ecronpi causajcunapaj Baal-zebub diosta tapunaman ricunguichij?

2 CRÓNICAS 13:9

Cancunaca Aaronpaj huahua huahuapura curacunatapish, levitacunatapishmi cancunapaj llajtamanta llujshichishpa cacharcanguichij. Mandaj Diospajta ruraj curacunata, levitacunata chashna llujshichishpa cachashpaca, shujtaj llajta runacuna shinallatajmari chai dioscunapaj curacuna cachun pitapish churashcanguichij. Maijanpish shuj bizita, canchis carnerocunata cushpa, chai manapish dios cajcunapaj curacuna tucunaman shamuchunmari chashna ruranguichij.

SALMOS 106:20

Sumaj jatun Diosllata yuyarinapaj randica, q'uihuata micuj huagraman rijchajta rurashpami adorarcacuna.

SALMOS 115:4

Paicunapaj dios nishcacunaca cullquihuan, curihuan rurashcallacunamari. Runacunapaj maquihuan rurashcallamari.

SALMOS 3:3

Ashtahuanpish can Mandaj Diosmi ñuca muyundijta escudo shina cangui. Canmi ñucata jatunyachingui, canmi ñucata jatarichingui.

ISAÍAS 37:19

Paicunapaj dioscunataca ninapimi rupachircacuna. Chaicunaca mana diostaj cajpi, ashtahuanpish runacuna rurashca caspi dioscuna, rumi dioscuna, cajllapimi cashna chingachircacuna.

JEREMÍAS 16:20

¿Pitaj pai quiquinpaj shuj diostatajca rurai tucungari? Paicuna rurashcacunaca, mana dioscunatajchu” ningacunami.

JEREMÍAS 18:13

Chaimantami Mandaj Diosca cashna nirca: “Israelcunaca pi c'arita manaraj rijsij soltera shina cashpapish, mancharina jatun millaitamari rurashca. Maipi chashna millaicuna tiyajta uyashcacunachu imamí, shujtaj llajtacunapi causajcunata tapuichigari.

JEREMÍAS 2:5

Mandaj Diosca cashnami nin: “¿Cancunapaj yayacunaca ñuca ima mana allita rurajta ricushpataj ñucamanta anchurishpa, imatapish mana rurai tucuj, yanga dioscunata catishpa, yangacuna tucurcari?

JEREMÍAS 2:8

Curacunapish: ¿Mandaj Diosca maipitagari? ninallatapish mana yuyarircacunachu. Ñuca mandashcacunata charijcunallatajmi ñucataca mana rijsircacuna. Michijcunapish ñucata c'ariyancunami, ñucamanta huillajcunapish Baalpaj shutipimi imatapish huillancuna. Chashna rurashpami imata mana rurai tucuj, yanga dioscunata catincuna” ninmi.

JEREMÍAS 5:7

“Paicunapaj huahuacunapish ñucamanta anchurishpami, manapish Dios cajta ñucanchij Dios nincuna. Ñuca paicunaman sajsajta carashpa charijpica, ashtahuanpish paicunaca chai dioscunahuanmari huainayancuna. Tandanacushpamari huainayaj huarmicunapaj huasiman rincuna. Chai juchamantaca ¿maitataj mana ima nishpa saquishallari?

EZEQUIEL 14:5

Rurashcalla dioscunata adorashpa, ñucamanta anchurij israelcunapaj shungupica ñucami yuyachisha.

EZEQUIEL 5:7

Chaimantami Mandaj Diostaj cashna nini: Cancunapaj muyundij llajtacunapi causajcunatapish yalli millaita rurashpamari, ñuca mandashcacunatapish mana cazurcanguichij. Ñuca yachachishcacunatapish manamari huaquichircanguichijchu. Cancunapaj muyundij llajtacunapi charishca mandashcacuna shinallapish, manamari causarcanguichijchu.

MIQUEAS 4:5

Shujtajcuna, paicunapaj quiquin dioscunallata cazushpa causacujpipish, ñucanchijca ñucanchijta Mandaj Taita Diosllatami huiñai huiñaita cazushpa causashun.

Romanos 1:23

Chaimi mana huañuj Taita Diostaca, huañujlla runacunaman, pajarocunaman, chuscu chaquiyujcunaman, huijsahuan llucajcunaman rijchajta rurashpa adorarcacuna.

1 Corintios 8:4

Rurashcalla dioscunaman rupachinapaj cushca micuicunamantaca caitami yachanchij. Rurashcalla diosca cai pachapica, ima mana canchu. Shujlla Diosmi tiyan.

Gálatas 4:8

Ñaupaca, Diosta manaraj rijsishpaca, manapish dioscunapajtami rurajcuna carcanguichij.

DEUTERONOMIO 32:16

Paicunaca shujtaj dioscunapajman rishpami yallitaj p'iñachircacuna. Millananacunata rurashpami p'iñachircacuna.

DEUTERONOMIO 32:21

Paicunaca manapish dios cajta mañashpami ñucataca yallitaj p'iñachircacuna. Paicunapaj rurashcalla dioscunata cungurishpami ñucataca p'iñachircacuna. Ñucapish paicunataca manapish ñucapaj cajcunahuanmi llaquichisha. Ch'ahuan runacunahuanmi llaquichisha.

DEUTERONOMIO 33:29

Israel, canca cushijllami cangui. Shujtaj llajtacunaca mana cancunata shina Mandaj Dios quishpichishcaca tiyanchu. Paica canta pacaj escudomi. Can mishana espadami. Canta p'iñajcunaca cumuringacunami. Paicunapaj lomacunapi tiyaj altarcunatapish canmi sarungui” nircami.

1 Pedro 1:18

(Cancunapaj ñaupa yayacunamanta chasquishca yangalla causaimantaca Diosmari cancunataca llujshichirca) Mana ismuj curihuan, cullquihuanchu llujshichirca, chaitaca yachanguichijmi.

1 SAMUEL 4:21

“Taita Diospaj arcata quichujpi Diospaj sumaj cana israelcunamanta anchushcamanta, paipaj suegropish, paipaj cusapish huañushcamantami” chai huahuataca Icabodta shutichirca.