JEREMÍAS 19:8 - Dios Rimashca Shimicunami

⁸ Cai pueblotaca tucuicuna mancharinatapish, chanzata rurashpa asinatapishmi rurasha. Pipish caita pasacushpa, cai pueblo tucui urmashca siricujta ricushpaca mancharingapish, chanzata rurashpa asingacunapishmi.

JEREMÍAS 19:8 Iomraidhean Croise

1 REYES 9:8

Cai huasica sumaj nishca cashca cashpapish, llaquinayaj siricujta ricushpaca, maijanpish chaita pasajca mancharishpa asishpami: ¿Ima nishpashi Mandaj Diosca cai llajtatapish cai huasitapish chashna rurarca? ningacunami.

JEREMÍAS 18:16

Paicunallataj chashna rurashcamantami, paicunapaj llajtaca shitashca saquiringa. Tucuicuna asina llajtatamari rurancuna. Maijanpish cai llajta ñanta pasacushpaca, mancharishpa umata cuyuchishpami ringacuna.

JEREMÍAS 25:18

Puntaca Jerusalenpi, Judá llajtapi caj tucui caishuj pueblocunapi causajcunaman, paicunata jatun mandajcunamanpish, caishuj mandajcunamanpish ubyachishpami, jatun llaquipi churarcani. Chaita ubyashpami, chanzata rurashpa asina, shujtajcunatapish paicuna shina tucushca alli cachun nishca canapaj saquirircacuna. Cunancamami chashna causacuncuna.

JEREMÍAS 49:13

Ñucatajmi Bosra pueblota tucui urmachishpa, shujtajcunapish chai shina tucushca alli cachun nina, shitashcata saquinata yuyarircani. Chaimantami jatun llaqui tucushpa saquiringa. Chai muyundij tucui caishuj pueblocunapish, huiñaipajmi urmachishca saquiringa” ninmi.

JEREMÍAS 50:13

Mandaj Diostajmi jatunta p'iñarishpa llaquichigrini. Chai tucui llajtami shitashca saquiringa. Shujllapish mana causaj saquiringachu. Maimantapish Babilonia llajtata pasacushpaca, llaquinayaj siricujta ricushpa mancharingacunami. Chanzata rurashpa asingacunapishmi ninmi.

EZEQUIEL 27:36

Shujtaj pueblomanta c'atujcunapish, can llaqui tucushcata ricushpaca silbangacunami, canca jatun mancharinami tucungui, huiñaipajmi chingaringui” nircami.

LEVÍTICO 26:32

Llajtatapish chushajllatami saquisha. Chaita ricushpami cancunata p'iñajcuna chai llajtapi causangapaj shamushcacunapish mancharinacungacuna.

MIQUEAS 6:16

Canca Omri mandashcacunallatami cazurcangui. Acabpaj familiacuna imata rurashcatami catircangui. Paicuna mandashcacunatapish, cunashcacunatapishmi rurarcangui. Chaimantami cantaca llaquinayajta saquisha. Caipi causajcunapish chanzata rurashpa asinami cangacuna. Chaimanta ñuca agllashcacunapaj llaquitami apanguichij” ninmi.

SOFONÍAS 2:15

Chai puebloca, imata mana manchashpa, cushicushpami causarca. Chaipi causajcunaca, paicunapaj shungupica: “Ñucanchijllamari cashna jatunca canchij” nijcunami carca. ¡Riquichigari, ima shinami sacha animalcuna causanapaj shitashca saquirishca! Chashna tucushcamantaca, maijanpish chai c'uchullata purijcunaca maquipi huajtarishpami asingacuna.

DEUTERONOMIO 28:37

Mandaj Dios cancunata apashca llajtacunapica cancunaca mancharishpa yuyanami tucunguichij, yuyachij shimicunahuan parlana, chanzata rurashpa asinami tucunguichij.

DEUTERONOMIO 29:22

Cancunapaj huahua huahuacunapish paicunapaj q'uipa huahua huahuacunapish, shujtaj caru llajtacunamanta shamuj shujtaj runacunapish Israel llajtapica jatun llaquicunahuan, ungüicunahuan Mandaj Dios llaquichicujta ricushpami cashna ningacuna: