JEREMÍAS 19:7 - Dios Rimashca Shimicunami

⁷ Chai pambapimi Judá llajtapi causajcuna, Jerusalenpi causajcuna imata yuyarinacushcataca chingachisha. Paicunata p'iñashpa huañuchingapaj shamuj runacunapaj maquipi churashpami, espadahuan huañuchichisha. Chai huañushca aichacunataca huairata purij pajarocunaman, sachapi causaj animalcunamanmi carasha.

JEREMÍAS 19:7 Iomraidhean Croise

2 REYES 21:14

Ñuca agllashcacunataca puchurijpipish paicunata p'iñajcunapaj maquipi churashpami, paicuna mirga mirgata rurashpa shitachun saquisha.

PROVERBIOS 21:30

Ima alli yachaipish, alli yuyaipish, alli cunashcapish Mandaj Diospaj munaitaca mana shujtajyachi tucunchu.

ISAÍAS 29:14

Chaimanta cutinllatajmi jatun milagrohuan, mancharinahuan cai gentecunataca manchachisha. Chaimi yachai sapacunapaj yachaica chingaringa. Yuyai sapacuna entendij cashcapish mana entendijmi tucunga” ninmi.

ISAÍAS 8:10

Imalla ruranacunata yuyarinacucuichijllatagari. Chaicunatapish chingachishcami canga. Alli parlanacucuichijllatagari, chaipish yangallami canga. Diosca ñucanchijhuanmari.

JEREMÍAS 15:2

¿Maimantaj rishunri? nijpica, cashna ningui: Mandaj Diosca cashnami nin: Ungüihuan huañuna tiyacujcunaca, ungüihuan huañugrichijlla. Espadapi huañuna tiyacujcunaca, espadapi huañugrichijlla. Yaricaihuan huañuna tiyacujcunaca, yaricaihuan huañugrichijlla. Prezu apana tiyacujcunaca, prezu richijlla ninmi ningui” nircami.

JEREMÍAS 15:9

Canchis churicunayuj huarmipish pingai tucushpa shungu p'aquirircani. Inti jahuaman cajpirajmi, paipajca ña tutayashca shina carca. Imata mana rurai tucushpa musparircani. Paipaj churicunamanta saquirishcacunatapish paicunata p'iñajcuna espadahuan huañuchichunmi, paicunapaj maquipi churasha” ninmi Mandaj Diosca.

JEREMÍAS 16:4

Mancharina ungüicunahuanmi huañungacuna. Paicunamantaca pi mana huacangachu, mana pambangacunallapishchu. Majada shinallami allpa jahuapi shitashca siringacuna. Shinallataj espadahuanpish, yaricaihuanpishmi huañungacuna. Paicunapaj aichacunaca huairata purij pajarocunapaj, sacha animalcunapaj micunami canga” nircami.

JEREMÍAS 18:21

Chaimanta cunanca paicunapaj huahuacunataca, espadahuan manchachishpa caita chaita cachashpa, yaricaihuan huañuchun saquiyari. Cazarashca runacunatapish, manaraj casarashcacunatapish espadahuan huañuchichun saquiyari. Chashna rurashpa paicunapaj huarmicunataca cusapish, huahuacunapish illajta saquiyari.

JEREMÍAS 21:7

Chai q'uipaca, Judá llajtata jatun mandaj Sedequiastapish ungüipi, espadapi, yaricaipi mana huañushpa, cai pueblopi causacujraj paita servijcunatapish, Babilonia llajtata jatun mandaj Nabucodonosorpaj maquipimi churasha. Paicunata p'iñashpa huañuchingapaj shamushca chai mandajpaj maquipi churajpica, espadahuanmi huañuchichinga. Paica pita mana llaquingachu, pimanta mana nanaringachu. Japishcahuan huañuchingallami ninmi nigrichij ningui.

JEREMÍAS 22:19

Sirijta aisashpami, Jerusalenmanta canllaman llujshichishpa shitangacuna. Huañushca burrocunata shitana jutcupimi shitangacuna” ninmi.

JEREMÍAS 22:25

Cantaca huañuchingapaj shamujcunapaj maquipimi churagrini. Babilonia llajtata jatun mandaj Nabucodonosorpaj ñahuipi, paipaj caldeo soldadocunapaj ñahuipi ricurinataca manchaihuan huañucunguimi. Ashtahuanpish chaicunapaj maquipitajmi cantaca churagrini.

JEREMÍAS 32:28

Chaimantami Mandaj Diosca cashna nini: Ñucatajmi cai pueblotaca caldeocunata mishachishpa, Babilonia llajtata jatun mandaj Nabucodonosorpaj maquipi churagrini. Paimi cai pueblotaca japinga.

JEREMÍAS 34:20

Paicunata p'iñashpa huañuchishun nicujcunapaj maquipimi churagrini. Paicunapaj huañushca aichacunataca, huairata purij pajarocuna, sacha animalcunami micunga.

JEREMÍAS 46:26

Babilonia llajtata jatun mandaj Nabucodonosormi, paicunata p'iñashpa huañuchingapaj shamunga. Paipaj maquipipish, paita servij mandajcunapaj maquipipish churashpami tucuchisha. Shina cashpapish q'uipataca, ñaupaman shinallatajmi cai llajtapica causangacuna ninmi Mandaj Diosca.

JEREMÍAS 7:33

Cai runacuna huañushca aichacunataca pi mana pambaipaj tiyajpimi, huairata purij pajarocuna, sacha animalcuna micunga. Chai animalcunata manchachijllapish, pi mana tiyangachu.

JEREMÍAS 8:2

Chai tullucunataca intipish, lunapish, jahua pachapi tiyaj tucui luzerocunapish yurajyachishca sirichunmi shitangacuna. Paicuna causacushpaca chaicunatami c'uyarcacuna, chaicunatami servircacuna, chaicunatami catircacuna, chaicunatami cungurishpa imatapish tapujcuna carca. Pi mana pallashpa pambangacunachu. Ashtahuanpish majada shinami allpa jahuapi siringa.

JEREMÍAS 8:8

Chashna cashca jahuaca ¿ima nishpataj cancunaca: Ñucanchijca jatun yachajcunami canchij. Mandaj Dios mandashcataca ñucanchijmari charinchij ninguichigari? Chai shimicunataca quillcajcunamari llullahuan mirachishpa quillcashcacuna.

JEREMÍAS 8:9

Ñuca, Mandaj Diospaj shimita p'iñajcunaca ¿ima jatun yachajcunatagari? Chai yachajcunaca jatunta pingarishpa mancharishpa, upayashpami saquiringacuna.

LAMENTACIONES 3:37

Jatun Dios manapish mandajllapitaj imapish tucunllami nishpaca, ¿pitaj ni tucungari?

LEVÍTICO 26:17

Ñucapish cancunataca p'iña ñahuihuanmi ricusha. Cancunata p'iñajcunapaj ñaupajpimi chugrichishcacuna canguichij. Cancunata p'iñajcunami cancunataca mandanga. Pi mana caticujpipish miticushpami callpanguichij.

LEVÍTICO 26:25

Ñucahuan ari ninacushcata p'aquishcamanta cancunata llaquichij cachunca, cancunata p'iñajcunatami macanacushpa huañuchichun pushamusha. Paicuna mishajpi cancunapaj pueblocunapi miticujpipish, cancunaman llaquichij ungüita cushpami cancunata p'iñajcunapaj maquipi churasha.

Romanos 3:31

Shina cajpica ¿crishcamantaca Mandashcatachu yangata ruranchij? ¡Manataj chashnachu! Ashtahuanpish Mandashcataca, maipi alli canapimi ruranchij.

Romanos 4:14

Mandashcata pajtachijcunalla japina cashcata japijcuna cajpica, crishcapish yangallami canman, Dios convidashallami nishcapish mana convidashcallachu canman.

1 SAMUEL 17:46

Mandaj Diosmi cantaca ñuca maquipi churanga. Chaimi ñuca mishashpa cambaj umata p'itisha. Cunanllatajmi cambaj cuerpota, filisteocunapaj cuerpotapish jahuata purij pajarocunaman, pambata purij animalcunaman carasha. Chaipimi tucui cai pachapi causajcunaca Israelpi Taita Dios tiyashcata yachangacuna.