JEREMÍAS 19:3 - Dios Rimashca Shimicunami

³ Cashna ningui: Judá llajtata jatun mandajcunapish, Jerusalenpi causajcunapish Mandaj Dios rimashcata uyaichigari. Tucuita Mandaj, can israelcunapaj Diosca cashnami nin: Cai llajtamanca jatun llaquitami cachagrini. Chai llaquita uyajcunaca, rinrinta nanachingacunami.

JEREMÍAS 19:3 Iomraidhean Croise

SALMOS 102:15

Llajtacunaca Mandaj Diospaj shutitaca manchangacunami. Tucui cai pacha jatun mandajcunami quiquin jatun mandajtaca paimi jatun mandaj ningacuna.

SALMOS 110:5

Jatun Diosca quiquinpaj alli ladopimari. Pai p'iñari punllapica jatun mandajcunataca ñutungamari.

SALMOS 2:10

Cunanca jatun mandajcuna alli yuyaita japichij. Cai pacha juezcunapish ñuca cunashcata uyaichij.

ISAÍAS 28:19

Chai yacu jundai shamui callarishpaca cancunataca llaquichicungallami. Tucui tutamantacunami llaquichicungalla. Punllapish tutapish llaquichicungallami. Chaita uyashpa entendishpaca yallitaj mancharinami canga.

JEREMÍAS 13:18

Jatun mandajtapish, jatun mandajpaj mamatapish cashna ni: Cancuna jatun cashcata ricuchij coronaca, cancunapaj umamanta pambaman urmashcami. Cunanca jatun tiyanamanta uriyashpa, pambapi tiyarishpa huacaichijlla.

JEREMÍAS 17:20

Chaicunapi shayarishpaca cashna ningui: Judá llajtata jatun mandajcunapish, tucui Judá llajta runacunapish, tucui Jerusalenpi causajcunapish, tucui cai punguta yaicujcunapish, Mandaj Dios rimashcata uyaichij.

JEREMÍAS 18:11

Chashna cashcamantaca cunanca tucui Judá runacunatapish, Jerusalenpi causajcunatapish cashna ni: Mandaj Diosca cashnami nin: Ñucaca cancunata llaquichinatamari yuyarircani. Ñamari alli yuyarishcata charicuni. Ama chaita rurachunca, tucuicuna millai causaita saquishpa cutirichigari. Allita rurai callarichigari ninmi nigri” nircami.

JEREMÍAS 19:15

“Tucuita Mandaj, can israelcunapaj Diosca cashnami nin: Ñucaca cai pueblopajpish, tucui caishuj pueblocunapajpish jatun llaquitami apamusha nircanimi. Ñami chai llaquitaca apamugrini. Chai pueblocunapi causajcuna rumi shungu tucushpa, ñuca imata rimajpipish manataj uyashcamantami, chashna llaquichigrini ninmi” nircami.

JEREMÍAS 25:29

Ñucapajlla ch'icanchishca pueblopi causajcunatarajmi llaquichi callarirca. ¿Ashtahuanpish cancunatachu saquingami yuyanguichij? Cai llaquimantaca pi mana saquiringuichijchu. Tucui cai pachapi causajcunatami espadahuan huañuchigrini ninmi tucuita Mandaj Diosca ningui.

JEREMÍAS 35:17

Cancuna chashna cashcamantaca tucuita Mandaj, israelcunapaj Diosca cashnami nin: “Ñuca rimashcataca cai Judá llajtapi causajcunapish, Jerusalenpi causajcunapish manataj uyancunachu, cayajpipish manataj cutichincunachu. Chaimanta paicunapajca, ñuca imalla llaquicunata apamusha nishcatami apamugrini” ninmi.

JEREMÍAS 44:3

Chai pueblocunapi causajcunamari paicunapish, cancunapish, cancunapaj ñaupa yayacunapish mana rijsishca, shujtajcunapaj dioscunaman inciensota cushpa adorarcacuna. Chashna millaita rurashpami, ñucataca yallitaj p'iñachircacuna. Chaimantami chai jatun llaquicunata cacharcani.

JEREMÍAS 6:19

Tucui cai pachapi causajcunapish uyaichij: Cai runacunapajca jatun llaquitami apamugrini. Paicunallataj ñuca rimashcata mana uyashun nishpa, ñuca mandashcacunata p'iñashpa millaita rurashcamantami, paicuna japina cashcata cugrini.

EZEQUIEL 7:5

Mandaj Jatun Diostajmi cashna nini: Riqui, jatun llaquimari chayamugrin, jatun llaquimari chayamugrin.

Mateo 10:18

Llajtata mandajcunapaj ñaupajman, jatun mandajcunapaj ñaupajmanpishmi ñucata caticushcamantaca apashca canguichij. Jatun mandajcunamanpish mana israelcunamanpish ñucamanta huillachunmi chashna apashca canguichij.

Apocalipsis 2:29

Rinrinta charijca, tandanacushca crijcunaman Diospaj Espíritu huillashcata uyachun nishpa quillcai” nircami.

1 SAMUEL 3:11

Chaimi Mandaj Diosca Samueltaca: –Cai israelcunapurapica mancharinatami ruragrini. Chaita uyajcunapajca ishquindij rinrincunapimi uyaricujlla shina saquiringa.