JEREMÍAS 19:2 - Dios Rimashca Shimicunami

² Chaimantaca inti llujshin ladopi caj pungu uranijman, Hinompaj churipaj pugru pambaman pushangui. Paicunamanca chaipi ñuca imata huillachun nishcata huillangui.

JEREMÍAS 19:2 Iomraidhean Croise

2 REYES 23:10

Josiasca, Hinompaj churipaj pugru pambapi tiyaj Tofet altartapishmi yangata rurarca. Pi ama paicunapaj churita cashpa ushushita cashpa Moloc Diosman cushpa ña ama rupachichunmi chashna rurarca.

2 CRÓNICAS 28:3

Chai rurashcalla dioscunaman cushpami, Hinompaj churicunapaj pambapi inciensota rupachij carca. Israelcunata cai llajtapi churangapaj Mandaj Dios cai llajtamanta anchuchishca gentecuna millanana ruranacunata ruraj cashca shina rurashpami paicunapaj churita rurashcalla diosman cushpa rupachircacuna.

2 CRÓNICAS 33:6

Manasesca, rurashcalla dioscunaman paipaj churicunata cushpami, Hinompaj churipaj pugru pambapi rupachirca. Imalla punllacunapi imalla tucunata yachajpish, adivinajpish, adivinocunata tapujcunapish, muspachij yumbucunata tapujpishmi carca. Mandaj Diospaj ñaupajpi chashna jatun millaita rurashpami, Diostaca yallitaj p'iñachirca.

NEHEMÍAS 3:29

Paicuna pircashca c'uchumanta shuj mirgataca, Imerpaj churi Sadocmi, paipaj huasi derechocama pircarca. Pai pircashca c'uchumanta shuj mirgataca, Secaniaspaj churi Semaiasmi pircarca. Secaniasca Inti llujshin ladoman caj pungupi cuidajmi carca.

JEREMÍAS 1:7

Shina nijpipish, Mandaj Diosca cashnami nirca: “Imata rurachun ñuca cachajpipish, canca ruragringuillami. Ñuca imata huillagrichun nijpipish huillanguillami.

JEREMÍAS 11:6

Chashna nijpica, Mandaj Diosca cashnami nirca: “Cai shimicunataca Judá llajtapi tucui causajcunamanpish, Jerusalenpi causajcunamanpish callecunapi cashna huillagri: Dioshuan ari ninacushca cai shimicunata uyashpa, chai shina causaichij.

JEREMÍAS 18:2

“Jatari, allpa mangata ruraj runapaj huasiman ri. Chaipimi canmanca ñuca imata huillachun nishcata huillagrini” nircami.

JEREMÍAS 26:2

“Mandaj Diostajmi cashna mandani: Ñuca huasimanca tucui Judá llajtapi tiyaj pueblocunamantami adorangapaj shamuncuna. Tucui shamujcunaman ñuca imallata huillachun nishcata, ñuca huasi ñaupajpi shayarishpa huillagri. Imata mana saquishpa tucuitataj huillangui.

JEREMÍAS 3:12

Chashna cashcamantaca, janaj lado llajtata ricushpa cashna caparigri: Mandaj Diosca cashnami nin: Mana cazuj Israel huarmilla, ñucapajman tigrari. Ñucaca ña mana ashtahuan p'iñarishpa llaquichishachu. Ñucaca llaquij Diosmari cani, mana huiñaita p'iñalla cashachu ninmi Mandaj Diosca.

JEREMÍAS 32:35

Hinompaj churipaj pugru pambapipish Baalpaj altarcunata rurashpamari, tucui Judapi causajcunata juchata rurachircacuna. Chaicunapimi paicunapaj churicunata, ushushicunata Molocman cushpa rupachincuna. Chaita rurachunca, shuj shimillatapish mana mandashcanichu. Chashna millaita paicuna ruranataca mana yuyashcanillapishchu” ninmi.

JEREMÍAS 7:2

“Ñuca Mandaj Diospaj huasi pungupi shayarishpa, cashna nishpa cai shimicunata huillagri: Judá llajtapi causajcuna, cancunaca tucuicunami cai punguta yaicushpa, Mandaj Diostaca adoranguichij. Cunanca pai Mandaj Dios ima nishcata uyaichigari.

JONÁS 3:2

“Jatari, Nínive puebloman ri. Chai jatun pueblopi causajcunaman ñuca imallata huillai nishcata huillagri” nircami.

Mateo 10:27

Cancunaman tuta yachachishcataca punlla huillanguichij. Rinrinllapi huillashcataca, huasi jahuamanta caparishpa huillanguichij.

Hechos 20:27

Taita Dios imallata munashcataca, mana pacashpami tucuita huillarcani.

Hechos 5:20

“Richij, Taita Diospaj huasipi shayarishpa, ima shina mushuj causaiyuj tucunata huillaichij” nirca.

JOSUÉ 15:8

Chai lindeca Hinompaj churipaj pugru pambata huichi rishpami, Jebuseocuna causacun Jerusalén ura ladota pasan. Chaimantaca Hinompaj churipaj pugru pamba ch'imbapurapi tiyaj urcu puntatami huichiyan. Chai urcuca inti huashicun ladoman caj Refaim pugru pamba jahua ñan ladomanmi.