JEREMÍAS 19:11 - Dios Rimashca Shimicunami

¹¹ Chaimantaca cashna ningui: Tucuita Mandaj Diosca cashnami nin: Caipi causajcunatapish, cai pueblotapish chashnallatajmi ñutugrini. Allpa mangata maijan runa p'aquishca shina mana cutin allichi tucuipajtami saquigrini. Huañushcacunatapish mana maipi pambana tiyajpimi, chai Tofet pambapi shitangacuna.

JEREMÍAS 19:11 Iomraidhean Croise

SALMOS 2:9

Paicunataca fierro varahuan p'aquingui. Allpa mangata shina ñutungui” ninmi.

PROVERBIOS 6:15

Chashna millai runataca ñapish jatun llaquicuna japingallami. Pi mana ayudaipaj jatun llaqui tucushpami, cungaimanta chingaringa.

ISAÍAS 30:14

Chai pataca allpamanta imata ruraj rurashca vasota ñutuj shinami ñutunga. Mana llaquishpami ñutuchinga. Allpa vaso ñuturijpica, tullpamanta nina brazusta surcungapaj shuj mirgallapish mana saquirinchu. Mana cashpaca pugyumanta yacuta surcungapaj shuj mirgallapish mana saquirinchu” ninmi.

JEREMÍAS 13:14

Chaimantaca puñucunata paicunapurallatataj tacashpa ñutuj shinami llaquichigrini. Yayacunatapish, huahuacunatapish mana llaquishpami ñacachigrini. Shujllatapish mana perdonashpa, tucuicunatami llaquichisha ninmi ningui” nircami.

JEREMÍAS 19:12

Ñucaca cai pueblollatataj Tofet huaicuta shina rurashpami, caipi causajcunataca chashna llaquichigrini.

JEREMÍAS 19:6

Chaimantami cai pambataca Tofet shuti pugru pamba, mana cashpaca Hinom runapaj churipaj pugru pamba ninapaj randica, jatun Huañui Pamba nina punlla chayamugrin.

JEREMÍAS 25:34

Michijcuna, caparirishpa huacaichigari. Oveja canllacunata pushajcuna, llaquirishpa allpapi singuichigari. Cunan punllami cancunataca cungata p'itishpa, tsirapana pajtashca. Sumaj vasota p'aquishca shinami saquiringuichij.

JEREMÍAS 48:38

Mandaj Diosca cashnami nin: “Ñucami Moab llajtataca yalli maucayashca puñuta ñutuj shina llaquichisha. Chaimantami Moab runacunaca tucui huasi jahuacunapipish, callecunapipish caparirishpa huacangacuna” ninmi.

JEREMÍAS 51:63

Cai quillcata ña tucui rezashca q'uipaca, shuj rumipi huatashpa, Éufrates yacu chaupipi shitangui.

LAMENTACIONES 4:2

Siónpi causajcunaca, imahuan mana chagru curitapish yalli munashca c'uyashcamari carca. Cunanca, mangata ruraj rurashca allpa mangata shinallamari yangata ruran.

Hechos 21:11

Pai ñucanchijta ricunaman shamushpaca, Pablopaj chumbillinata japishpami, paipaj quiquin chaquita maquita huatarishpaca: –“Cai chumbillinayujtaca Jerusalenpimi judiocunaca, cashna huatashpa mana judiocunapaj maquipi cungacuna” ninmi jucha illaj Espirituca– nishpami huillarca.

Apocalipsis 2:27

Ñuca Yaya ñucata mandajta rurashca shinallatajmi, paicunaca llajtacunataca allpa mangata ñutuj shina fierro varahuan mandanga.