JEREMÍAS 19:1 - Dios Rimashca Shimicunami

¹ Mandaj Diosca cashnami nirca: “Allpa mangata rurajpajman rishpa, shuj puñuta randigri. Chai q'uipaca Jerusalenpi causajcunata cunaj yuyajcunamantapish, curacunata cunaj yuyajcunapuramanta maijancunatapish cayangui.

JEREMÍAS 19:1 Iomraidhean Croise

2 REYES 19:2

Ezequiasca mayordomo Eliaquimtapish, quillcaj Sebnatapish, curacunata pushaj curacunatapish cañamazuta churarishcacunatami, Amozpaj churi profeta Isaiaspajman richun cacharca.

ISAÍAS 30:14

Chai pataca allpamanta imata ruraj rurashca vasota ñutuj shinami ñutunga. Mana llaquishpami ñutuchinga. Allpa vaso ñuturijpica, tullpamanta nina brazusta surcungapaj shuj mirgallapish mana saquirinchu. Mana cashpaca pugyumanta yacuta surcungapaj shuj mirgallapish mana saquirinchu” ninmi.

JEREMÍAS 13:1

Mandaj Diosca ñucataca: “Ri, shuj lino chumbita randishpa chumbilligri. Chai chumbitaca ama yacupi satinguichu” nirca.

JEREMÍAS 26:17

Paicuna chashna nijpica, Judá llajtapi causajcunata cunaj yuyajcunamanta maijancuna jatarishpami, chaipi tucui tandanacushca cajcunataca cashna nircacuna:

JEREMÍAS 32:14

Tucuita Mandaj, israelcunapaj Diosca cashnami nin: C'atushcata ricuchij cai sellashca quillcatapish, cai pascashca quillcatapish japishpa, unicama huaquichishca tiyachun allpa mangapi churai.

LAMENTACIONES 4:2

Siónpi causajcunaca, imahuan mana chagru curitapish yalli munashca c'uyashcamari carca. Cunanca, mangata ruraj rurashca allpa mangata shinallamari yangata ruran.

EZEQUIEL 4:1

Huañujlla aichayuj runa, shuj adobillota japishpa cambaj ñaupajpi churangui. Chai jahuapica, Jerusalén pueblotajllata rurangui.

EZEQUIEL 5:1

“Huañujlla aichayuj runalla, canca barbasta p'ichana navajapaj randica, filosapa cuchillota japishpa, uma ajchatapish barbastapish p'icharingui. Chai q'uipaca balanzata japishpa, chai rutushca ajchata pizashpa chaupingui.

EZEQUIEL 9:6

Ñucapajlla huasipi causajcunamanta callarishpaca yuyajcunatapish, mosocunatapish, solteracunatapish, huahuacunatapish, huarmicunatapish shujllapish ama saquirichun tucuicunata huañuchinguichijlla. Ashtahuanpish señalta charijcunapajmanca, ama c'uchuyanguichijchu” nircami. Shina nijpimi, Diospaj huasi ñaupajpi caj cunaj yuyajcunamanta callarishpa huañuchircacuna.

NÚMEROS 11:16

Chaimi Mandaj Diosca, Moisestaca: –Israelcunata cunaj yuyajcunapuramanta canchis chungata tandachi. Paicunataca alli cunajcunata, alli pushajcunata canmi yachangui, chaicunata tandachi. Paicunataca Dioshuan tupanacuna carpa huasi punguman pushamushpa chaipi candij shuyanguichij.

Mateo 26:3

Chai punllallatajmi curacunata mandajcuna, mandashcacunata quillcajcuna, israelcunapaj cunaj yuyajcunapish, curacunata jatun mandaj Caifás curapaj huasi canllapi tandanacurcacuna.

Mateo 27:1

Ña pacarijpimi, curacunata mandajcunapish, israelcunapaj cunaj yuyajcunapish tucuicuna Jesusta huañuchingapaj, shuj yuyailla tucurcacuna.

Hechos 21:11

Pai ñucanchijta ricunaman shamushpaca, Pablopaj chumbillinata japishpami, paipaj quiquin chaquita maquita huatarishpaca: –“Cai chumbillinayujtaca Jerusalenpimi judiocunaca, cashna huatashpa mana judiocunapaj maquipi cungacuna” ninmi jucha illaj Espirituca– nishpami huillarca.

2 Corintios 4:7

Tucuita rurai tucunaca Diosmanta shamuj cashcata, mana ñucanchijmanta cashcata ricuchingapajmi, cai sumaj allitaca allpa vasocuna shinalla ñucanchij cuerpopi charicunchij.