JEREMÍAS 18:9 - Dios Rimashca Shimicunami

⁹ Huaquinpica maijan runacunataca, llajtata rurashpa shayachinatami yuyarini.

JEREMÍAS 18:9 Iomraidhean Croise

ECLESIASTÉS 3:2

Huacharinapajpish, huañunapajpish, tarpunapajpish, tarpushcata aisashpa shitangapajpish shuj punllami chayan.

JEREMÍAS 1:10

Riqui, cunantajmi cantaca llajtacunata jatun mandajcunatapish, llajtacunapi causajcunatapish sapimanta llujshichichun, urmachishpa chingachichun, cutin shayachichunpish, llajtacunata cutin tigrachichunpish cantaca churani” nircami.

JEREMÍAS 11:17

Canta tarpuj, tucuita Mandaj Diostajmari cantaca llaquichishami nini. Israelcunapish, can Judá runacunapish Baalman inciensota cushpa rupachishpa, millaita rurashpa ñucata p'iñachishcamantami chashna ruragrini” nircami.

JEREMÍAS 30:18

Mandaj Diosca cashnapishmi nin: “Jacobpaj carpa huasicunamanta prezu apashcacunataca tigrachimushami. Chai carpa huasicunatapish llaquishami. Lomapi tiyashca pueblopish, chai lomallapitajmi shayachishca canga. Ñuca huasitapish ñaupa cashca shinallatajmi shayachishca canga.

JEREMÍAS 31:28

Ñucaca paicunataca sapimanta aisashpa shitanata, tucui urmachinata, jatun llaquita ruranata, tucui ima tiyajta chingachinata huanachinata yuyarishpaca, rurangacama chai yuyaimi carcani. Q'uipataca, chai shinallataj chai yuyaimi cutin tigra shayachimushpa tarpusha.

JEREMÍAS 31:38

Mandaj Diosca caitapishmi nin: “Shamuj punllacunapica Jerusalén puebloca Hananeel shuti torremantapacha, esquinapi caj pungucama ñucapajmi shayachishca canga.

JEREMÍAS 31:4

Israelcunalla, cancunaca ñuca cutin llajtata rurashpa shayachijpimi, llajta tucunguichij. Cancunapajca sumajta allichirishpa, panderocunapi huajtashpa cushicuihuan tushuna punlla cutin tiyangamari.

JEREMÍAS 32:41

Ñucaca paicunapaj allita rurashpami cushicusha. Cai llajtapica tarpuj shinami churasha. Cutinca mana shitangapaj ñuca tucui shunguhuan, tucui almahuanmi caipi charisha” ninmi.