JEREMÍAS 18:6 - Dios Rimashca Shimicunami

⁶ “¿Shutuj allpata cai runa ima shina rurajtaca ricunguichu? ¿Manachu ñucapish israelcunataca, chai shinallataj rurai tucusha? Shutuj allpaca, cai mangata ruraj runapaj maquipica, imatapish ruranapaj jahuallami. Can israelcunapish ñuca maquipica, chashnallatajmari canguichij.

JEREMÍAS 18:6 Iomraidhean Croise

ISAÍAS 45:9

Imapish allpamanta rurashcacunaca caishuj allpamanta rurashca shinallatajca paita rurajta mana cazushpa paihuan mana p'iñanacunchu. Lodoca allpamanta imatapish rurajtaca: “Imatataj ruragringuichu imamí” mana ninchu. Mana cashpaca: “Pai rurashcaca maqui illajllatamari rurashcangui” mana ninchu. ¡Aij, chashna nijca imachari tucunga!

ISAÍAS 64:8

Mandaj Dioslla, quiquinmari ñucanchij yaya cangui. Ñucanchijca lodollami canchij, quiquinca allpamanta imatapish rurajmi cangui. Ñucanchijca tucuicuna quiquinpaj maquihuan rurashcami canchij.

JEREMÍAS 18:4

Chai manga mana alli llujshijpica, chai shutuj allpallahuantajmi pai munashca shina shujtaj mangata rurarca.

JEREMÍAS 18:5

Chaipimi Mandaj Diosca, ñucataca cashna nirca:

DANIEL 4:23

Jatun mandaj canca, jucha illaj shuj cuidaj jahua pachamanta uriyamucujtapishmi ricurcangui. Paica cashnami nirca: Chai yurata p'itishpa chingachichij. Ashtahuanpish chai yurapaj asha troncondij sapicunandijca chaillapitaj saquichijlla. Fierro cadenacunahuan, bronce cadenacunahuan huatashpa q'uihua chaupipi saquichij. Jahua pacha garhua shutujyachichun. Animalcunahuan q'uihua chaupipi causashpa q'uihuata micuchun. Canchis huatacama chashna cachun saquichij nijtami uyarcangui.

Mateo 20:15

Ñucapaj cashcataca ¿manachu imatapish rurai tucuni? Ñuca alli cashpa chashna cushcamantaca ¿ima nishpataj p'iñaringui?” nircami.

Romanos 11:34

Chaimanta ¿pitaj Jatun Diospaj yuyaitaca entendirca? Mana cashpaca ¿pitaj paipaj cunajca cashca canga?