JEREMÍAS 18:16 - Dios Rimashca Shimicunami

¹⁶ Paicunallataj chashna rurashcamantami, paicunapaj llajtaca shitashca saquiringa. Tucuicuna asina llajtatamari rurancuna. Maijanpish cai llajta ñanta pasacushpaca, mancharishpa umata cuyuchishpami ringacuna.

JEREMÍAS 18:16 Iomraidhean Croise

SALMOS 22:7

Ñucata ricujcunaca tucuicunami ñucataca chanzata rurashpa ricuncuna. Shimita huishtushpa umata cuyuchishpami, cashna nincuna:

JEREMÍAS 25:9

Chaimanta cunanca tucui janaj lado llajtacunapi causaj ch'ican ch'ican aillucunatapish, Babilonia llajtata jatun mandaj ñucata servij Nabucodonosortapishmi caiman pushamugrini. Paitami cai llajtapi causajcunatapish, cai muyundij tucui llajtacunatapish llaquichishpa tucuchichun churagrini. Chashna huiñaipaj shitashcata saquishpami, chanzata rurashpa asinata rurasha. Ñuca Mandaj Diostajmi chashna nini.

JEREMÍAS 19:8

Cai pueblotaca tucuicuna mancharinatapish, chanzata rurashpa asinatapishmi rurasha. Pipish caita pasacushpa, cai pueblo tucui urmashca siricujta ricushpaca mancharingapish, chanzata rurashpa asingacunapishmi.

Mateo 27:39

Chaipi puricujcunaca paicunapaj umata cuyuchishpami,

MIQUEAS 6:16

Canca Omri mandashcacunallatami cazurcangui. Acabpaj familiacuna imata rurashcatami catircangui. Paicuna mandashcacunatapish, cunashcacunatapishmi rurarcangui. Chaimantami cantaca llaquinayajta saquisha. Caipi causajcunapish chanzata rurashpa asinami cangacuna. Chaimanta ñuca agllashcacunapaj llaquitami apanguichij” ninmi.

JEREMÍAS 50:13

Mandaj Diostajmi jatunta p'iñarishpa llaquichigrini. Chai tucui llajtami shitashca saquiringa. Shujllapish mana causaj saquiringachu. Maimantapish Babilonia llajtata pasacushpaca, llaquinayaj siricujta ricushpa mancharingacunami. Chanzata rurashpa asingacunapishmi ninmi.

JEREMÍAS 49:13

Ñucatajmi Bosra pueblota tucui urmachishpa, shujtajcunapish chai shina tucushca alli cachun nina, shitashcata saquinata yuyarircani. Chaimantami jatun llaqui tucushpa saquiringa. Chai muyundij tucui caishuj pueblocunapish, huiñaipajmi urmachishca saquiringa” ninmi.

1 REYES 9:8

Cai huasica sumaj nishca cashca cashpapish, llaquinayaj siricujta ricushpaca, maijanpish chaita pasajca mancharishpa asishpami: ¿Ima nishpashi Mandaj Diosca cai llajtatapish cai huasitapish chashna rurarca? ningacunami.

Marcos 15:29

Chaita puricujcunaca, paicunapaj umata cuyuchishpami cashna nishpa c'amircacuna: –¡Jajai! Canca, Taita Diospaj huasita urmachishpa, quimsa punllallapica cutin shayachishami nircanguica.

ISAÍAS 37:22

Senaquerib ima shina tucunata Mandaj Dios nishca shimicunaca caicunami: Sionpi causajcunaca c'arita mana rijsij solteracuna shinami cantaca yanganchishpa asingacuna. Jerusalenpi causajcunaca umata cuyuchishpami cantaca callpachingacuna.

EZEQUIEL 12:19

Chaimantaca Israel llajtapi causajcunamanca cashna ningui: Mandaj Jatun Diosca Jerusalenpi causajcunatapish, tucui israelcunatapish cashnami nin: Paicunaca micunataca chujchuihuanmi micungacuna, yacutapish manchaj manchajllami ubyangacuna. Paicuna millaita rurashcamantaca, paicunapaj llajtaca chushajmi saquiringa.

EZEQUIEL 6:14

Paicunataca ñuca maquita cacharishpami llaquichisha. Paicuna mai llajtapi causacujpipish, Diblat shuti pueblo c'uchullapi caj shitashca pambatapish yalli shitashcatami saquisha. Chashna llaquichijta ricushpami, ñucataca Mandaj Diostaj cashcata yachangacuna” nircami.

JEREMÍAS 9:11

Jerusalén pueblotaca rumi montonllatami saquisha. Judá llajtapi caj tucui caishuj pueblocunatapish chacal nishca animalcuna causanallatami rurasha. Shuj runallapish mana chaipi causangapaj saquiringachu.

ISAÍAS 6:11

Chaimi ñucaca: “Jatun Dios ¿maicamataj chashna cangari?” nircani. Shina nijpi paica: “Pueblocunapish urmachishca cangacama. Chaipi causajcunapish mana tiyangacama. Huasicunapipish pi mana causaj tiyangacama, allpapish shitashca pamba saquiringacamami chashna canga.

SALMOS 44:14

Shujtaj llajtacuna ñucanchijmanta yuyachij shimicunata rimashpa asina cachunmi churashcangui. Ñucanchijta ricujcunaca tucuicunami umata cuyuchishpa asincuna.

DEUTERONOMIO 29:23

Tucui cai llajtaca azufrehuan cachihuan rupachishca llajtami. Chaimanta imata mana tarpuipajmi, ima mana p'ucuipajmi, cai allpapica ima q'uihuapish mana huiñaipajmi. Sodomata, Gomorrata, Admata, Zeboimta tucuchij shinallatajmi, Mandaj Diosca nina sindirij shina yallitaj p'iñarishpa cai llajtatapish llaquichishca” ningacunami.

DEUTERONOMIO 28:59

Mandaj Diosca cancunapajpish jatun llaquicunata, cancunapaj huahua huahuacunapajpish jatun llaquicunata yallitaj mana tucurij jatun llaquicunata, mana jambi tucuipaj ungüicunatami cachanga.

LEVÍTICO 26:43

Paicuna shitashpa rijpimi, allpaca shitashca saquirishpa samarina punllacunapi mana samarishcamantaca chai punllacunapi samarishpa cushicunga. Ñuca mandashcacunata yanganchishcamanta, ñuca chaitataj pajtachichun nishcacunata p'iñashpa millaita rurashcamantami llaquita apana cashcapi paicunaca llaquita apacungacuna.

LEVÍTICO 26:32

Llajtatapish chushajllatami saquisha. Chaita ricushpami cancunata p'iñajcuna chai llajtapi causangapaj shamushcacunapish mancharinacungacuna.

SALMOS 109:25

Ñucaca paicuna asina tucushcanica. Paicuna ñucata ricushpaca umata cuyuchishpamari chanzata rurarcacuna.

JEREMÍAS 42:18

Tucuita Mandaj, israelcunapaj Diosca cashnapishmi nin: Cancuna Egipto llajtaman rijpica, Jerusalenpi causajcunata ñuca yallitaj p'iñarishpa jatunta llaquichishca shinallatajmi, cancunatapish yallitaj llaquichisha. Chaipimi cancunaca tucuicuna millanachina, mancharina, shujtajcunatapish paicuna shina tucushca alli canman nina, chanzata rurashpa asina tucunguichij. Cai llajtataca, manataj cutin ricunguichijchu ninmi.

JEREMÍAS 44:12

Ashacunalla saquirishca tucui Judá runacunami cai Egipto llajtaman shamunata munarcacuna. Chashna mana cazushpa caipi causanaman shamushcacunaca tucuicunami cai llajtapica espadapipish, jatun yaricaihuanpish huañushpa tucuringacuna. Jatuncunamanta uchilla huahuacunacamami espadapipish, jatun yaricaihuanpish huañushpa tucuringacuna. Saquirijcunaca tucui ricujcunapajmi millananapish, mancharinapish, shujtajcunatapish paicuna shina tucushca alli canman ninapish, chanzata rurashpa asinapish cangacuna.

JEREMÍAS 48:27

Moab runacunalla, israelcunataca shuhuacujta japishca shinamari cancunaca chanzata rurashpa asircanguichij. Paicunata yuyarishpaca yangapi churashpamari, asij carcanguichij. Cancunapish chashnallatajmari tucunguichij.

JEREMÍAS 49:17

“Edom llajtaca mancharina jatun llaquita rurashcami saquiringa. Ñanta pasacujcunapish chashna shitashca saquirishcata ricushpaca mancharingacunami, chanzata rurashpa asingacunapishmi.

LAMENTACIONES 1:12

Ñanta ricujcuna, shayarishpa ricuichigari. Ñucata japishca jatun nanai shinaca, ¿pita japishcachu imatagari? ¿Cashnata ricushpaca manachu cancunataca llaquinayan imatagari? Mandaj Dios jatunta p'iñarishpa llaquichina punllamari ñucapajca chayamushca.

EZEQUIEL 27:36

Shujtaj pueblomanta c'atujcunapish, can llaqui tucushcata ricushpaca silbangacunami, canca jatun mancharinami tucungui, huiñaipajmi chingaringui” nircami.

EZEQUIEL 36:3

Shina cajpipish cashna nishpa huillai: Mandaj Jatun Diosca cashnami nin: Cancunataca llaquinayajtami saquircacuna, shujtaj llajtacunamanta shamujcunami japishpa millpurcacuna. Cancunaca chanzata rurashpa, rimashpa asijcunapaj maquipimi urmarcanguichij.

2 CRÓNICAS 29:8

Chaimantami Mandaj Dios p'iñarishpaca, Judapi Jerusalenpi causajcunataca, mancharina jatun llaquipi churashca. Cunanca shujtajcunaca chaita ricushpa asicujtaca, cancunallataj quiquin ñahuihuan allimi ricucunguichij.

JEREMÍAS 29:18

Espadahuan, yaricaihuan, ungüihuanmi llaquichigrini. Tucui cai pacha llajtacunamanmi, mancharinapish, chanzata rurashpa asinapish, c'amishpa pingachinapish cachun cugrini. Shinallataj pi llaqui tucuchun nishpaca, paicuna shina tucushca alli cachun ningacunami. Ñuca mai llajtaman shitajpipish, chashnami canga ninmi.

JEREMÍAS 51:37

Babilonia pueblopish, rumi montonllami saquiringa. Chaipica chacal animalcunallami causanga. Chashna shitashca saquirishcamantaca tucuicuna mancharinapish, chanzata rurashpa asinapishmi canga.

JEREMÍAS 51:43

Tucui chai llajta pueblocunamari shitashca saquirishca. Imapish illaj, chaquishca allpallamari. Chai shitashca allpapica, pi mana causangachu. Chaitaca pi mana puringallapishchu.