JEREMÍAS 18:10 - Dios Rimashca Shimicunami

¹⁰ Shina cajpipish, chai runacuna ñuca mandashcata mana cazushpa, ñuca ñaupajpi millaita rurajpica, paicunapaj allita ruranata yuyarishca cashpapish, jarcarishpa mana ruranichu.

JEREMÍAS 18:10 Iomraidhean Croise

SALMOS 125:5

Ashtahuanpish Mandaj Diosmanta anchurishpa millaita ruranata catijcunataca, Mandaj Diosmi millaicunallahuantaj cachanga. ¡Israelpica sumaj causai tiyashca cachun!

EZEQUIEL 18:24

Ashtahuanpish cashcata ruraj runaca, cashcata ruranata saquishpa Diosta mana manchaj runa shinallataj millaita rurashpaca, ¿paica causangachu imashi? Pai allita ruraj cashca cajpica, imata mana ricushachu. Ashtahuanpish pai ñucata mana cazushpa millaita rurashcamantaca huañungatajmi.

EZEQUIEL 33:12

Huañujlla aichayuj runalla, cambaj llajtapuracunataca cashna ni: Maijanpish cashcata ruracushcata saquishpa ñucata c'ariyajpica, ñaupaman cashcata rurashcacunaca mana quishpichingachu. Shinallataj ñucata mana manchaj runa millaita ruranata saquishpa cutirijpica, ñaupaman pai millaita rurashcacunaca mana jarcangachu. Cashcata ruraj runaca allita ruracushca cashpapish, juchata rurashpaca, huañungatajmi.

EZEQUIEL 33:18

Cashcata ruraj runa cashpapish, cashcata ruranata saquishpa millaita rurashpaca, huañungatajmi.

EZEQUIEL 45:20

Maijanpish pandarishpa, mana cashpaca pi umajpi juchallingachari. Chashna rurashcamanta ñuca huasi ima mapa illaj saquirichun, chai punta quillapaj canchis punllapipish chashnallataj rurangui.

SOFONÍAS 1:6

Shinallataj Mandaj Diosta caticushca jahua paimanta anchurijcunatapish, mana mashcajcunatapish, paita mana imata tapujcunatapish chingachingami” nishpami huillarca.

NÚMEROS 14:22

Chaimanta Egiptopipish, shitashca pambapipish, ñuca tucuita rurai tucuj cashcata, tucui laya señalcunata rurashpa ricuchishca jahua ñuca rimashcata mana uyashpa, ashtahuanpish ñuca rurashcacunata mana cazushpa ñucata p'iñachijcunaca,

NÚMEROS 14:23

paicunapaj ñaupa yayacunaman ñuca cushatajmi nishca llajtataca, pi mana ricungacunachu. Ñucata p'iñachijcunaca shujllapish manataj ricungacunachu.

NÚMEROS 14:34

Canaán llajtataca, chuscu chunga punllacunatami ricushpa rijsimurcanguichij. Chai shinallatajmi chuscu chunga punllamantaca chuscu chunga huatata llaquita apanguichij. Cada punllamanta shuj huatatami llaquita apanguichij. Chaipimi ñucata c'ariyajpica, ima shina llaquichij cashcata yachanguichij.

1 SAMUEL 13:13

Samuelca Saultaca: –Canca upa shinamari rurashcangui. Mandaj cambaj Dios mandashcatamari mana huaquichishcangui. Chaita huaquichishca cajpica, israelcunata can mandanataca Mandaj Diosca huiñaicamami saquinman carca.

1 SAMUEL 15:11

–Jatun mandaj cachun Saulta churashcamantaca, yallitajmi llaquirini. Paica ñucamanta anchurishpamari, ñuca imalla mandashcatapish mana cazun– nijpimi, Samuelca jatunta llaquirishpa chai tutaca Mandaj Diostaca caparishpa mañarca.

1 SAMUEL 15:35

Samuelca Saulmanta achcata huacacushpapish chai punllamanta pacha tucui paipaj causaipi Saultaca manataj ricurcachu. Mandaj Diosca israelcunata jatun mandaj cachun Saulta churashcamantaca, achcatami llaquirirca.

1 SAMUEL 2:30

Chaimantami israelcunata Mandaj Diosca cashna nin: Cambaj ñaupa yayacunatapish, cambaj huasi familiatapish, ñuca ñaupajpi purichunmi churarcani. Ashtahuanpish cunanca Mandaj Diosca cashnami nin: Chaipi cachunca manataj saquishachu. Ñucata allipi churajcunallatami allipi churasha. Ñucata p'iñajcunataca yanganchishami.