JEREMÍAS 17:7 - Dios Rimashca Shimicunami

⁷ Ashtahuanpish Mandaj Dios ñucapi shunguta churashpa, ñucata shuyajcunaca allicunata chasquingacunami.

JEREMÍAS 17:7 Iomraidhean Croise

SALMOS 125:1

Mandaj Diospi shunguta churajcunaca Sión urcu shinami. Chai urcuca maiman mana cuyurishpa chaillapitaj huiñaipaj caj shinami.

SALMOS 146:5

Jacobpaj Taita Dios ayudashca runaca cushichishcami. Paica Mandaj Taita Diospimi shunguta churan.

SALMOS 2:12

Pai p'iñarishpa cancunapaj causaita ama chingachichun paipaj churita alli nichij. Pai p'iñarishpaca mana saquingachu. Paipi shunguta churajcunaca cushichishcami canga.

SALMOS 20:8

Paicunaca huajllirinllacunami. Urmanllacunami. Ashtahuanpish ñucanchijca jatarinchijmi. Pi mana cuyuchipajtami shayanchij.

SALMOS 34:8

Mandaj Diosca alli shungumi. Munaichigari, ricuichigari. Mandaj Diospi shunguta churajcunaca cushichishcami.

SALMOS 40:4

Mandaj Diosllapi shunguta churajca cushichishcami. Jatun tucushcacunataca mana ricunachinchu. Llullata catishpa pandata rijcunatapish mana ricunachinchu.

SALMOS 71:5

Quiquinca Mandaj Jatun Dios, ñuca shuyanami cangui. Huambramanta pacha ñucata huaquichijmi cangui.

SALMOS 84:12

Tucuita Mandaj Taita Dioslla, quiquinpi shunguta churajcunaca cushijllamari.

PROVERBIOS 16:20

Mandaj Diospi shunguta churashpa, paipaj shimitapish tucui yuyaihuan yachajca, allicunata japishpa cushicunmi.

ISAÍAS 30:18

Shina cajpipish Mandaj Diosca cancunata llaquingapaj shuyacunmi. Paica cancunata chashna llaquishpaca c'uyaj cashcatami ricuchinga. Mandaj Diosca cashcata ruraj Diosmi. Paipi shunguta churajcunaca tucuicunami cushichishca canga.

ISAÍAS 61:3

Llaquijlla caj Sionmanca ushpahuan shitarishca canapaj randica achijyachijta cuchun. Llaquijlla canapaj randica, cushijlla cana aceiteta cuchun. Llaquijlla shungu canapaj randica, cushijlla cashcata ricuchij churanata churachichunmi cacharca. Paicunaca: “Cashcata ruraj yuracuna nishcami cangacuna. Mandaj Dios pai jatun cashcata ricuchingapaj tarpushca yuracuna” nishcami cangacuna.

JEREMÍAS 39:18

Shinallataj: Canca manataj espadahuan huañuchishca canguichu, ashtahuanpish ñucatajmi quishpichisha. Ñucapi cambaj shunguta churashcamantaca, chai macanacuipi huañunamanta quishpiringuimi ninmi Mandaj Diosca nigri” nircami.

DANIEL 3:28

Nabucodonosorca cashnami nirca: “Sadracpaj, Mesacpaj, Abed-negopaj Taita Dios cantaca alli nishca cachun. Paimari paipaj angelta cachashpa paipi shunguta churaj paipajta rurajcunataca quishpichirca. Paicunaca jatun mandaj ñuca mandashcata mana cazushpami, manapish paicunapaj diosta adoranapaj randica huañungapaj paicunapaj quiquin causaita curijpi paicunataca chashna quishpichishca.

SOFONÍAS 3:12

Cai pueblopica imata mana yachajcunata, huajchacunallatami saquisha. Paicunami Mandaj Dios ñucallapi shunguta churangacuna.

Efesios 1:12

Ñucanchijraj Cristota shuyacujcuna cashca cajpimi, pai sumaj cashcata alabachun chashna agllarca.