JEREMÍAS 17:1 - Dios Rimashca Shimicunami

¹ Judá runacunalla, cancunapaj shungupica fierropi churashca diamante puntahuan rumipi quillcashca shinami juchaca tiyacun. Cancuna shayachishca altar gachucunapipishmi chashna quillcashca tiyacun.

JEREMÍAS 17:1 Iomraidhean Croise

PROVERBIOS 3:3

Llaquij canata, mana umaj canataca, amataj saquinguichu. Cungapi aparishca shina, shungupi quillcashca shina chai yuyai puringui.

PROVERBIOS 7:3

Cai shimicunataca maquipi huatashca shina, shungupi quillcashca shina chai yuyailla causangui.

ISAÍAS 49:16

Riqui can ima shina cashcataca ñuca maqui shungupimi quillcashcata charicuni. Cambaj muyundij pircacunataca ñuca ñaupajpimi charicuni.

JEREMÍAS 11:13

Judá runacunaca tucui pueblocunapimari diosta charincuna. Jerusalenpi causajcunapish tucui callecunapimari dioscunata charincuna. Baalcunaman inciensota cushpa rupachingapajmi, tucuipi chai millanana altarcunata shayachircacuna.

JEREMÍAS 2:22

Cancuna lejiahuan c'acurishpa maillarijpipish, mashna jaboncuna tucurijta armajpipish, cancunapaj jucha mapaca manataj ñuca ñaupajmanta anchuringachu. Ñuca ñahuipi ricuringallami. Mandaj Jatun Diostajmi chashna nini.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

JEREMÍAS 4:14

Jerusalenpi causajcunalla, ¿maicamataj millaita rurana yuyailla canguichigari? Cancunata quishpichichun nishpaca, shungumanta tucui millai yuyaita maillarichigari.

OSEAS 12:11

Galaadcunaca yallitaj millaicunami. Yallitaj yangacunami tucurcacuna. Gilgalpica huagracunata huañuchishpami rurashcalla dioscunaman curcacuna. Paicunapaj altarcunaca, yapushca pambacunapi rumi montoncuna shinami.

OSEAS 7:2

Paicuna millaita rurashcacunata ñucaca yuyaipi charicuna cashcataca mana yuyancunachu. Ashtahuanpish paicuna millaita rurashcacunallatajmi ñuca ñaupajpica tucuita ricuchicunga.

OSEAS 8:11

Efrainca juchallingapajmi achca altarcunata rurarca. Juchallingapajllami altarcunataca charirca.

LEVÍTICO 4:25

Chai juchamanta cushca chai animalpaj asha yahuartaca, cura paipaj dedohuan asha yahuarta japishpa, Diosman tucuita cushpa tucui rupachina altar jahuapi caj gachucuna puntapi churachun. Puchushca yahuartaca, Diosman tucuita cushpa tucui rupachina altar chaquipi tallichun.

ZACARÍAS 7:12

Paicunapaj shunguca, diamante shinami carca. Chashna cashpami tucuita Mandaj Dios, paipaj Espirituhuan ñaupa huillajcunaman huillachishca mandashcatapish, paipaj shimi imata nishcatapish mana uyarcacuna. Chaimantami Mandaj Diosca, paicunahuanca yallitaj p'iñarirca.

2 Corintios 3:3

Cancunaca Cristo quillcashca, ricunalla quillcami canguichij. Ñucanchijmi chaitaca cancunaman curcanchij. Cancunaca mana tintahuan quillcashcachu canguichij, ashtahuanpish causaj Diospaj Espirituhuanmi quillcashca canguichij. Shinallataj mana tablajlla rumipi quillcashcachu, ashtahuanpish tablajlla aicha shungupimi quillcashca canguichij.