JEREMÍAS 16:9 - Dios Rimashca Shimicunami

⁹ Tucuita Mandaj, israelcunapaj Diostajmi cashnapish nin: “Cunan cancuna causacui punllacunapimi cai llajtamantaca cancuna cushicushpa cantanatapish, caparirinatapish, cusayuj, huarmiyuj tucushca punlla cushicushpa cantanatapish anchuchisha.

JEREMÍAS 16:9 Iomraidhean Croise

SALMOS 78:63

Paicunapaj q'uipa huiñaicunataca ninami tucuchirca. C'arihuan manaraj chayarishcacuna cazarajpi cantanapish mana tiyarcachu.

JEREMÍAS 25:10

Tucui cai llajta runacunamantaca jatunta cushicushpa cantanatapish, cushicuihuan caparirinatapish, cusayuj huarmiyuj tucushca punlla cantanatapish chingachishami. Shinallataj cutana rumipish mana uyaringachu, tutacunapish lámpara achijyachishca mana ricuringachu.

JEREMÍAS 7:34

Chashna rurashpami, Judá llajtamantapish, Jerusalén pueblo callecunamantapish asishpa cushicuihuan cantanataca chingachisha. Shinallataj cusayuj, huarmiyuj tucushca punlla cantanatapishmi chingachisha. Tucui llajtatami shitashcata saquisha” ninmi.

EZEQUIEL 12:25

Imalla tucunata Mandaj Dios ñuca huillashcataca, mana uniyashpami pajtachisha. Mana cazuj israelcunalla, cancunaman huillashca shimicunataca pajtachishatajmi ninmi Mandaj Jatun Diosca ningui” nircami.

EZEQUIEL 26:13

Canpi caparishpa cantanacunatapish chingachishami, citaracunapi tocashcapish ña mana ashtahuan uyaringachu.

OSEAS 2:11

Cada semana fiestacunatapish, mushuj luna punllacunatapish, samana punllacunatapish, jatun fiesta punllacunatapish rurashpa pai tucui laya cushicunataca tucuitami anchuchisha.