JEREMÍAS 16:3 - Dios Rimashca Shimicunami

³ Cai llajtapi huacharishca churicunatapish, ushushicunatapish, paicunata huachaj mamacunatapish, yayacunatapish Mandaj Diostajmi cashna nini:

JEREMÍAS 16:3 Iomraidhean Croise

JEREMÍAS 15:8

Mama cucha uripi tiyaj t'iyu allpatapish yalli achca huarmicunami cusa illajlla saquirircacuna. Huañuchijcunata apamushpami mamacunatapish, huahuacunatapish huañuchircani. Chaupi punllapimi, ñapish jatun llaquicunahuan manchachircani.

JEREMÍAS 16:2

“Canca cai llajtapica ama casaranguichu. Churicunatapish, ushushicunatapish ama charinguichu.

JEREMÍAS 16:5

Mandaj Diosca ñucataca cashnapishmi nirca: “Maijan huañushcamanta huacacujcunapaj huasimanca ama yaicunguichu. Paicunapaj shungu samarichun imallatapish ama ninguichu. Huañushcamantapish ama huacanguichu. Cai runacunamantaca ñucatajmi sumaj causaita anchuchircani. Ña mana llaquisha, mana nanarishapishchu. Mandaj Dios ñucatajmi chashna nini.

JEREMÍAS 16:9

Tucuita Mandaj, israelcunapaj Diostajmi cashnapish nin: “Cunan cancuna causacui punllacunapimi cai llajtamantaca cancuna cushicushpa cantanatapish, caparirinatapish, cusayuj, huarmiyuj tucushca punlla cushicushpa cantanatapish anchuchisha.

JEREMÍAS 6:21

Mandaj Diosca cashnapishmi nin: “Ñucaca cai runacuna urmachunca, ñucatajmi ñitcarinacunata churani. Chaicunapi ñitcarishpami yayacunapish, churicunapish urmangacuna. C'uchullapi causajcunandij, paicunahuan apanacujcunandijmi huañungacuna” ninmi.

EZEQUIEL 24:21

“Tucui israelcunata cashna ningui: Mandaj Jatun Diosca cashnami nin: Riquichij, sumaj cashcata ricuchij ñucapajlla huasitaca chingachishami. Chai huasitaca sumaj cajllapimi, cancunaca ricunata munarcanguichij. Ñuca huasitaca sumaj cashcallamantami munanguichij. Shinallataj cancuna saquishca cancunapaj churicunapish, ushushicunapish espadapimi huañungacuna.