JEREMÍAS 15:8 - Dios Rimashca Shimicunami

⁸ Mama cucha uripi tiyaj t'iyu allpatapish yalli achca huarmicunami cusa illajlla saquirircacuna. Huañuchijcunata apamushpami mamacunatapish, huahuacunatapish huañuchircani. Chaupi punllapimi, ñapish jatun llaquicunahuan manchachircani.

JEREMÍAS 15:8 Iomraidhean Croise

ISAÍAS 3:25

Cancunapaj c'aricunaca, espadapimi huañungacuna. Fuerzasapacunaca jatun macanacuipimi huañungacuna.

ISAÍAS 3:26

Paicunapaj pungucunapish llaquillami cangacuna. Llaquilla cashcata ricuchij churanatami churaringacuna. Puebloca shitashcami saquiringa. Allpa pamballapimi tiyaringacuna.

ISAÍAS 4:1

Chai punllapica canchis huarmicunami shuj c'arillata quichunacushpa chutanacushpa cashna ningacuna: “Ñucanchijca micunata carachunpish mana nishunchu, churanata churachichunpish mana nishunchu. Ashtahuanca ñucanchijta cambaj huarmi cachun japishpa ñucanchij pingaihuan cajta anchuchihuai” ningacunami.

JEREMÍAS 16:3

Cai llajtapi huacharishca churicunatapish, ushushicunatapish, paicunata huachaj mamacunatapish, yayacunatapish Mandaj Diostajmi cashna nini:

JEREMÍAS 18:21

Chaimanta cunanca paicunapaj huahuacunataca, espadahuan manchachishpa caita chaita cachashpa, yaricaihuan huañuchun saquiyari. Cazarashca runacunatapish, manaraj casarashcacunatapish espadahuan huañuchichun saquiyari. Chashna rurashpa paicunapaj huarmicunataca cusapish, huahuacunapish illajta saquiyari.

JEREMÍAS 22:7

Canta urmachichunca, alli macanacunayuj runacunatami apamusha. Paicunami cambaj ashtahuan sumaj cedro caspicunataca, p'itishpa tucui rupachingacuna.

JEREMÍAS 4:16

Jerusalenpipish, shujtaj llajtacunapipish: “Caru llajtamantamari chapaj soldadocuna shamuncuna. Judá llajta pueblocunapi causajcunata caparirishpa rimangapajmari shamuncuna” nishpa huillaichigari.

JEREMÍAS 5:6

Chashna cashcamantaca, sachamanta león llujshishpa huañuchingatajmi. Shitashca pambapi causaj atuj shamushpa tucuchingatajmi. Leopardomari paicunapaj pueblo muyundijta chapanga. Maijanpish pueblomanta llujshijpica, japishcahuan micungallami. Paicunallataj Diosta yallitaj mana cazushpa, paimanta ashtahuan ashtahuan caruyashcamantamari chai llaquica japinga.

JEREMÍAS 6:26

Ñuca llajtapi causajcunalla, llaquirishpa cañamazuta churarichigari, ushpapi singurichigari. Shujlla churitaj huañushca cajpi shina caparirishpa huacaichigari. Ñucanchijta tucuchijca ñallamari chayamugrin.

LAMENTACIONES 5:3

Yaya illajlla, shitashca huahuacunamari canchij, ñucanchij mamacunapish viuda huarmicuna shinamari.

EZEQUIEL 22:25

Ñuca ima nishcata huillajcunapish shuj yuyailla tucushpami, p'iña león aichata japij shina runacunataca huañuchircacuna. Haciendacunatapish, imalla charishcacunatapishmi quichurcacuna. Cai llajtapica, achcacunami viuda saquirircacuna.

OSEAS 4:5

Chaimanta canca achij punllapimi ñitcaringui. Tutapica profetandijmi ñitcaringui. Cambaj mamataca chingachishami.

Lucas 21:35

Tucui cai pachapi causajcunataca lazyana angu ñapish japij shinami japinga.