JEREMÍAS 15:4 - Dios Rimashca Shimicunami

⁴ Ezequiaspaj churi Manasesca, Judá llajtata jatun mandaj cashpami, Jerusalenpica jatun millaita rurashpa causarca. Chaimantami tucui Judá runacunataca, tucui shujtaj llajtacunapi causajcuna mancharina jatun llaquipi churagrini.

JEREMÍAS 15:4 Iomraidhean Croise

2 REYES 21:1

Manasesca, Judá llajtata mandai callarinapajca chunga ishqui huatayujmi carca. Paica pichca chunga pichca huatatami, Jerusalenpi mandarca. Paipaj mamaca, Hepsiba shutimi carca.

2 REYES 21:15

Egipto llajtamanta paicunapaj ñaupa yayacunata llujshichimushca punllamantapacha cunanca mana cazushpa ñuca ñaupajpi millaita rurashpa ñucata yallitaj p'iñachishcamantami llaquichigrini”.

2 REYES 21:2

Manasesca Mandaj Diospaj ñaupajpica, yallitaj millaitami rurarca. Mandaj Dios israelcunapaj ñaupajmanta llujshichishpa cachashca runacuna rurashca millanana ruranacunatami rurarca.

2 CRÓNICAS 33:1

Manasesca, Judá llajtata mandai callarinapajca chunga ishqui huatayujmi carca. Paica pichca chunga pichca huatatami Jerusalenpi mandarca.

2 CRÓNICAS 33:2

Manasesca Mandaj Diospaj ñaupajpica, yallitaj millaitami rurarca. Paica Mandaj Dios israelcunapaj ñaupajmanta llujshichishpa cachashca runacuna rurashca millanana ruranacunatami rurarca.

JEREMÍAS 24:9

Tucui shujtaj llajtacunapi causajcuna mancharishpa parlanacuna, c'amishpa pingachina, shujtajcunatapish paicuna shina tucushca alli cachun ninatami ruragrini. Shinallataj yuyachij shimicunata paicunamanta surcunatapishmi ruragrini. Ñuca maijan llajtaman cachajpipish, chashnami cangacuna.

JEREMÍAS 29:18

Espadahuan, yaricaihuan, ungüihuanmi llaquichigrini. Tucui cai pacha llajtacunamanmi, mancharinapish, chanzata rurashpa asinapish, c'amishpa pingachinapish cachun cugrini. Shinallataj pi llaqui tucuchun nishpaca, paicuna shina tucushca alli cachun ningacunami. Ñuca mai llajtaman shitajpipish, chashnami canga ninmi.

JEREMÍAS 34:17

Cancuna chashna rurashcamantami, Mandaj Diosca cashna nin: “Cancunaca ñucata mana cazushpami, cancunapaj familiacunataca servichicushcamanta mana cacharishpa cachanguichij. Chaimantami ñucapish espadahuan huañuchijcunatapish, jatun yaricaitapish, ungüitapish cancunata llaquichichun cachagrini. Chai jatun llaquihuanmi cancunataca, tucui cai pacha llajtacunapaj chaupipi jatunta pingachigrini. Ñuca, Mandaj Diostajmi chashna nini.

JEREMÍAS 9:16

Shinallataj paicunapaj yayacunapish, paicunapish mana rijsishca llajtacunamanmi paicunataca caita chaita cachagrini. Maipi cajpipish, tucuringacamami espadahuan huañuchichisha” ninmi.

LAMENTACIONES 1:8

Jerusalenca jatun juchatamari rurarca. Chaimantamari pai tiyacushcamantaca aisashpa shitarcacuna. Ñaupaman paita alli nijcunaca, lluchullata ricushpami tucuicuna millanachincuna. Chaimantami pingaihuan shungu llujshishpalla tiyacun.

EZEQUIEL 18:19

Cancunaca: ¿Imamantashi yayapaj juchamantaca churica llaquita mana apan? ninguichijchari. Paipaj churica imatapish allita, imatapish cashcallatami rurarca. Ñuca quillcachishcacunatapish tucuita cazushpamari, alli pajtachirca. Chashna rurashcamantaca causangatajmari.

EZEQUIEL 23:46

Chaimantami Mandaj Jatun Diosca cashna nirca: “Ñucami chai huarmicunapajmanca, llaquichij soldadocunata cachasha. Paicunataca manchachijcunaman shuhuajcunamanmi cusha.

LEVÍTICO 26:33

Cancunataca shujtaj llajtacunamanmi urajta janajta cachasha. Espadata llujshichishpa catirashpa llaquichishpami chashna rurasha. Cancunapaj llajtapish chushajllami saquiringa. Cancunapaj pueblocunapish shitashca pambacunami saquiringa.

DEUTERONOMIO 28:25

Cancunata p'iñajcunapaj maquipimi Mandaj Diosca paicuna mishachun cancunataca churanga. Paicunahuan macanacungapaj shuj ñanllata llujshishpapish, canchis ñancunatami paicunata miticushpa callpanguichij. Cancunaca tucui cai pachapi causajcuna mancharinami tucunguichij.

DEUTERONOMIO 28:64

Mandaj Diosllatajmi cancunataca tucui cai pacha tucuri llajtacunacama caita chaita cachanga. Chai llajtacunapimi cancunapish, cancunapaj ñaupa yayacunapish mana rijsishca, caspi diospaj, rumi diospaj ruranacunata rurashpa causanguichij.