JEREMÍAS 15:2 - Dios Rimashca Shimicunami

² ¿Maimantaj rishunri? nijpica, cashna ningui: Mandaj Diosca cashnami nin: Ungüihuan huañuna tiyacujcunaca, ungüihuan huañugrichijlla. Espadapi huañuna tiyacujcunaca, espadapi huañugrichijlla. Yaricaihuan huañuna tiyacujcunaca, yaricaihuan huañugrichijlla. Prezu apana tiyacujcunaca, prezu richijlla ninmi ningui” nircami.

JEREMÍAS 15:2 Iomraidhean Croise

ISAÍAS 10:4

Ñuca illajlla cashpaca, prezucunahuanmi cumuringuichij. Huañuchijcunapaj maquipimi urmanguichij. Chashna llaquichishpapish pai p'iñarishcaca manataj pararingachu. Paicunata llaquichingapajca maquita chutashcarajmi.

ISAÍAS 24:18

Manchaihuan callpacujca jutcupimi urmanga. Jutcumanta llujshishpa callpacushpapish linchipimi pillurishpa urmanga. Jahua pacha ventanacunaca pascashcami canga. Cai pachata aparijpish chujchungami.

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

JEREMÍAS 14:16

Paicuna huillashcata uyajcunatapish espadapish, yaricaipish huañuchijpimi, Jerusalén pueblo callecunapica shitashca siringacuna. C'aricunatapish, huarmicunatapish, churicunatapish, ushushicunatapish pi mana pambaipajmi canga. Paicuna millaita rurashcamantaca, paicunapaj jahuallapitajmi llaquita tallisha.

JEREMÍAS 16:4

Mancharina ungüicunahuanmi huañungacuna. Paicunamantaca pi mana huacangachu, mana pambangacunallapishchu. Majada shinallami allpa jahuapi shitashca siringacuna. Shinallataj espadahuanpish, yaricaihuanpishmi huañungacuna. Paicunapaj aichacunaca huairata purij pajarocunapaj, sacha animalcunapaj micunami canga” nircami.

JEREMÍAS 19:7

Chai pambapimi Judá llajtapi causajcuna, Jerusalenpi causajcuna imata yuyarinacushcataca chingachisha. Paicunata p'iñashpa huañuchingapaj shamuj runacunapaj maquipi churashpami, espadahuan huañuchichisha. Chai huañushca aichacunataca huairata purij pajarocunaman, sachapi causaj animalcunamanmi carasha.

JEREMÍAS 43:11

Pai shamushpami cai llajtapi causajcunataca llaquichinga. Cai llajta runacunaca ungüihuan huañuna cajcunaca, ungüihuanmi huañungacuna. Prezu apana cajcunaca, prezumi ringacuna. Espadapi huañuna cajcunaca, espadapimi huañungacuna.

EZEQUIEL 12:11

Shinallataj ñucami cancuna imalla tucunataca ricuchicuni. Imatami ñuca rurarcani, chai shinallatajmi cancunapish tucunguichij. Cancunaca huatashca shinami prezu apashca canguichij.

EZEQUIEL 14:21

Chaimantami Mandaj Jatun Diosca cashna nin: “Jerusalenta llaquichingapajca, chuscu jatun llaquicunatami cachasha. Chai pueblopi causaj runacunata, animalcunata huañuchingapaj espadatapish, yaricaitapish, p'iña animalcunatapish, jatun ungüicunatapishmi cachasha.

EZEQUIEL 33:27

Paicunamanca cashnapish ningui: Mandaj Jatun Diosca cashnami nin: Ñucaca causacunimi, chai llaquinayaj llajtapi causacujcunataca espadahuanmi huañuchichisha, urcucunapi causacujcunataca p'iña animalcunamanmi carasha, jatun patacunayuj pueblocunapi, jatun jutcucunapi causajcunataca jatun ungüihuanmi huañuchisha.

EZEQUIEL 5:12

Cancunapuramanta maijancuna saquirishpaca ungüihuanpish, yaricaihuanpishmi caillapitaj huañungacuna. Caishujcunaca cai muyundijllapitajmi espadapi huañungacuna. Chaishujcunataca caita chaitami cachasha. Paicunataca espadahuanmi catishpa risha.

EZEQUIEL 5:2

Macanacuna punllacuna ña tucurijpica, quimsapi chaupishca shuj mirgataca, chai pueblo chaupillapitaj ninahuan rupachingui. Caishuj mirgataca, chai pueblo muyundijpi espadahuan p'itingui. Caishuj mirga ajchataca, tsirapashpa huairapi cachangui. Ñucami paicunataca espadahuan catishpa risha.

DANIEL 9:12

Paica ñucanchijtapish, ñucanchij mandajcunatapish jatunta llaquichishami nishcataca llaquichishpatajmi pajtachishca. Jerusalenta llaquichishca shinaca, tucui cai pachapica nunca maipi mana llaquichishcachu.

AMÓS 5:19

Chai llaqui punllapica, leonta miticunaman callpacushpapish, osohuanmi tupanga. Huasipi miticugrishpaca, pata quinripi huancarijpica, culebrami ñapish caninga.

ZACARÍAS 11:9

Chaimantaca ovejacunataca cashnami nircani: “Cancunataca ña mana michishachu. Maijan huañujca huañungatajchari. Maijan chingarijca chingaringatajchari. Maijan saquirijcunaca, paicunapurallataj micunacungatajchari” nircanimi.

Apocalipsis 13:10

“Maijanpish prezu apashca cana cajca, prezu apashcami canga. Maijanpish espadahuan huañuna cajca, espadahuan huañuchishcami canga”. Chaimantami jucha illajcunaca, mana p'iñarij alli shungu, crij caticunalla.