JEREMÍAS 15:10 - Dios Rimashca Shimicunami

¹⁰ ¡Aij, ñucalla! Ñuca mamitalla, ¿imataj tucushari? Ñucataca tucuicunahuan p'iñanacuchun, rimanacuchunllamari huachashcangui. Ñucaca mana piman ima cullquita mañachishcanichu, mana piman mañashcanipishchu. Shina cajpipish ñucataca tucuicunamari ima llaquipish tucushca alli canman nincuna.

JEREMÍAS 15:10 Iomraidhean Croise

1 REYES 21:20

Acabca Eliastaca: –Ñucata p'iñaj runamari ñucata caipi japinaman shamushcangui– nijpimi Eliasca: –C'aturij shina Mandaj Diospaj ñaupajpi millaita ruracujpimari canhuan tupaj shamuni.

1 REYES 22:8

Josafat chashna nijpimi, israelcunata jatun mandajca: –Imlapaj churi Micaías profeta tiyanrajmi, paitapish Mandaj Dios imata nishcata tapuchinchijmanchari. Paica shuj cutinllapish ima allita manamari huillanchu, ashtahuanpish llaquillatamari huillan. Chaimantami paitaca p'iñani– nijpi Josafatca: –Jatun mandaj ama chashna rimaichu– nirca.

SALMOS 109:28

Paicuna ñucata imapish tucushca cachun nijpipish, ashtahuanpish quiquinca ñucataca alli cashca cachun niyari. Paicuna ñucata llaquichinaman jatarishpapish pingai tucushpallami saquiringacuna. Ashtahuanpish quiquinpajta rurajtaca cushichiyari.

SALMOS 15:5

cullquita mañachishpapish, mana huahua cullqui jahua mañachij, ima mana allita mana rurashca cajpipish paita llaquichingaraiculla camarita mana japijmi chaipica causagringa. Maijanpish tucui chaicunata manataj rurajca mana lluchcaringachu.

SALMOS 69:4

Ñucata p'iñajcunaca ñuca uma ajchatapish yallimari mirarishcacuna. Yangamantamari ñucataca p'iñancuna. Ñucata p'iñajcunaca imatapish rurai tucujcunamari tucushca. Yangamantamari ñucataca llaquichincuna. ¿Manapish shuhuashca cashpapish pagashachu?

ÉXODO 22:25

Ñuca agllashca cancunaca cancunahuan caj imata mana charijcunaman cullquita mañachishpaca, cullquita mañachijcuna rurashca shinaca ama ruranguichij. Huahua cullquitapish ama cobranguichij.

PROVERBIOS 26:2

Ima mana allita, manapish rurajtaca, ima llaquipish tucushca alli canman nishcapish mana pajtanchu. Gorrioncuna tazinta chingachishpa puricuj shina, golondrinacuna huairata puricuj shinallami.

JEREMÍAS 15:20

Chashna rurajpica cai runacunapaj ñaupajpica, jatun bronce patata shinami churasha. Canhuan ch'imbapurangapaj shayarishpapish, manataj mishangacunachu. Canta cuidangapaj, mitsangapajca ñucatajmi canhuan casha. Ñuca, Mandaj Diostajmi chashna nini.

LEVÍTICO 25:36

Paiman cullquita mañachishpapish ama huahua cullquita mañangui. Ashtahuanpish cambaj Taita Diosta manchangui. Chai huajcha runaca canhuan causangallami.

LEVÍTICO 25:37

Cullquita can mañachishpaca, ama huahua cullquita mañangui. Micunacunata fiyachishpapish ama yallihuan japingui.

HABACUC 1:3

¿Ima nishpataj ñuca mana ricunachishca millaita ruranacunataca ricuchihuanguiyari? Ñuca ñahuipica chingachijcunapish, llaquichijcunapish, rimajcunapish, c'amijcunapishmi ricurin.

Mateo 24:9

Chai punllacunapica cancunataca llaquichichun prezuchingacunami, huañuchingacunami. Ñucata caticushcamantaca tucuicunami p'iñangacuna.

Mateo 5:44

Ashtahuanpish ñucaca cashnami nini: Cancunata p'iñajcunatapish c'uyanguichij. Cancunata llaqui tucushca cachun nijcunatapish alli cashca cachun ninguichij. P'iñajcunapajpish allita ruranguichij. Maipish cachun rimashpa, llaquichina yuyailla llaquichijcunamantapish Taita Diosta mañanguichij.

Lucas 2:34

Simeonca Dios allicunata cuchun nishca q'uipami Jesuspaj mama Mariataca: –Cai huahuataca, cai Israelpica achcacuna urmanapaj achcacuna jatarinapajmi churashca. Paica achcacuna Diosta p'iñana cashcata ricuchijmi canga.

Lucas 6:22

Runa Aichayujta caticushcamanta runacuna p'iñajpi, mana ricunachishpa paicunapuramanta anchuchijpi, cancunapaj shutitaca millaita rurajta shina yangata rurashpa c'amijpipish cushichishcami canguichij.

Hechos 28:22

Ñucanchijca can caticushca mushuj yachanata maipipish p'iñashpa rimacushcatami uyarcanchij. Chaimantami can imallata yuyashcata uyashun ninchij nircacunami.