JEREMÍAS 15:1 - Dios Rimashca Shimicunami

¹ Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

JEREMÍAS 15:1 Iomraidhean Croise

GÉNESIS 19:27

Abrahamca cayandij tutamantaca, Mandaj Dioshuan maipi cashcallamantajmi rirca.

2 REYES 17:20

Chaimantami Mandaj Diosca, Israelpaj huahua huahuacunataca tucuita cungarishpa saquirca. Paipaj ñaupajmanta tucui anchungacamami llaquichishpa shuhuacunapaj maquipi churarca.

SALMOS 106:23

Diosca paicunataca tucuchisha nircami. Pai agllashca Moisés chaupipi shayarishpa mana rogarishca cajpica, tucuchinmanmi carca. Ama tucuitaj chingachichun pai llaquichina cashcata anchuchichunmi chashna rurarca.

SALMOS 99:6

Moiseshuan Aaronhuanca Taita Diospaj curacunapurami carca. Samuelca paipaj shutipi mañajcunapurami carca. Mandaj Diosta paicuna mañajpica, paica cutichijmi carca.

PROVERBIOS 14:35

Jatun mandajca, paipaj runa alli yuyaiyuj cajpica c'uyanmari. Ashtahuanpish paita pingachij runataca p'iñanmi.

JEREMÍAS 10:18

Mandaj Diostajmi cashna nin: Cunanca cai llajtapi causajcunataca, huaracahuanmi caruta shitagrini. Chaipi ñacachijpitajca nanachingacunami– ninmi.

JEREMÍAS 11:14

Chashna cashcamantaca, canca ama paicunamanta ñucata mañanguichu, ama ñucata caparinguichu. Ñucaca llaquipi cashpa, paicunataj mañajpipish mana uyashachu.

JEREMÍAS 14:11

Shinallataj Mandaj Diosca, ñucataca cashnapishmi nirca: “Ñucataca ama cai runacunapaj ima allita rurachun mañaichu.

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

JEREMÍAS 15:19

Mandaj Diosca cashnami nirca: “Can ñucaman cutirijpica, ñucapish canta chasquishami. Cutin ñucata servingapaj ñuca ñaupajpi cai tucunguimi. Ima yangacunata rimanata saquishpa, alli shimicunallata rimashpaca, cutintaj ñuca ima nishcata huillanguillami. Canca ama paicunaman tigrarichu. Ashtahuanpish paicuna cambajman cutirichun saquiyari.

JEREMÍAS 16:13

Chaimantami cancunataca cai llajtamanta llujshichishpa, cancunapish cancunapaj ñaupa yayacunapish mana rijsishca llajtaman cachagrini. Ñuca cancunata llaquinataca ama yuyaichijchu. Chai llajtapica tutapish, punllapish shujtaj dioscunata servishpa causacunguichijlla ninmi ningui” nircami.

JEREMÍAS 16:5

Mandaj Diosca ñucataca cashnapishmi nirca: “Maijan huañushcamanta huacacujcunapaj huasimanca ama yaicunguichu. Paicunapaj shungu samarichun imallatapish ama ninguichu. Huañushcamantapish ama huacanguichu. Cai runacunamantaca ñucatajmi sumaj causaita anchuchircani. Ña mana llaquisha, mana nanarishapishchu. Mandaj Dios ñucatajmi chashna nini.

JEREMÍAS 18:20

Cambaj ñaupajpi shayarishpa, ñuca paicunamanta mañashcataca canllataj yuyaripayari. Can paicunahuan ama ashtahuan p'iña cachunmari mañarcani. Chashna allita rurashcamantaca ¿llaquita cutichina cajpichu ñucapajca pambana jutcuta ña allashpa charicuncuna imatagari?

JEREMÍAS 22:28

Cai Conías runaca ¿pi mana nishca, p'aqui allpa manga shinachu imatagari? ¿Pi mana nishpa shitashca paya mangachu imatagari? ¿Imamantataj paitapish, paipaj huahuacunatapish mana rijsishca llajtaman llujshichishpa cachashca rincunachu imamí?

JEREMÍAS 23:39

Cancunataca ñuca ñaupajmanta llujshichishpa cachashpa cungarishami. Cancunapaj ñaupa yayacunamanpish, cancunamanpish cushca cai pueblotapish tucui urmachishami.

JEREMÍAS 35:19

Chashna cazushcamantaca, Recabpaj churi Jonadabpaj huahua huahuapuramantaca, shujllapish ñuca ñaupajpi ñucata servinamantaca manataj illangacunachu ninmi. Tucuita Mandaj, israelcunapaj Diostajmi chashna nin” nircami.

JEREMÍAS 52:3

Chaimanta yallitaj p'iñarishpami, Mandaj Diosca Jerusalenpi causajcunatapish, Judá llajtapi causajcunatapish paipaj ñaupajmanta llujshichishpa cacharca. Chai q'uipami Sedequiasca, Babilonia llajtata jatun mandajtaca c'ariyarca.

JEREMÍAS 9:19

Sionmantaca: “Ñucanchij allpacunata shitashpamari rigrinchij. Ñucanchij huasicunataca tucuimari urmachincuna. Caitaj jatun llaquitamari rurancuna, jatuntamari pingai tucunchij” nishpa huacashcamari uyaricun.

EZEQUIEL 14:14

Noepish, Danielpish, Jobpish, paicunallami cashcata rurajcuna carca. Paicunallami cai llajtamantaca cashcata rurajcuna cashcamanta quishpirinman. Mandaj Jatun Diostajmi chashna nini.

EZEQUIEL 22:30

Cai llajtata ama llaquichichun nishpa ñuca ñaupajpi jarcashpa pata tunirishcapi shayarichunmi, israelcunapuramanta shuj runata mashcarcani. Chaita ruraj runataca manamari japircanichu.

OSEAS 9:15

Tucui laya millaita ruranataca Gilgalpimi rurarcacuna. Ñucapish chaipimi paicunataca p'iñai callarircani. Paicunapaj rurashcacunaca yallitaj millai cajpimi, ñuca huasimantaca llujshichishpa cachasha. Paicunataca ña mana ashtahuan c'uyashachu. Paicunata mandajcunaca tucuicuna mana cazujcunami.

ZACARÍAS 3:3

Josueca, Mandaj Diospaj angelpaj ñaupajpica, yallitaj mapa churanata churashcami shayacurca.

DEUTERONOMIO 9:26

Mandaj Diostaca cashnami mañarcani: Mandaj Jatun Dioslla, cambaj cajcunataca amataj chingachihuaichu. Egiptomantaca cambaj cashcamantamari can jatun cashcahuan, cambaj tucuita rurai tucuj maquihuan cacharichishpa llujshichimurcangui.

Hebreos 9:24

Shina cajpica Cristoca, jahua pachapi tiyaj Diospaj huasipi ima shina cajta ricuchij cai pachapi runacuna rurashca huasillamanca mana yaicurcachu. Ashtahuanpish cunanca ñucanchijmanta Diospaj ñaupajpi ricuringapajmi, paica jahua pachamantaj yaicurca.

JUECES 5:9

Israelcunata mandajcuna, ñuca shunguca cancunahuanmi. Quiquin munaimanta macanacuiman llujshijcuna ñuca shunguca cancunahuanmi. Mandaj Diostaca alabaichij.

1 SAMUEL 12:19

Tucui israelcunami Samueltaca: –Cambajta rurajcuna ama huañuchun Mandaj cambaj Diosta mañapaiyari. Tucui ñucanchijmari juchata rurashca jahua ñucanchijta mandachun jatun mandajta churai nishpa mañashpaca millaita rurashcanchij– nircacuna.

1 SAMUEL 12:23

Ñucapish Mandaj Diosta cancunamanta mañanataca mana saquishachu. Chaita saquinaca Mandaj Diosta p'iñachishpa juchallinami canga. Cancunata saquinapaj randica alli ñanpi mana pandashpa causanatami yachachisha.

1 SAMUEL 7:9

Chaimi Samuelca, chuchucujraj bachujta japishpa Mandaj Diosman tucuita cushpa rupachirca. Samuelca Mandaj Diostaca caparishpa israelcunamanta mañajpimi, Mandaj Diosca pai mañashcata uyarca.