JEREMÍAS 14:3 - Dios Rimashca Shimicunami

³ Charijcunaca, cullqui jahua paicunata servijcunatami yacuman cachancuna. Paicunaca pugyuman chayashpapish, yacuta mana japishpami, chushaj puñucunahuan tigrancuna. Chaimantami yallitaj pingai tucushpa, llaquirishpa umata taparincuna.

JEREMÍAS 14:3 Iomraidhean Croise

2 SAMUEL 15:30

Davidca Olivocuna tiyaj huichitami uma ch'ungurishca, lluchu chaquilla huacaihuan huichiyarca. Tucui paihuan cajcunapish tucuicuna uma ch'ungurishcami huacaihuan llujshircacuna.

2 SAMUEL 19:4

Jatun mandajca ñahuita taparishcami, yallitaj caparishpa: “Ñuca huahua Absalonlla, Absalón ñuca huahualla, ñuca huahualla” nishpa huacacurca.

1 REYES 17:7

Chai llajtata asha punllacunata ña manataj tamyajpimi, chai huaicu yacupish chaquirirca.

2 REYES 18:31

Chashna nijpipish Ezequiastaca ama uyaichijchu. Ashtahuanpish Asiria llajtata jatun mandajca cashnami nin: Ñucata rogarishpa ñucahuan alli tucuichij. Chashna cashpaca quiquin uva chagracunamanta, quiquin higo yuracunamantami micunguichij, quiquin pugyucunamantami yacutapish ubyanguichij.

ESTER 6:12

Chai q'uipaca Mardoqueoca, jatun mandaj mandana huasiman yaicuna pungupi pai tiyacushcallamantaj tigrarcallami. Amanca yallitaj pingai tucushpami, llaquirishpa umata ch'ungullirishpa paipaj huasiman utca rirca.

JOB 6:20

Ashtahuanpish paicuna shuyacushca mana ricurijpica pingarircacunami. Chai yacucuna tiyashcaman chayashpaca, yacutaca mana japircacunachu.

SALMOS 109:29

Ñucata p'iñajcunaca yanganchishca canahuan churarishca cachun. Jahua churanaca musparishca canahuan churarishca cachun.

SALMOS 40:14

Ñucata huañuchishpa chingachingapaj mashcajcunaca pingachishca cachun, muspachishca cachun. Ñucata llaqui tucushca cachun nicujcunataca huashaman tigrachishca cachun. Pingachishca cachun.

JEREMÍAS 14:4

Mana tamyajpi allpa chijtarijta chaquishcamantami, chagrata rurashpa causajcunapish jatunta llaquirishpa umata tapashca purincuna.

JEREMÍAS 15:18

¿Imamantataj ñuca nanaica manataj anchurinchu imatagari? ¿Imamantataj ñuca chugrica ima jambihuan mana alliyashpa nanacunllachu imatagari? ¿Ñucapajca ima ricurishcahuan chingarijlla shina, llujshicushcahuan chaquirijlla yacu shinachu cagringui imatagari?

JEREMÍAS 2:13

Ñuca agllashcacunaca, ishqui jatun millaitami rurancuna: Puntaca causaita cuj yacu llujshicuj pugyu caj ñucatamari saquincuna. Chaimantaca yacu chaquijlla jutcucunatamari yacupaj rurancuna.

JEREMÍAS 2:37

Egipto llajtamantapish ñahuita maquihuan taparishcallatajmi tigrangui. Ñuca, Mandaj Diostajmi can shunguta churashca runacunataca p'iñashpa shitarcani. Chaimanta paicunamantaca, ima allita mana chasquinguichu.

JEREMÍAS 20:11

Shina cajpipish Mandaj Dioslla, canmari alli macanacuj jatun soldado shina ñucataca cuidacungui. Ñucata p'iñajcunaca mana mishai tucushpa urmangacunami. Huiñaita mana cungaripajtamari pingai tucushpa saquiringacuna.

JEREMÍAS 3:3

Chashna rurashcamantamari punta tamyana punllacunapipish, q'uipata tamyana punllacunapipish mana tamyarca. Shina cajpipish huainayaj, pingai illaj huarmi shinamari manataj pingai tucungui.

LAMENTACIONES 4:4

Chuchucuj huahuacunaca yacunaihuan c'allu chaquishpami, jahua lado shimi ucupi llutarirca. Uchilla huahuacuna micunata mañajpipish, imata pi mana cui tucurcacunachu.

OSEAS 2:3

Mana chashna rurajpica, ñucaca tucuitami quichusha. Lluchullatami saquisha. Huachari punllapi ima shina cashca shinatami saquisha. Shitashca pambata shinami rurasha. Chaquishca allpata shinami saquisha. Yacunaihuan huañuchunmi saquisha.

JOEL 1:20

Larca yacucunapish chaquirinca. Shitashca pambacunapi tiyaj q'uihuacunatapish nina tucui rupachinca. Sacha animalcunapish, can Mandaj Diosmanca huacashpami huillangacuna.

AMÓS 4:7

“Shinallataj granocunata tandanapaj quimsa quilla illajpirajmi, tamyatapish mana cacharcani. Maijan pueblota tamyachishpapish, maijan pueblotaca mana tamyachircanichu. Chaimantami maipi tamyashcapica, alli grano p'ucurca. Maipi mana tamyashcapica, tucui chaquirirca.

AMÓS 4:8

Yacunaihuan huañucushpami, tauca pueblocunamanta shamushpa shuj pueblollapi yacuta ubyarcanguichij. Chashna ubyashpapish yacunai pararijtatajca, mana ubyarcanguichijchu. Chashna llaquita apacushpapish, ñucamanca manataj cutirircanguichijchu” ninmi Mandaj Diosca.

ZACARÍAS 14:17

Ashtahuanpish cai pachapi causaj maijan familiacuna tucuita Mandaj Jatun Diosta Jerusalenpi adoranaman mana huichiyajpica, paicunapajca tamyapish mana shamungachu.