JEREMÍAS 14:2 - Dios Rimashca Shimicunami

² “Judá runacunaca, tucuicunami llaquirishpa huacacuncuna. Pueblo pungucunatapish, pi mana llujshishpa yaicushpa ricurinchu. Jerusalenpi causajcunaca llaquirishpa pambapi tiyarishpami, caparirishpa huacancuna.

JEREMÍAS 14:2 Iomraidhean Croise

JOB 34:28

Huajchacunatapish, imata mana charijcunatapish jatunta llaquichishpami, Diospaj ñaupajpi uyarijta caparichircacuna.

SALMOS 144:14

Ñucanchij huagracunapish trabajanapaj sinchicuna cashca cachun. Ñucanchijta quichushpa rijcunapish, ñucanchij llujshishpa rinapish ama tiyashca cachun. Ñucanchij plazacunapica macanacuiman llujshinata caparinapish ama tiyashca cachun.

ÉXODO 2:24

Paicuna aij nishpa caparishcata uyashpami, Taita Diosca Abrahamman, Isaacman, Jacobman ari nishcata yuyarirca.

ISAÍAS 15:5

Chaipica Moabmantaca caparishpami huacasha. Chai llajtamanta llujshishpa rijcunaca, Zoarcamami miticushpa ringacuna. Paicunaca quimsa huatayuj huagra shinami ringacuna. Luhit huichitami huacaihuan huichiyangacuna. Horonaimman rina ñantaca llaquichishcamanta huacanata huacaihuanmi ringacuna.

ISAÍAS 24:11

Vino illashcamantami ñancunapi caparishpa puricuncuna. Yallitaj cushicunaca chulunyashcamari. Cushicunataca cai pachamanta anchuchishcamari.

ISAÍAS 24:4

Allpaca llaquimari tucushca, chushajmari saquirishca. Cai pachaca ungushcamari urmashcamari. Cai pachapi ashtahuan charij llajtacunapish ungushcamari.

ISAÍAS 24:7

Uva chagraca ungurcami. Vinopish ashallayarcami. Cushijlla shungucuna cashcaca tucuicunami aij nicurcacuna.

ISAÍAS 3:26

Paicunapaj pungucunapish llaquillami cangacuna. Llaquilla cashcata ricuchij churanatami churaringacuna. Puebloca shitashcami saquiringa. Allpa pamballapimi tiyaringacuna.

ISAÍAS 33:9

Allpaca llaquilla ungushcamari. Líbano urcu sachaca p'itishcamari chaquirishcamari pingaimi tucushca. Sarón llajtaca shitashca pambamari tucushca. Basán urcupish, Carmelo urcupish chaspishcamari saquirishca.

ISAÍAS 5:7

Tucuita Mandaj Diospaj uva chagraca, israelcunami. Chaica chashnatajmi. Judaca Mandaj Dios munashpa tarpushca sumaj uvacunami. Allita rurajcuna cachunmi munarca, ashtahuanpish mapa q'uihuacunami tucurca. Cashcata rurajcuna cachunmi munarca, ashtahuanpish caparishca huacaicunallami tiyan.

JEREMÍAS 11:11

Chaimantami pai Mandaj Diostaj cashnapish nin: “Cunanca paicunapajca mana llujshi tucuipaj jatun llaquitami apamugrini. Chai llaquita apacushpa ñucata mañajpipish, manataj uyashachu.

JEREMÍAS 12:11

Shujllapish mana yuyaita japishpa causajpimi, tucui llajtata llaquichircani. Jatunta llaquichichun saquijpimi, ñuca shitashcacunaca llaquinayajta huacancuna.

JEREMÍAS 12:4

Cai llajtapi causacujcunaca: “Ñucanchij imata ruracujtaca, Diosca mana ricungachu” nishpami, yallitaj millaita rurancuna. Chaimantamari q'uihuacunapish tucui chaquishpa, allpapish shitashca pamba shina chaquishca saquiricun. Animalcunapish, pajarocunapish huañushpa tucuricunmari. ¿Maicamataj chashna saquigringuiyari?

JEREMÍAS 18:22

Paicunapaj huasicunapi caparirishca uyarichun, p'iñaj soldadocunata ñapish chayachinguillami. Paicunaca ñucata urmachingapajmari jutcuta allashcacuna. Ñuca chaqui sarunapimari urmanata churashcacuna.

JEREMÍAS 4:28

Chai llaqui shamujpica, allpaca yanata churarishca shinami saquiringa. Jahua pachapish amsayangami. Chaitaca ñucatajmi chashnami rurasha nircani. Chashna ruranata yuyarishcataca, mana shujtajyachishachu. Ama chashna rurasha nishpa, mana saquishallachu” nircami.

JEREMÍAS 46:12

Cancuna pingai tucushcataca, ñami caishuj llajtacunapipish yachaj chayancuna. Shuj soldadoca caishuj soldadohuan tsagmarishpamari, chaillapitaj urmancuna. Chashna llaqui tucujpi cancuna caparirishcaca, tucui cai pachapimari uyarirca” nishpami huillarca.

JEREMÍAS 8:21

Ñuca llajtapi causajcuna llaquita apacujpimari, ñucapish jatun llaquihuan cani. Llaquihuan, manchaihuan yuyai amsayashcamari cani.

LAMENTACIONES 2:8

Sión pueblo muyundij jatun pircataca, Mandaj Diosmari urmachinata yuyarirca. Cordelta chutashpamari, mana llaquishpa tucuita urmachirca. Canllanij jatun pircatapish, ucunij pircatapish ishquindijtami tandachishpa urmachirca. Jatunta caparirishpa huacanatami rurarca.

LAMENTACIONES 2:9

Pueblo pungucunatapish aisashpa pambapimi shitarca. Fierro aldabacunatapish ñutushpa tucuchircami. Paicunata jatun mandajpish, caishuj mandajcunapish Mandaj Dios mandashcata mana charij llajtacunapimi prezu causacuncuna. Dios ima nishcata huillajcunamanpish imata huillachun ña mana ricuchinchu.

LAMENTACIONES 5:10

Yaricaihuan chaquishpamari, ñucanchij aicha carapish horno shina yanayarca.

OSEAS 4:3

Chaimantami cai llajtaca achca jatun llaquilla canga. Cai llajtapi causajcunaca tucuicunami fuerza illajlla tucungacuna. Sacha animalcuna, huairata purij alasyuj animalcunaca huañungami. Mama cuchapi causaj chalhuacunacamami huañunga.

JOEL 1:10

Chagracunaca llaquinayajmari. Tarpuna allpaca, chushaj yana allpallamari. Trigopish tucurishcamari, llullu vinopish chaquirishcamari, aceitepish chingarishcamari.

JOEL 1:11

Allpapi tarpushpa causajcunapish, uvata tarpushpa causajcunapish caparirishpa huacaichigari. Allpapi tarpushca trigo muyupish, cebada muyupish tucuimari chingarishca.

JOEL 1:14

Ayunangapaj tandanacuchun tucuicunaman huillaichigari. Cancunata Mandaj Diospaj huasimanca cunaj yuyajcunatapish, cai llajtapi causajcunatapish tucuicunata tandachishpa, Mandaj Diosta caparishpa mañaichigari.

JOEL 2:6

Paipaj ñaupajpica, tucuicunami manchangacuna. Ñahuicunapish, quillu quillumi tucungacuna.

HAGEO 1:11

Ñucamari cai llajtapica mana tamyachircani. Chaimantami urcucunapish, tarpuna allpacunapish tucui chaquishca siricun. Shinallataj trigotapish, vinotapish, aceitetapish, allpapi imalla p'ucushcatapish tucuimi chaquichircani. Runacunatapish, animalcunatapish, runacunapaj maquihuan trabajashcacunatapish tucuimi chingachircani” nishpami huillachirca.

ZACARÍAS 7:13

Tucuita Mandajca cashnami nin: “Ima shinami paicunapish ñuca rimashcacunata mana uyarcacuna, chashnallatajmi paicuna mañashcatapish mana uyarcani.

1 SAMUEL 5:12

Chupu ungüihuan manaraj huañujcunaca, yallitaj chupu ungüihuan cashpa caparishcaca jahua pachacamanmi huichiyarca.

1 SAMUEL 9:16

“Caya cai horas shinallatajmi, ñucaca Benjaminpaj llajtamanta shuj runata cambajman cachasha. Paitaca ñucapaj caj israelcunata mandaj cachun aceitehuan churangui. Paimi ñucapaj cajcunataca filisteocunapaj maquimanta quishpichinga. Ñucapaj cajcuna llaquita apacujtaca ricunimi. Paicuna caparishpa mañashcapish ñucapajmanmi chayan” nirca.