JEREMÍAS 13:9 - Dios Rimashca Shimicunami

⁹ “Ñuca, Mandaj Diostajmi cashna nini: Judá runacunapish, Jerusalenpi causajcunapish imahuan yallitaj jatun tucushpa cushicucushcataca cai chumbita shinami ismuchigrini.

JEREMÍAS 13:9 Iomraidhean Croise

PROVERBIOS 16:18

Manaraj llaqui tucushpaca, jatun tucushcami causancuna. Manaraj urmashpaca, c'ari tucushcami causancuna.

ISAÍAS 16:6

Moabitacunataca jatun tucushca cashcatami uyashcanchij. Paicunaca c'ari c'ari tucushcacunami, jatun tucushcacunami, ñahui alzashcacunami. Imata rimacushcata mana entendishpa yallitaj jatun tucushcacunami. Paicuna llullashpalla chashna cashcaca mana caticungallachu.

ISAÍAS 23:9

Paicunapaj chashna cashcahuan jatun tucushcacunata pingachingapajmi, tucuita Mandaj Dios chashna tucuchun mandashca. Cai pachapi causaj jatun tucushcacunata cumurichingapajmi chashna rurasha nishca.

JEREMÍAS 13:8

Chaimantami Mandaj Diosca, cutinllataj cashna mandarca:

JEREMÍAS 25:18

Puntaca Jerusalenpi, Judá llajtapi caj tucui caishuj pueblocunapi causajcunaman, paicunata jatun mandajcunamanpish, caishuj mandajcunamanpish ubyachishpami, jatun llaquipi churarcani. Chaita ubyashpami, chanzata rurashpa asina, shujtajcunatapish paicuna shina tucushca alli cachun nishca canapaj saquirircacuna. Cunancamami chashna causacuncuna.

JEREMÍAS 48:29

Moab runacuna jatun tucushca cajtaca uyashcanguichijllatajmi. Paicunaca yallitaj jatun tucushca, c'ari c'ari tucushca, pita mana manchaj, pita mana cazuj tucushcacunami.

EZEQUIEL 16:50

Paicunaca ñuca ñaupajpica, yallitaj millaita rurashpami, jatun tucurcacuna. Chashna mana allita rurashcamantami tucuita chingachircani.

EZEQUIEL 16:56

Can jatun tucushca cai punllacunaca cambaj ñaña Sodomataca, mana chanzata rurashpa asinachu canguichij.

LEVÍTICO 26:19

Rumi shungu jatun tucushcataca chingachishami. Cancunapaj cielotapish fierro shinatami rurasha. Cancunapaj allpatapish bronce shinatami rurasha.

NAHUM 2:2

Mandaj Diosca Jacobopaj huahua huahua israelcuna sumaj cashcataca, cutinmi alliyachinga. Shuhuacunaca paicuna imalla charishcacunatami quichushpa aparcacuna. Paicunataca uva yuracunata saruj shinami sarurcacuna.

SOFONÍAS 3:11

Cancunapaj chaupimantaca, jatun tucushpa cushicujcunataca anchuchishami. Chaimantami ñucapajlla urcupica, ña mana cutinca jatun tucunguichij. Chashnami chai punllapica, cancunaca millaita rurashpa ñucata c'ariyashcamanta ña mana pingachishca canguichij.

Lucas 18:14

Cancunaman huillanimi: Impuestota japij runarajmi huasimanca Taita Dios alli nishca tigrarca. Fariseo mañashcataca mana chasquircachu. Maijanpish jatunmi cani nirijtaca, pingachishcami canga. Mana jatun tucujtaca, jatunyachishcami canga” nircami.

Santiago 4:6

Ashtahuanpish Diosca, mana c'uyaipajta c'uyaj canatami achcata cun. Chaimantami: “Diosca valishca tucujcunataca mana ricunachin. Mana jatun tucujcunamanmi mana c'uyaipajta c'uyaj canata cun” ninmi.

1 Pedro 5:5

Shinallataj q'uipa huiñaicunapish ancianocunata cazuichij. Tucuicuna caishujmanta chaishujmanta cazunacuichij. Mana jatun tucushca cana yuyaita churarichij. “Jatun tucushcacunataca, Diosca mana ricunachinchu. Mana jatun tucushcacunamanca paipaj mana c'uyaipajta c'uyaj canatami cun”.