JEREMÍAS 13:16 - Dios Rimashca Shimicunami

¹⁶ Cancunata Mandaj Diosca punllata amsayachigrinca, jatun urcucunahuanmari tsagmarigrinchij. Achijman llujshichichunmi cancunaca shuyacurcanguichij. Chaita ruranapaj randica, huañuna jatun amsa llaquipimari churanga. Amaraj chashna rurajpi, paitaca jatunyachichigari.

JEREMÍAS 13:16 Iomraidhean Croise

JOB 3:5

Huañuna amsa tucushpa, mana alli punlla cajpichari. Llandulla punllapi shina yana p'uyu tapashpa, manchanana amsata rurajpichari.

SALMOS 107:10

Maijancunaca amsapimi causarcacuna. Huañunalla amsapimi causarcacuna. Cadenacunahuan huatashca, llaquinayajtami prezu causacurcacuna.

SALMOS 107:14

Amsamantami llujshichirca. Huañunalla amsamantami llujshichirca. Huatashcacunatapish p'itircami.

SALMOS 29:2

Mandaj Diospaj shutitaca alabanataj cashcamanta alabaichij. Mandaj Diosca ima jucha illajpi cashcamanta adoraichij.

SALMOS 44:19

¿Ima nishpataj chacalcuna causanaman shitanguiyari? ¿Ima nishpataj huañunalla amsahuan tapanguiyari?

ÉXODO 10:21

Mandaj Diosca, Moisestaca: –Tucui Egipto llajta yallitaj amsayajpi maijan cashpapish maquihuan tantiacuchunlla cambaj maquita jahua pachaman huichi chutai– nircami.

PROVERBIOS 4:19

Diosta mana manchajcunapaj ñanca amsa tuta shinami, imapi tsagnaricushcatapish mana yachancunachu.

ECLESIASTÉS 11:8

Shina cajpipish, uni huatacunata causashpa, chai tucui huatacunapi cushicushca cashpapish ashtahuan unita amsapi canataca yuyarichun. Q'uipataca tucui imapish yangallami canga.

ISAÍAS 5:30

Chai punllaca jatunta huajiashpami shamunga. Mama cucha yacu huajiaj shinami shamunga. Jahua pachamanta achijyachijcunapish amsayangami. Maijanpish cai llajtata ricushpaca, jatun amsa llaquitami ricunga.

ISAÍAS 59:10

Ñahui mana ricujcuna shinami, patacunapi tantiacunchijlla. Ñahui illajcuna shinami tantiashpalla purinchij. Chaupi punllapish amsa tutapi shinami ñitcarinchij. Huañushcacuna amsa ucucunapi caj shinami amsa ucucunapi canchij.

ISAÍAS 59:9

Chaimantami cashcata ruranaca, ñucanchijmanta anchurishca. Ima mana pandata ruranataca mana pajtashcanchijchu. Achij punllata shuyashpapish amsallapitajmi canchij. Achijyachijta shuyashpapish amsallapitajmi purinchij.

ISAÍAS 60:2

Riqui, cai pachataca amsami tapanga. Tucui llajtacunataca amsami pilluchinga. Ashtahuanpish Mandaj Diospaj achijmi canpica achijlla canga. Mandaj Diospaj sumaj cashcaca canpimi ricuringa.

ISAÍAS 8:22

Allpata ricushpaca llaquicunata, yallitaj amsatami ricungacuna. Paicunaca chai yallitaj amsapimi shitashca cangacuna.

JEREMÍAS 14:19

Mandaj Dioslla, Judá runacunataca ¿huiñaipajchu shitangui imatagari? ¿Sión urcutapish ña manatajchu ricunachingui imatagari? ¿Imamantataj imahuan mana jambiripajta chugrichihuarcanguiyari? Sumaj causaitamari shuyarcanchij, ima alli punllacuna mana chayamunca. Jambichunmari shuyarcanchij, ashtahuanpish mancharina llaquillamari shamun.

JEREMÍAS 2:6

Paicunaca ña mana ñucata mashcanata yuyarircacunachu. Ñucanchijta Egipto llajtamanta llujshichishpa, shitashca, chaquishca pambacunata pushamuj, ñanllapish mana tiyaj, pi mana purishca, pi mana causashca huañunalla llajtata pushamuj Mandaj Diosca ¿maipitagari? ninataca mana yuyarircacunachu.

JEREMÍAS 23:12

Chaipica paicunapajca, jatun lluchca ñanta amsa tutapi puricushca shinami canga. Chashna lluchcapi cajpitaj, t'angashpa shitajpi shinami llaquipi urmangacuna.

JEREMÍAS 4:23

Cai llajtata ricujpica, chushaj allpallami ricurirca. Jahua pachata ricujpipish, amsallami carca. Ima achijyachij mana ricurircachu.

JEREMÍAS 50:6

Ñuca agllashcacunaca, chingarishca ovejacunami carca. Michijcunamari pandachircacuna. Paicuna urcucunaman pushashpa shitashpa saquijpimari, loman loman purishpa corraltapish cungarishpa mana tigrarcacuna.

JEREMÍAS 6:21

Mandaj Diosca cashnapishmi nin: “Ñucaca cai runacuna urmachunca, ñucatajmi ñitcarinacunata churani. Chaicunapi ñitcarishpami yayacunapish, churicunapish urmangacuna. C'uchullapi causajcunandij, paicunahuan apanacujcunandijmi huañungacuna” ninmi.

JEREMÍAS 8:15

Sumaj causaitamari shuyacurcanchij. Ashtahuanpish ima alli mana tiyanchu. Cai jatun nanaita jambichunmari shuyacurcanchij. Ashtahuan mancharina llaquillami tiyan.

LAMENTACIONES 4:17

Ñucanchijta ayudanaman shamuchunca, yangallamari ñahuicuna shaicujta chaparcanchij. Manapish ayudai tucuipaj llajtallatamari shunguta churashpa yanga shuyashcanchij.

EZEQUIEL 21:15

Chaita ricushpaca mancharinguichijmi, ashtahuan achcacunami huañungacuna. Chai manchachij espadataca, tucuicunapaj pungucunapimi churarcani. ¡Aij, huañuchingapajca ñamari achijllata rurashca tiyacun! Cungata p'itingapajmari ña allichishca tiyacun.

EZEQUIEL 34:12

Ima shinami michijca chingarishca ovejacunapurapi caj paipaj ovejata rijsin, chashnallatajmi ñucapish ñuca ovejacunataca rijsisha. Shinallataj p'uyulla amsa punllapi caita chaita cachashca llajtacunamantaca llujshichishpa tandachishami.

EZEQUIEL 36:15

Shinallataj shujtaj llajtacunapi causajcuna c'amishpa rimashcatapish, ña mana ashtahuan uyanguichijchu. Cancunapi causaj huahuacunatapish, ña mana ashtahuan huañuchinguichijchu ninmi Mandaj Jatun Diosca ni” nircami.

JOEL 2:2

Chai punllaca, manchanana amsa tutami tucunga. Chai punllaca, p'uyu llandu punllami tucunga. Tutamanta utcata urcu jahuacunapi inti shitashpa achijyachicuj shinami, c'ari c'ari achca runacuna shamunga. Paicuna shinaca pi mana tiyarcachu. Paicuna shamushca q'uipapish, q'uipa huahua huahuacuna causai huatacunapica pi mana paicuna shina tiyangachu.

AMÓS 4:13

Mandaj Diosca urcucunatapish, huairatapish rurajmari, runacunamanpish pai imata yuyashcata huillajmi. Paica tutayachijpish, punllayachijpishmari. Paica tucui urcucunatapish purijmari. Paica tucuita Mandaj Taita Dios shutimari.

AMÓS 5:18

Mandaj Dios shamuna punllata shuyacujcunalla, ¡aij imachari tucunguichij! Mandaj Dios shamuna punllataca ¿imapajtaj shuyanguichigari? Pai shamui punllaca, amsa tutami canga. Ima achijyachijpish, mana tiyangachu.

MALAQUÍAS 2:2

Tucuita Mandaj Diosca cashnami nin: “Ñuca mandashcata mana uyajpi, tucui shunguhuan ñucata jatunyachinguichij nishcata mana cazujpica, cancunataca llaquichishatajmi. Ñucata mana cazushcamantaca, cancunaman cushca ima allicunatapish quichushami. Cancunallataj imatapish mana tucui shunguhuan ñucapajta rurashcamantami, saruncunamanpish llaquichircani.

Juan 12:35

Chaimi Jesusca: –Luzca ashacamallami cancunahuanca canga. Cancuna mana yuyashcapi amsa ama japichun, luz caipi cajpiraj luzhuan shujlla tucushpa purichij. Amsapi purijca, maiman ricushcata mana yachanchu.

JOSUÉ 7:19

Chaipimi Josueca Acán runataca: –Ñuca huahualla, israelcunata Mandaj Diostaca sumajmari cangui, allimari cangui nishpa, can imallata mana allita rurashcataca ama pacashpa huillai– nirca.

1 Pedro 2:8

Shinallataj: “Ñitcana rumimi, urmachij jatun rumipishmi” nishcami pajtashca. Paicunaca Diospaj shimita mana cazushcamantami ñitcancuna. ¡Paicuna mana cazushcamantami ñaupaman chashna tucuchun nishca!

1 SAMUEL 6:5

Cancunata llaquichicuj chupucunaman rijchajta, cancunapaj llajtacunapi llaquichicuj ucuchacunaman rijchajta rurashpa israelcunapaj Taita Diosta alli nichij. Cancunatapish, cancunapaj dioscunatapish, cancunapaj allpacunatapish llaquichinata ashallatapish saquingapishchari.