JEREMÍAS 13:12 - Dios Rimashca Shimicunami

¹² Paicunataca cashnapish ningui: Israelcunata Mandaj Diosca: Tucui puñucunami vinohuan jundanga ninmi ningui. Chashna nijpica paicunaca: Ari, tucui puñucunapi vino jundanataca yachanchijtajmari ningacunami.

JEREMÍAS 13:12 Iomraidhean Croise

JEREMÍAS 13:11

Ñucaca tucui israelcunatapish, tucui Judá runacunatapish ñucapajlla causachun, ñuca jatun cashcata ricuchijcuna cachun, shujtajcunapish paicunamanta ñucata alli nishpa jatunyachichunmi chumbihuan chumbillishca shina ñuca muyundijpi charicurcani. Shina cajpipish, paicunaca ñucataca mana cazurcacunachu ninmi Mandaj Diosca ningui.

JEREMÍAS 13:13

Chashna nijpica cashna ningui: Mandaj Diosca cashnami nin: Cai llajtapi causajcunataca tucuicunatami yuyai chingarijta machachigrini. David tiyanapi tiyashpa mandacuj paipaj huahua huahua jatun mandajcunamanta callarishpaca curacunatapish, ñucamanta huillajcunatapish, tucui Jerusalén pueblopi causajcunatapishmi machachigrini.

JEREMÍAS 25:16

Caita ubyashpaca, ñuca paicunapaj llajtacunaman espadahuan cachajpimi, chujchushpa musparingacuna” nircami.

EZEQUIEL 24:19

Chaita ricushpami tucui runacunaca: Can imalla rurashcacunaca ñucanchijpajca, imata ricuchij cashcataca ¿manachu huillangui? nishpami tapurcacuna.