JEREMÍAS 13:11 - Dios Rimashca Shimicunami

¹¹ Ñucaca tucui israelcunatapish, tucui Judá runacunatapish ñucapajlla causachun, ñuca jatun cashcata ricuchijcuna cachun, shujtajcunapish paicunamanta ñucata alli nishpa jatunyachichunmi chumbihuan chumbillishca shina ñuca muyundijpi charicurcani. Shina cajpipish, paicunaca ñucataca mana cazurcacunachu ninmi Mandaj Diosca ningui.

JEREMÍAS 13:11 Iomraidhean Croise

SALMOS 135:4

Mandaj Diosmari Jacobtaca, paipaj cachun agllarca. Israelcunataca paipajlla cachunmari agllarca.

SALMOS 147:20

Shujtaj llajtacunamanca chaicunata mana piman curcachu. Pai mandashcacunataca mana rijsircacunachu. ¡Mandaj Diosta alabaichigari!

SALMOS 81:11

Ashtahuanpish ñucapajlla cajcunaca ñucataca mana uyarcacunachu. Israelcunaca ñucataca mana munarcacunachu.

ISAÍAS 43:21

Cai israelcunataca ñucapajllami rurarcani. Paicunami ñucata alabanataca huillangacuna.

ISAÍAS 62:12

Paicunaca: “Mandaj Dios quishpichishca, pai agllashca jucha illajcunami” nishcami cangacuna. Cantaca: “Mandaj Dios munashca llajtami, ña mana shitashca llajtachu” ningacunami.

JEREMÍAS 13:1

Mandaj Diosca ñucataca: “Ri, shuj lino chumbita randishpa chumbilligri. Chai chumbitaca ama yacupi satinguichu” nirca.

JEREMÍAS 13:10

Cai runacunaca ñuca yachachishcata mana uyashun nij millai runcunami. Paicunapaj shungu yuyashcatami rurashpa causancuna. Shujtajcunapaj dioscunata mashcashpami, chaicunata servincuna, chaicunatami cungurincuna. Chashna rurashcamantaca, cai ismushca chumbi shina imapaj mana valijcunami.

JEREMÍAS 13:12

Paicunataca cashnapish ningui: Israelcunata Mandaj Diosca: Tucui puñucunami vinohuan jundanga ninmi ningui. Chashna nijpica paicunaca: Ari, tucui puñucunapi vino jundanataca yachanchijtajmari ningacunami.

JEREMÍAS 19:15

“Tucuita Mandaj, can israelcunapaj Diosca cashnami nin: Ñucaca cai pueblopajpish, tucui caishuj pueblocunapajpish jatun llaquitami apamusha nircanimi. Ñami chai llaquitaca apamugrini. Chai pueblocunapi causajcuna rumi shungu tucushpa, ñuca imata rimajpipish manataj uyashcamantami, chashna llaquichigrini ninmi” nircami.

JEREMÍAS 32:20

Canmari Egipto llajtapica, pi mana rurai tucuipaj jatun señalcunata rurarcangui. Cunancamapish ruracunguirajmari. Tucui runacunapurapipishmi chashnacunataca rurarcangui. Cunancama chaicunata rurashpamari, canca rijsishca jatun Dios cangui.

JEREMÍAS 33:9

Ñucapajca jatunta cushicunami cangacuna. Tucui cai pacha llajtacunaca, paicunamantami ñucataca jatun nishpa, sumaj nishpa alabangacuna. Israelcunapaj ñuca imalla allita rurashcata tucuicuna uyashpami manchangacuna, chujchungacuna. Paicuna mancharina allicunata rurashpami, sumaj causaita cusha. Chaita ricushpami, ñucata manchangacuna” ninmi.

JEREMÍAS 6:17

Shinallataj: “Trompetapi tocashcata uyaichij” nishpa huillajcunatapishmi churarcani. Paicuna chashna nijpipish cancunaca: “Mana uyashun ninchijchu” nircanguichijmi.

JEREMÍAS 7:13

Cancunapish cai tucui millaitami rurashpa causanguichij. Shina cajpipish ñucaca sarun huatacunamantami cancunataca punllanta rimani. Ashtahuanpish cancunaca manataj uyanguichijchu. Cayajpipish manataj cutichinguichijchu.

JEREMÍAS 7:23

Ashtahuanpish cashna nishpami mandarcani: Cancunaca ñuca rimashcata cazunguichij. Cancuna cazujpica, cancunapaj Dios cashami. Cancunapish ñuca agllashca runacunami canguichij. Ñuca imalla mandashcata chaitataj rurashpaca, allimi causanguichij nircanimi.

JEREMÍAS 7:24

Chashna mandajpica mana cazurcacunachu, mana uyashun nircacunallapishchu. Ashtahuanpish paicuna yuyashca shina causashpami, millai ch'ahuan shungucuna tucurca. Chashna tucushpami, ñaupajman rinapaj randica, huashaman rircacuna.

JEREMÍAS 7:26

Shina cajpipish manataj uyancunachu, manataj cazuncunachu. Ashtahuanpish ashtahuan sinchi shungucuna tucushpami, paicunapaj yayacunatapish yalli millaita rurancuna.

AMÓS 3:1

Israelcunalla, Mandaj Dios cancunata rimashcata uyaichij. Egipto llajtamanta cancunata llujshichimuj Mandaj Diosca, cancunataca llaquichigrinmi. Paimi cashna nin:

Lucas 10:11

“¡Cancunapaj pueblopi cajpi ñucanchij chaquipi ñutu allpa japirishcatapish, cancuna llaqui tucuna cashcata ricuchishpami caillapitaj chaspinchij! Ashtahuanpish caitaca yuyaripanguichij: Taita Dios mandanaca cancunapaj c'uchullapimi carca” ninguichij.

DEUTERONOMIO 26:18

Mandaj Diosca pai nishca shinallatataj pajtachishpami cancunataca cunanca ñuca agllashcacunami canguichij nishpa cancunataca chaipi causai callarichun nirca. Tucui pai mandashcacunata huaquichichunmi chashna nirca.

DEUTERONOMIO 26:19

Tucui pai rurashca llajtacunamantaca cancuna jatun llajta nishca, c'ari c'aricuna alli nishcacuna cachunmi chashna nirca. Mandaj Dios cancunapaj Taita Diosca pai nishca shina paipajlla ch'icanchishcacuna cachunmi chashna nirca” nircami.

DEUTERONOMIO 4:7

¿Maijan jatun llajtacunataj paicunapaj c'uchullapi charin dioscunataca, Mandaj Dios ñucanchij Taita Diosta charishca shina mañashcata uyaj diostaca charincunari?

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.