JEREMÍAS 13:10 - Dios Rimashca Shimicunami

¹⁰ Cai runacunaca ñuca yachachishcata mana uyashun nij millai runcunami. Paicunapaj shungu yuyashcatami rurashpa causancuna. Shujtajcunapaj dioscunata mashcashpami, chaicunata servincuna, chaicunatami cungurincuna. Chashna rurashcamantaca, cai ismushca chumbi shina imapaj mana valijcunami.

JEREMÍAS 13:10 Iomraidhean Croise

SALMOS 78:8

Cancunaca cancunapaj ñaupa yayacuna shina Diosta c'ariyaj, rumi shungucunaca ama canguichijchu. Paicuna shina shungutapish, yuyaitapish Diosmanta anchuchijcunaca ama canguichijchu.

ECLESIASTÉS 11:9

Q'uipa huiñaicunalla, cancuna chairaj cashcapi cushicuichijlla. Cambaj shungu cushicuchun saquilla. Cambaj shungu munashcata rurailla, ñahui pajtashcata ricuilla. Chashna cashpapish can imallata rurashcataca, Diosman ricuchina cashcataca yachanami cangui.

ISAÍAS 3:24

Mishquijllata ashnacujhuan churarishca canapaj randica, millananata ashnacujmi tucungacuna. Chumbipaj randica, huascahuanmi chumbilliringacuna. Sumajta allichirishca ajcha canapaj randica, ajcha illaj lluchu umami tucungacuna. Sumaj churanacunata churarishca canapaj randica, cañamazuta churarishcami cangacuna. Alaja sumaj canapaj randica, ninapi rupashca alliyacuj shinami cangacuna.

JEREMÍAS 11:10

Tucuicunamari ñuca rimashcata mana cazushun nishpa, shujtaj dioscunata mashcashpa chaicunata cungurij paicunapaj ñaupa yayacuna rurashca juchallatataj rurancuna. Chashna rurashpamari israelcunapish, Judá runacunapish paicunapaj ñaupa yayacunahuan ñuca ari ninacushcata p'aquishcacuna” ninmi.

JEREMÍAS 11:18

Ñucata huañuchingapaj yuyarinacushcataca, Mandaj Diosmari ricuchihuarca. Chaipimari yacharcani. Canmari paicuna imata rurasha nicushcataca ricuchihuarcangui.

JEREMÍAS 13:7

Shina nijpica Éufrates yacuman rishpami, ñuca pacashcapi allashpa chai chumbita japircani. Chai chumbica ña ismushpa, imapaj mana valijmi cashca carca.

JEREMÍAS 16:12

Cancunacarin cancunapaj ñaupa yayacunatapish yalli millaicunamari tucunguichij. Ñucata manataj uyashpamari, tucuicuna cancunapaj millai shungupi imata munashcata rurashpa causanguichij.

JEREMÍAS 16:4

Mancharina ungüicunahuanmi huañungacuna. Paicunamantaca pi mana huacangachu, mana pambangacunallapishchu. Majada shinallami allpa jahuapi shitashca siringacuna. Shinallataj espadahuanpish, yaricaihuanpishmi huañungacuna. Paicunapaj aichacunaca huairata purij pajarocunapaj, sacha animalcunapaj micunami canga” nircami.

JEREMÍAS 20:4

Pai Mandaj Diostajmi cashna nin: Cantaca canllatajpish, canhuan alli apanacujcunapish mancharinatami ruragrini. Canhuan apanacujcunatapish, cambaj ñahui ricucuitami p'iñajcunaca espadahuan huañuchingacuna. Tucui Judá runacunatapish, Babilonia llajtata jatun mandajpaj maquipimi churagrini. Paimi Babilonia llajtaman prezu apashpa espadahuan huañuchinga.

JEREMÍAS 22:21

Ñucaca cancuna manaraj ima llaqui tucujpimi rimarcani. Ashtahuanpish huambramantapachami ñuca imata nijpipish: Manataj uyashachu nishpa manataj uyaj carcanguichij.

JEREMÍAS 23:17

Ñucata p'iñachijcunatapish, paicunapaj shungu yuyashcata rurashpa causaj ch'ahuan runacunatapish, quiquin yuyaillamantamari paicunaca: Cancunapajca sumaj causaica mana tucuringachu, ima llaquipish mana shamungachu ninmi Mandaj Diosca nincuna” ninmi.

JEREMÍAS 3:17

Ashtahuanpish chai punllacunapica Jerusalentamari: Mandaj Dios mandashpa causana pueblo ningacuna. Tucui llajtacunamanta Jerusalenman shamushpamari, Mandaj Dios ñucataca alabangacuna. Ña mana paicunapaj millai sinchi shungucuna yuyachishcata rurangacunachu.

JEREMÍAS 35:15

Ñucata servij ñuca ima nishcata huillajcunataca, ñaupamantapacha cunancama huashan huashan cachashpa huillachicunillami. Chai tucui huillajcunahuanmi: Tucuicuna cancunapaj millai causaita saquishpa, ñucaman cutirichij. Mana allita ruranata saquichij. Ña ama chai shujtajcunapaj dioscunapajman rishpa cungurichijchu, ama chaicunata servichijchu. Tucui chaicunata saquishpaca cancunapaj yayacunamanpish, cancunamanpish ñuca cushca cai llajtapi causanguichijmi nishpa huillachircani. Shina cajpipish, cancunaca manataj uyanguichijchu, manataj cazunguichijchu.

JEREMÍAS 44:16

–Mandaj Diosmi huillanaman cachan nishpa, can huillashcataca manataj uyashunchu.

JEREMÍAS 44:5

Shina cajpipish, cancunaca manataj cazurcanguichijchu. Ñuca rimashcata uyashpa, cancuna millaita ruracushcata saquishpa cutirinapaj randica, ashtahuanmi chai shujtajcunapaj dioscunaman inciensota cushpa rupachircanguichij.

JEREMÍAS 5:23

Ashtahuanpish cancunaca llulla, mana cazuj millai shungucunami canguichij. Ñucamanta anchurishpa maitapish ringuichijllami.

JEREMÍAS 7:13

Cancunapish cai tucui millaitami rurashpa causanguichij. Shina cajpipish ñucaca sarun huatacunamantami cancunataca punllanta rimani. Ashtahuanpish cancunaca manataj uyanguichijchu. Cayajpipish manataj cutichinguichijchu.

JEREMÍAS 7:6

Mana cancunapura cajcunatapish, yaya mama illaj huahuacunatapish, viudatapish ama imatapish quichushpa llaquichichijchu. Cai llajtapica manapish ima millaita ruracujcunataca, ña ama japishcahuan huañuchishpa yahuarta jichaichijchu. Shujtajcunapaj dioscunatapish ña ama catichijchu. Cancunapaj llaquipajllatajmari chaicunataca ruracunguichij.

JEREMÍAS 8:5

Chashna cashcamantaca ¿imamantataj cai Jerusalenpi causajcunaca, huiñaita ñucahuan p'iñarishpa, manataj ñucapajman tigrancunachu imamí?

JEREMÍAS 9:13

Mandaj Diosllatajmi cashna nin: “Ñucaca paicunapaj maquipimi mandashcacunata curcani. Chaitamari saquincuna. Ñuca rimajpipish, mana uyancunachu. Mana ñuca mandashca shina causancunachu.

JEREMÍAS 9:14

Ashtahuanpish paicunapaj shungu yuyashcatami rurarcacuna. Paicunapaj yayacuna yachachishca shinallataj, Baalcunatamari catircacuna” ninmi.

JEREMÍAS 9:6

Tucui laya umarishpami causacuncuna. Chashna yallitaj umajcuna cashpami, ñucataca mana paicunapaj Dios cashcata rijsishun nincuna” ninmi Mandaj Diosca.

NÚMEROS 14:11

Chaipimi Mandaj Diosca, Moisestaca cashna nirca: –Cai israelcunaca ¿maicamataj ñucataca p'iñachicungallari? Paicunapaj chaupipi cai tucui señalcunata rurajpipish ¿maicamataj ñucataca mana cringacunari?

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.

Hebreos 12:25

Riquichij, cancunata rimajtaca ama yanganchichijchu. Dios rimachishcata cai pachapi yanganchijcunaca llaquichishcatajmi carcacuna. Ñucanchijcarin jahua pachamanta rimajta yanganchishpaca llaquichishcatajmi cashun.