JEREMÍAS 12:9 - Dios Rimashca Shimicunami

⁹ Ñuca runacunaca tucui laya color plumacunayuj anga shinami. Chaimantami cunanca paicunata huañuchingapaj ullahuangacuna muyucun. Sachapi causaj tucui p'iña animalcuna, shamuichij paicunata micuichij.

JEREMÍAS 12:9 Iomraidhean Croise

2 REYES 24:2

Mandaj Diosca paipajta ruraj profetacunaman judacunataca llaquichishatajmi nishca shinallataj llaquichingapajmi Caldeo soldadocunata, Sirio soldadocunata, Moab soldadocunata, Amón soldadocunata Joacimpajman cacharca.

ISAÍAS 2:11

Jatun tucushca ñahuicunaca cumurichishcami canga. Jatun tucushcacunaca pingachishcami canga. Chai punllapica, Mandaj Diosllami jatunyachishca canga.

ISAÍAS 2:12

Tucuita Mandaj Dios llaquichina punllaca, atirishcacunata, jatun tucushcacunata, caimi jatun nishcacunata cumurichingapajmi shamunga.

ISAÍAS 56:9

Tucui maipi tiyaj animalcuna, sachapi causaj p'iña animalcuna, millpunaman shamuichij.

JEREMÍAS 15:3

Mandaj Diosca cashnapishmi nin: “Paicunapajca chuscu jatun llaquicunatami cachagrini. Puntaca espadahuanmi huañuchisha. Chai q'uipaca tucui c'utsashpa micuchun allcucunatami cachasha. Shinallataj tucui micushpa tucuchichunca, huairata purij pajarocunatapish, sacha animalcunatapishmi cachasha.

JEREMÍAS 2:15

Malta leoncunamari huacarishpa shamurcacuna. Paicunata llaquichingapaj huacarishpa shamushpamari, chushaj llajtata saquincuna. Tucui pueblocunatamari rupachishpa, shujllapish chaipi causachun mana saquincuna.

JEREMÍAS 34:20

Paicunata p'iñashpa huañuchishun nicujcunapaj maquipimi churagrini. Paicunapaj huañushca aichacunataca, huairata purij pajarocuna, sacha animalcunami micunga.

JEREMÍAS 7:33

Cai runacuna huañushca aichacunataca pi mana pambaipaj tiyajpimi, huairata purij pajarocuna, sacha animalcuna micunga. Chai animalcunata manchachijllapish, pi mana tiyangachu.

LAMENTACIONES 1:17

Sionca maquicunata chutashpami cayan, shina cajpipish pi mana cushichinaman shamunchu. Mandaj Diosmari Jacobpaj muyundijpi causajcunataca paita p'iñachun mandashca. Chaimantamari Jerusalentaca tucui paicuna millarca.

EZEQUIEL 34:5

Paicunaca michij illashcamantami, musparishpa caita chaita purincuna. Sachapi causaj p'iña animalcuna japishpa micunallami puricuncuna, caita chaitami rishcacuna.

Apocalipsis 17:16

Can ricushca jatun animalpish, chunga gachucunapish, huainayashpa causaj huarmitaca shitashca lluchullatami saquingacuna. Paipaj aichataca micungacunami, ninapi rupachingacunapishmi.