JEREMÍAS 12:7 - Dios Rimashca Shimicunami

⁷ Ñuca huasita saquinimi. Ñucapajlla cashcacunataca shitanimi. Tucui almahuan ñuca c'uyashcacunataca, paicunata p'iñajcunapaj maquipimi churani.

JEREMÍAS 12:7 Iomraidhean Croise

2 REYES 21:14

Ñuca agllashcacunataca puchurijpipish paicunata p'iñajcunapaj maquipi churashpami, paicuna mirga mirgata rurashpa shitachun saquisha.

SALMOS 106:40

Chaimantami Mandaj Diosca, paipaj cajcunahuanca nina sindirij shina yallitaj p'iñarirca. Paipaj cajcunataca millanachircami.

SALMOS 78:62

Paipaj cajcunataca espadahuan huañuchichunmi curca. Paipaj cajcunahuanca yallitajmi p'iñarirca.

ISAÍAS 2:6

Mandaj Dioslla, can agllashcacunataca saquishcanguimari. Jacobpaj huahua huahuacunataca saquishcanguimari. Paicunallatajmi inti llujshin llajtapi causajcuna apamushca ruranacunahuan junda. Filisteocuna shinamari brujocuna tucuncuna. Shujtaj llajtacunahuanmi imatapish rurashpa pajtachinacungapaj ari ninacuncuna.

JEREMÍAS 11:15

Ñuca c'uyashca huarmilla, cai tucui millaitami rurashpa causangui. Chashna rurashca jahuaca, ñuca huasipica imata mana mañanaman shamunachu cangui. ¿Canca animalcunata huañuchishpa, aichacunata ñucaman cushcachu llaquimanta canta quishpichinata yuyangui? ¿Chaita cushpaca cushicushpa saquirishallami yuyanguichu?” ninmi.

JEREMÍAS 14:19

Mandaj Dioslla, Judá runacunataca ¿huiñaipajchu shitangui imatagari? ¿Sión urcutapish ña manatajchu ricunachingui imatagari? ¿Imamantataj imahuan mana jambiripajta chugrichihuarcanguiyari? Sumaj causaitamari shuyarcanchij, ima alli punllacuna mana chayamunca. Jambichunmari shuyarcanchij, ashtahuanpish mancharina llaquillamari shamun.

JEREMÍAS 17:4

Ñuca cushca cai llajtatapish shitashpami, cancuna mana rijsishca llajtaman ringuichij. Chaipimi cancunata p'iñajcunata servichishpa huatashcata shina charisha. Cancuna ñucata p'iñachishcamantaca, lunyacuj nina shinami huiñaita p'iñarircani ninmi.

JEREMÍAS 22:5

Ashtahuanpish cunan ñuca mandashcata mana uyajpica, cai huasica shitashcami saquiringa. Ñucatajmi chashna nini ninmi ningui” nircami.

JEREMÍAS 23:33

“Cantaca caipi causajcunapuramanta maijanpish, mana cashpaca shuj huillaj, mana cashpaca shuj curapish: ¿Mandaj Diosca imatataj huillaj cachan? nishpa tapujpica, cashna ningui: Mandaj Diosca caitami huillaj cachan: Ñucaca cancunataca shitagrinimi ninmi ningui.

JEREMÍAS 23:39

Cancunataca ñuca ñaupajmanta llujshichishpa cachashpa cungarishami. Cancunapaj ñaupa yayacunamanpish, cancunamanpish cushca cai pueblotapish tucui urmachishami.

JEREMÍAS 51:5

Israelcunatapish, Judá runacunatapish paicunapaj Diosca mana shitashcachu. Cusa huañujpi viuda saquirij huarmi shinaca, mana saquirishcacunachu. Juchahuan llajtata mapayachishpa, paicunapaj jucha illaj Diosta p'iñachishca cajpipish, tucuita Mandaj Diosca mana saquishcachu.

JEREMÍAS 7:14

Chashna rurashcamantaca ñucata mañana cai huasitapish, Silo pueblota shinallatajmi ruragrini. Cancunapaj ñaupa yayacunaman cushcamanta, cancunapaj shunguta churashca cai huasitaca urmachishatajmi.

JEREMÍAS 7:29

Jerusalenpi causajcuna, Mandaj Diosca cancunataca paita p'iñachij huahuacuna cajpimari p'iñarishpa shitashca. Cancunapaj uma ajchata rutushpa pambapi shitaichij. Lomacunaman huichiyashpa caparishpa huacaichij.

EZEQUIEL 24:21

“Tucui israelcunata cashna ningui: Mandaj Jatun Diosca cashnami nin: Riquichij, sumaj cashcata ricuchij ñucapajlla huasitaca chingachishami. Chai huasitaca sumaj cajllapimi, cancunaca ricunata munarcanguichij. Ñuca huasitaca sumaj cashcallamantami munanguichij. Shinallataj cancuna saquishca cancunapaj churicunapish, ushushicunapish espadapimi huañungacuna.

OSEAS 11:1

Israelcunataca huahuaraj cajpimi c'uyarcani. Egiptomantami ñuca churitaca cayarcani.

OSEAS 9:15

Tucui laya millaita ruranataca Gilgalpimi rurarcacuna. Ñucapish chaipimi paicunataca p'iñai callarircani. Paicunapaj rurashcacunaca yallitaj millai cajpimi, ñuca huasimantaca llujshichishpa cachasha. Paicunataca ña mana ashtahuan c'uyashachu. Paicunata mandajcunaca tucuicuna mana cazujcunami.

JOEL 2:15

Sión urcupica, trompetapi tocaichigari. Ayunangapaj tandanacuchun, tucuicunaman huillaichigari.

JOEL 3:2

Tucui shujtaj llajtacunapi causajcunata tandachishpaca, Josafat pugru pambamanmi uriyachisha. Chaipimi ñuca agllashcacunata llaquichishpa causajcunataca llaquichisha. Paicunami ñucapajlla cachun agllashca israelcunataca, tucui llajtacunaman caita chaita cacharcacuna. Chashnami ñuca llajtataca chaupircacuna.

Lucas 21:24

Maijancunataca espadahuanmi huañuchingacuna, shujtajcunataca tucui llajtacunamanmi prezu apangacuna. Jerusalenca mana israelcuna sarushcami canga. Paicuna sarushca cana punlla pajtangacamami, mana israelcuna mandanga.

DEUTERONOMIO 33:12

Benjamintapish alli cashca canguichijman nishpaca cashnami nirca: “Mandaj Diospaj c'uyashca runaca, paipi shunguta churashpami paipaj c'uchullapi causanga. Paitaca huiñaipajmi ugllanga. Mandaj Diospaj rigrapimi causanga” nircami.